ۇيىم مەن سەرىكتەستىكتىڭ رولىنە ارنالدى
سارسەنبى, 5 ماۋسىم 2013 2:05
بۇۇ-نىڭ جەنەۆاداعى بولىمشەسى, دۇنيەجۇزىلىك ونەر جانە عىلىم اكادەمياسى, جەنەۆا قورى مەن قر-نىڭ بۇۇ جەنەۆا بولىمشەسى جانىنداعى تۇراقتى وكىلدىگىنىڭ ۇيىمداستىرۋىمەن ۇلتتار سارايىندا «جاڭا پاراديگماعا قاجەتتىلىك – ءححى عاسىردىڭ مۇمكىندىكتەرى مەن قاۋىپ-قاتەرلەرى» اتتى ءىرى حالىقارالىق كونفەرەنتسيا وتكىزدى, دەپ حابارلادى قر ءسىم-ءىنىڭ ءباسپاسوز قىزمەتى.
سارسەنبى, 5 ماۋسىم 2013 2:05
بۇۇ-نىڭ جەنەۆاداعى بولىمشەسى, دۇنيەجۇزىلىك ونەر جانە عىلىم اكادەمياسى, جەنەۆا قورى مەن قر-نىڭ بۇۇ جەنەۆا بولىمشەسى جانىنداعى تۇراقتى وكىلدىگىنىڭ ۇيىمداستىرۋىمەن ۇلتتار سارايىندا «جاڭا پاراديگماعا قاجەتتىلىك – ءححى عاسىردىڭ مۇمكىندىكتەرى مەن قاۋىپ-قاتەرلەرى» اتتى ءىرى حالىقارالىق كونفەرەنتسيا وتكىزدى, دەپ حابارلادى قر ءسىم-ءىنىڭ ءباسپاسوز قىزمەتى.
باسقوسۋعا بۇۇ باس حاتشىسىنىڭ ورىنباسارى, بۇۇ-نىڭ جەنەۆاداعى ءبولىمشەسىنىڭ باس ديرەكتورى قاسىم-جومارت توقاەۆ ارنايى بايانداماشى رەتىندە شاقىرىلدى. سونىمەن قاتار, ءىس-شاراعا دۇنيەجۇزىلىك ەڭبەك ۇيىمى, جەنەۆا قاۋىپسىزدىك ساياساتى, گۋمانيتارلىق ديالوگ, قارۋلى كۇشتەردى دەموكراتيالىق باسقارۋ, ەۋروپالىق يادرولىق زەرتتەۋلەر ورتالىقتارى, حالىقارالىق جاسىل كرەست, حالىقارالىق داعدارىس توبى, دۇنيەجۇزىلىك شىركەۋلەر كەڭەسى, دۇنيەجۇزىلىك ونەر جانە عىلىم اكادەمياسى, جەنەۆا ديپلوماتيالىق كلۋبى, ريم كلۋبى, جەنەۆا ۋنيۆەرسيتەتى, جەنەۆا ديپلوماتيا جانە حالىقارالىق زەرتتەۋلەر مەكتەبىنىڭ باسشىلارى, سونداي-اق ديپلوماتيالىق ميسسيالاردىڭ, بىرقاتار ىرگەلى حالىقارالىق جانە ۇكىمەتتىك ەمەس ۇيىمداردىڭ, حالىقارالىق ساياسات پروبلەمالارىمەن اينالىساتىن بەدەلدى عىلىمي-زەرتتەۋ ينستيتۋتتارىنىڭ جەتەكشىلەرى اتسالىستى. فورۋمعا قازاقستان رەسپۋبليكاسىنىڭ اتىنان ەلىمىزدىڭ جەنەۆاداعى تۇراقتى وكىلى, ەلشى مۇحتار تىلەۋبەردى قاتىستى.
«عالامدىق قاۋىپتەر مەن مۇمكىندىكتەر» پانەلىندە ق-ج. توقاەۆ «جاڭا الەمدىك تارتىپكە بەيىمدەلۋدەگى بۇۇ مەن سەرىكتەستىكتىڭ ءرولى» تاقىرىبىندا بايانداما جاساپ, قازىرگى تاڭدا دۇنيە جۇزىندە بولىپ جاتقان ماڭىزدى وقيعالار, قالىپتاسقان جاعداي مەن ولاردىڭ پەرسپەكتيۆالارىنا قاتىستى ءوزىنىڭ كوزقاراستارىمەن ءبولىسىپ, بۇۇ مەن حالىقارالىق قوعامداستىق مۇشەلەرىنىڭ وزەكتى ماسەلەلەردى شەشۋدەگى قىزمەتى مەن رولىنە كەڭىنەن توقتالدى.
كونفەرەنتسيا سپيكەرلەرى ينتەراكتيۆتى تالقىلاۋلار بارىسىندا حالىقارالىق قاۋىپسىزدىك پەن الەم بەتتەسىپ وتىرعان قاۋىپ-قاتەرلەر, دىنارالىق كەلىسىم مەن تۇراقتى دامۋ, مەملەكەتتەردىڭ ءوزارا ىقپالداستىعى, ونىڭ ىشىندە ساۋدا جانە ەكونوميكا, رەسۋرستار مەن تەحنولوگيالار, ەنەرگيا مەن ەكولوگيا, ادام كاپيتالى, ءبىلىم بەرۋ, دەنساۋلىق ساقتاۋ مەن جۇمىسپەن قامتۋ سياقتى كوپتەگەن پروبلەمالاردى كوتەرىپ, سوڭىنان قىزۋ تالقىلاۋلارعا جالعاستى.
