«بىرلىك» بولماي, تىرلىك بولمايدى
بەيسەنبى, 2 مامىر 2013 2:15
ۋاقىت – زىمىران. از عانا ۋاقىتتا قازاقستان الەم ساحناسىنداعى ءوزىنىڭ ايشىقتى ورنىن بەلگىلەپ ۇلگەردى. تەگەۋرىن جامان ەمەس. سوڭعى ون بەس جىلدىڭ ىشىندە مەملەكەتىمىز الەمدەگى ەڭ سەرپىندى دامۋشى ەلدەر بەستىگىنە ەندى.
ەلباسىمىز نۇرسۇلتان نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىندا «الەمنىڭ بارلىق ەلدەرى ءوز دامۋىن سالىستىراتىن مويىندالعان رەيتينگتەر بار. وسىدان التى جىل بۇرىن مەن الدىمىزعا الەمنىڭ باسەكەگە قابىلەتتى 50 ەلىنىڭ قاتارىنا كىرۋ جونىندە جالپىۇلتتىق مىندەت قويدىم. قازاقستان دۇنيەجۇزىلىك ەكونوميكالىق فورۋمنىڭ رەيتينگىندە 51-ورىندى يەلەندى. ءبىز بۇگىن وسى ماقساتىمىزعا تاياق تاستام عانا قالدىق», دەگەنى بەلگىلى.
راسىندا دا, ەل تاريحىنىڭ ساپالىق جاڭا كەزەڭى ۇلكەن قارقىنمەنەن ءجۇرىپ جاتقانىن ەشكىم جوققا شىعارا المايدى. ال بۇل ىستە «نۇر وتان» پارتياسى قاشاندا تىڭ ويلار مەن باياندى باستامالاردىڭ ۇيىتقىسى بولىپ كەلەدى. پارتيانىڭ بەلسەندىلىگى ارقاسىندا ەل يگىلىگى جولىندا تالاي ىستەر قولعا الىنىپ, جۇزەگە اسىرىلۋدا. ال بۇل ىستەردىڭ قاي-قايسىسىنىڭ ارتىندا دا قوعامنىڭ مۇددەسى, حالىقتىڭ تالابى جاتقانى انىق.
«نۇر وتان» حالىقتىق-دەموكراتيالىق پارتياسىنىڭ «بىرلىك» فيليالى قازاقستان رەسپۋبليكاسى پرەزيدەنتى ءىس باسقارماسى 17 باستاۋىش پارتيا ۇيىمىنىڭ ارقاۋىندا قۇرىلعانىنا بيىل ون جىل تولعالى وتىرعانىنا قاراماستان, قوعامدا ەداۋىر جۇمىستاردىڭ اتقارىلۋىنا مۇرىندىق بولىپ كەلە جاتقانىن ماقتانىشپەن ايتا الامىز. «بىرلىك» فيليالىن پرەزيدەنتتىڭ ءىس باسقارۋشىسى اباي بيسەمباەۆ باسقارادى. بيىلعى جىلدىڭ قاڭتار ايىنداعى كورسەتكىشتەرى بويىنشا پارتيانىڭ قۇرامىندا ەلىمىزدىڭ ءار سالاسىندا جۇمىس جاسايتىن 5063 مۇشەسى بار. فيليالدىڭ قۇرامىنا 42 باستاۋىش پارتيا ۇيىمى مەن سەناتتىڭ 1 دەپۋتاتتىق توبى, پارلامەنت ءماجىلىسىنىڭ 1 دەپۋتاتتىق فراكتسياسى ەنىپ وتىر.
ساياسي كەڭەس, ساياسي كەڭەستىڭ بيۋروسى, باقىلاۋ-تەكسەرۋ كوميسسياسى بار «بىرلىك» فيليالى قازىرگى تاڭدا «نۇر وتان» حدپ جارعىسى مەن باعدارلاماسىنىڭ نەگىزگى ەرەجەلەرىن ءتۇسىندىرۋ, مەملەكەت باسشىسىنىڭ جىل سايىنعى جولداۋلارىن, پارتيا سەزدەرى شەشىمدەرىن, پرەزيدەنت, «نۇر وتان» حدپ توراعاسى ن.نازارباەۆتىڭ تاپسىرمالارىن ءتۇسىندىرۋ, مەملەكەتتىك باعدارلامالاردى جۇزەگە اسىرۋ, پاتريوتيزم, سالاماتتى ءومىر سالتى سياقتى قۇندىلىقتاردى ناسيحاتتاۋ, پارتيا مۇشەلەرىنىڭ استانامىزدىڭ قوعامدىق-ساياسي ومىرىنە بەلسەندى ارالاسۋى جونىندەگى ءارتۇرلى پىشىندەگى شارالاردى جۇزەگە اسىرۋدا.
«بىرلىك» فيليالى پارتيالىق قىزمەتىنىڭ باسىم بولىگىن قايىرىمدىلىق اكتسيالارىنا ارناپ وتىر. جىل سايىن «جاقىنىڭا جاردەم بەر!», «بالعىندى مەكتەپكە دايىندايىق», «بۇلدىرشىنگە كىتاپ سىيلا», ۇلى وتان سوعىسى مەن تىل ارداگەرلەرىنە تاعزىم ەتۋ, حالىقتىڭ ءال-اۋقاتى ناشار تۇرعىندارىنا جاردەم بەرۋ سەكىلدى جۇمىستار اتقارىلىپ كەلەدى.
«نۇر وتان» حدپ «بىرلىك» فيليالى ساياسي كەڭەسى بيۋروسىنىڭ قاۋلىسىمەن بەكىتىلگەن جوسپارعا ساي ەڭبەك ۇجىمدارىندا كەزدەسۋلەر, ءدوڭگەلەك ۇستەلدەر, كونفەرەنتسيالار, مادەني-كوپشىلىك, سپورتتىق شارالار ۇيىمداستىرىلۋدا. مۇنىڭ ءبارىن وتكىنشى شارالار دەپ قابىلداماۋ قاجەت. اتقارىلىپ جاتقان ءار جۇمىستىڭ كەشەندى جالعاستىعى بار.
قارت ادامدارعا جاردەم رەتىندە باعىتتالعان «ارداگەردىڭ دەنساۋلىعى» اتتى اكتسياسى ەل اراسىندا اجەپتاۋىر ىستىق ىقىلاس تۋدىرىپ وتىر. وسى اكتسيانىڭ اياسىندا سوعىس جانە ەڭبەك ارداگەرلەرى, مۇگەدەكتەر قازاقستان پرەزيدەنتى ءىس باسقارماسىنىڭ مەديتسينالىق ورتالىعىندا تەگىن مەديتسينالىق تەكسەرۋدەن ءوتتى. ال ۇلى وتان سوعىسىنىڭ ارداگەرلەرىنە 9 مامىردا, ايەل-ارداگەرلەرگە 8 ناۋرىزدا قۇرمەت كورسەتۋ كادىمگى داستۇرگە اينالدى.
بالالارمەن جۇمىس جاساۋ, مۇگەدەك بالالاردى, جەتىمدەردى قولداۋ ءجونىندەگى جۇمىستارعا فيليال ەرەكشە كوڭىل ءبولىپ كەلەدى. اتا-اناسىنان, اسىراۋشىسىنان ايىرىلعان 70 ءبۇلدىرشىن پسيحونەۆرولوگيالىق بالالار ديسپانسەرىندە ەم قابىلداۋدا, ال وقۋ جىلى قارساڭىندا بالالار ۇيلەرىندەگى, ءال-اۋقاتى ناشار وتباسىلارىنداعى 220 بالا مەكتەپ كەرەك-جاراقتارىمەن قامتاماسىز ەتىلدى.
تاعى دا قايتالاپ ايتايىق, اتقارىلىپ جاتقان قانداي دا ءبىر شارا بۇل ناۋقاندىق جۇمىستار ەمەس. ونىڭ كەشەندى ويلاستىرىلعان باعىتى بار. سونىمەن قاتار, «قر تۇڭعىش پرەزيدەنتى – ەلباسىنىڭ قورى» دا بۇل يگىلىكتى شاراعا كوپ كومەگىن كورسەتۋدە.
«بىرلىك» فيليالى ءوز جۇمىسىندا جەڭ ۇشىنان جالعاسقان جەمقورلىقتىڭ قاس جاۋى ەكەنىن دە تىلگە تيەك ەتكىم كەلەدى. جاسىراتىن نەسى بار, بۇل ىندەت ۇلتتىق قاۋىپسىزدىگىمىزگە قاۋىپ توندىرەتىنىن ەشكىم جوققا شىعارا المايدى. فيليالدىڭ باستاۋىش پارتيا ۇيىمدارىندا جەمقورلىققا قارسى پارمەندى جۇمىستار اتقارىلۋدا. مەملەكەتتىك قىزمەتكەرلەردىڭ, لاۋازىمدى تۇلعالاردىڭ اراسىندا ورىن الىپ جاتقان كەلەڭسىز فاكتىلەرگە توسقاۋىلدار قويىلۋدا. تەك سوڭعى ءۇش جىلدىڭ ىشىندە كوررۋپتسيالىق قىلمىستارى ءۇشىن 13 ادام پارتيا قاتارىنان شىعارىلدى.
ارينە, ءبارى ويداعىداي دەپ ايتۋعا بولمايتىن شىعار. باستاۋىش پارتيا ۇيىمدارىنىڭ جۇمىستارىن جەتىلدىرە تۇسۋدە اقاۋلار دا بار. جاس مامانداردى پارتيا قاتارىنا تارتۋ ءتيىستى دەڭگەيدە ەمەس. باستاۋىش پارتيا ۇيىمدارىنىڭ كەيبىر توراعالارى سەنىم ۇدەسىنەن شىعا الماۋدا.
ەلباسى ن.ءا.نازارباەۆ كەيىنگى جولداۋىندا: «دۇنيەدە بولىپ جاتقان وزگەرىستەردىڭ سيپاتى مەن تەرەڭدىگى, جاھاندىق ءوزارا ءىس-قيمىل ۇزاق مەرزىمدى دامۋدى تالاپ ەتەدى. كوپتەگەن ەلدەر قازىردىڭ وزىندە 2030-2050 جىلداردىڭ ارعى جاعىنا كوز جىبەرۋگە تىرىسادى», دەگەن ەدى. دەمەك, كۇنى ەرتەڭگى جەتىستىگىمىزدىڭ ىرگەسى وسى باستان قالانۋى شارت.
ول ءۇشىن نە ىستەۋ كەرەك؟ تەك ۇلكەن جاۋاپكەرشىلىك كەرەك!
ءبىز جىل بويىنا اتقارىلاتىن جۇمىستاردىڭ بارىسىن جوسپارىمىزعا ەنگىزدىك. ول جۇيەلى تۇردە اتقارىلىپ كەلەدى.
الدا وتەتىن مىنانداي نەگىزگى شارۋالارعا توقتالعىم كەلەدى.
- «نۇر وتان – سالاماتتى قازاقستان ءۇشىن!», اۆياتسيا مەن عارىشكەرلەر كۇنىنە ارنالعان «ءبىز عارىشتى باعىندىرامىز» اكتسياسى, قالانى اباتتاندىرۋعا بايلانىسى كوشەت وتىرعىزۋ;
- «ۇلتتىق بىرلىك – ءبىزدىڭ ستراتەگيالىق تاڭداۋىمىز», «ارداگەرلەردى ارداقتايىق» پاتريوتتىق اكتسيالارى, «مەملەكەتتىك رامىزدەر – وتانىمىزدىڭ جۇرەگى» مەملەكەتتىك سيمۆولدار كۇنىنە وراي وتكىزىلەتىن شارالار;
- سپورت فەستيۆالدەرىن وتكىزۋ, قازاقستان حالقىنىڭ مادەنيەتىن, ءداستۇرى مەن تىلدەرىن ءبىلۋ كونكۋرسى اياسىندا مەملەكەتتىك ءتىل كۇنىن وتكىزۋ, جەمقورلىققا قارسى كۇرەس;
- «نار تۇلعا; جۇرەك جىلۋى» رەسپۋبليكالىق اكتسياسىنا قاتىسۋ, تاۋەلسىزدىك كۇنىنە ارنالعان سپورتتىق اكتسيالار, «تۇڭعىش پرەزيدەنت كۇنىنە» ارنالعان مەرەكەلىك شارالاردى ۇيىمداستىرۋ, «اياز اتانىڭ سىيلىعى – بالالارعا» مۇگەدەك-بالالارعا كورسەتىلەتىن قايىرىمدىلىق اكتسياسى.
بۇل اتقارىلاتىن جۇمىستاردىڭ ءبىر پاراسى عانا. جوسپارىمىزعا ەنگەن باسقا دا تىرلىكتەر جەتكىلىكتى. ياعني, كۇنى ەرتەڭگىنى بولجاعانىمىز ابزال. «قامدانباعان – قاپى قالادى» دەمەكشى, بۇل جاي جالاڭ ءسوز, قۇرعاق ۋادە ەمەس, ناقتى جاسالاتىن جۇمىستار.
«نۇر وتان» حدپ «بىرلىك» فيليالى «عىلىم» باستاۋىش پارتيا ۇيىمىنىڭ جۇمىسىنا از-كەم توقتالا كەتەيىن. بىلتىرعى جىلدىڭ جازىندا ىرگەسىن قالاعان «عىلىم» باستاۋىش پارتيا ۇيىمى ءوزىنىڭ قاتارىن «عىلىم قورى» اق-تىڭ ءبىر توپ قىزمەتكەرىمەن تولىقتىرىپ, وتان الدىنداعى پارىزدارىن بەلگىلى ءبىر دارەجەدە اتقارىپ كەلەدى. جوعارىدا تىلگە تيەك ەتىلگەن قارتتارعا قامقورلىق, ءمۇمكىندىگى شەكتەۋلى وتباسىلارعا كومەك نازاردان تىس قالىپ كورگەن ەمەس. ماسەلەن, بىلتىرعى شىلدە ايىنىڭ 20-سىندا «عىلىم» باستاۋىش پارتيا ۇيىمى مۇگەدەك بالالار ءۇيىنىڭ اۋماعىندا دەمالىس ساكىلەرىن سالىپ بەردى. مەكتەپ وقۋشىلارىن عىلىمعا تارتۋ جۇمىستارى جاقسى باعىتتا ۇيىمداستىرىلىپ وتىر. ادامزات بالاسىنىڭ باستى پارىزى –جاقسىلىق جاساۋ دەسەك, «نۇر وتان» حدپ قۇرامىنداعى «بىرلىك» فيليالى دا, ونىڭ قاتارىنداعى «عىلىم» باستاۋىش پارتيا ۇيىمى دا الداعى ۋاقىتتا بۇل يگىلىكتى جۇمىستارىن ۇلكەن ريزاشىلىقپەن جالعاستىرادى.
ەلباسىنىڭ «قازاقستاننىڭ الەۋمەتتىك جاڭعىرتىلۋى: «جالپىعا ورتاق ەڭبەك قوعامىنا قاراي 20 قادام» باعدارلامالىق ماقالاسى, قازاقستان حالقىنا جىل سايىنعى جولداۋلارى باستاۋىش پارتيا ۇيىمى وكىلدەرى اراسىندا ۇدايى تالقىلانىپ, پىكىر الماسۋلار ءوتىپ تۇراتىنىن ايتساق, ءار قازاقستاندىق ازامات ەل ابىرويى جولىندا الداعى كەزەڭدە دە قوعام ومىرىنە بەلسەنە ارالاسادى دەگەن سەنىمدەمىن.
قۋاتجان ۋاليەۆ,
«نۇر وتان» حدپ «بىرلىك» فيليالى
ساياسي كەڭەسىنىڭ بيۋرو مۇشەسى.
