«بىرلىك» پارتياسى قۇرىلدى
سەنبى, 27 ءساۋىر 2013 3:12
بۇل «رۋحانيات» جانە «ادىلەت» پارتيالارىنىڭ بىرىگۋى ناتيجەسىندە جۇزەگە استى
قوعامنىڭ دامۋ ۇدەرىسىندە پارتيالاردىڭ قۇرىلۋى مەن تارالۋى زاڭدىلىق. ال قازاقستان تاۋەلسىزدىك العان تۇستا ءوز جولىن تاڭداپ, جارقىن باستامالاردى جۇزەگە اسىرا باستادى. وسى ىستەردى جۇيەلى ۇيىمداستىرۋ ءۇشىن بەلگىلى ءبىر پارتيالاردىڭ ىقپالى قاجەت بولدى. ءسويتىپ, كوپشىلىك داۋىسىمەن پارتيالار قۇرىلدى. ولار مەملەكەتىمىز دامۋىنا ىقپال ەتەتىن باعدارلامالاردىڭ وركەن جايۋىنا بىرلەسىپ كىرىستى. ال كەيبىر جەكەلەگەن پارتيالار ۋاقىت وتە كەلە بىرىگىپ, ەلىمىزدىڭ الەۋمەتتىك-ەكونوميكالىق دامۋىنا ۇلەس قوستى. ناقتى ايتقاندا, ازاماتتىق قوعام بەلسەندىلىگىنىڭ ارتا ءتۇسۋى, ونىڭ ماڭىزى مەن ءرولى كۇن وتكەن سايىن جاڭا قىرىنان كورىنىپ, تەپە-تەڭدىك زاڭدىلىعىن بۇزعان جوق.
سەنبى, 27 ءساۋىر 2013 3:12
بۇل «رۋحانيات» جانە «ادىلەت» پارتيالارىنىڭ بىرىگۋى ناتيجەسىندە جۇزەگە استى
قوعامنىڭ دامۋ ۇدەرىسىندە پارتيالاردىڭ قۇرىلۋى مەن تارالۋى زاڭدىلىق. ال قازاقستان تاۋەلسىزدىك العان تۇستا ءوز جولىن تاڭداپ, جارقىن باستامالاردى جۇزەگە اسىرا باستادى. وسى ىستەردى جۇيەلى ۇيىمداستىرۋ ءۇشىن بەلگىلى ءبىر پارتيالاردىڭ ىقپالى قاجەت بولدى. ءسويتىپ, كوپشىلىك داۋىسىمەن پارتيالار قۇرىلدى. ولار مەملەكەتىمىز دامۋىنا ىقپال ەتەتىن باعدارلامالاردىڭ وركەن جايۋىنا بىرلەسىپ كىرىستى. ال كەيبىر جەكەلەگەن پارتيالار ۋاقىت وتە كەلە بىرىگىپ, ەلىمىزدىڭ الەۋمەتتىك-ەكونوميكالىق دامۋىنا ۇلەس قوستى. ناقتى ايتقاندا, ازاماتتىق قوعام بەلسەندىلىگىنىڭ ارتا ءتۇسۋى, ونىڭ ماڭىزى مەن ءرولى كۇن وتكەن سايىن جاڭا قىرىنان كورىنىپ, تەپە-تەڭدىك زاڭدىلىعىن بۇزعان جوق.
بۇل ورايدا ۇكىمەتتىك ەمەس سەكتوردىڭ دا ۇلەسى باسىم بولدى. ال نەگىزىنەن مۇددەلەس پارتيالار ەلدى سەرپىندى جاڭعىرتۋ يدەياسىن قولداي وتىرىپ, مىناداي باسىم باعىتتى ۇستاندى. قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ باعىتى اياسىنا جالپىۇلتتىق توپتاسۋدىڭ يدەيالىق جانە ۇيىمداستىرۋشىلىق نەگىزىن نىعايتۋ; قازاقستاندىق قوعامنىڭ نەگىزگى قۇندىلىقتارىن ودان ءارى دامىتۋ; مەملەكەتتىك باسقارۋ جۇيەسىنىڭ ساپاسىن ارتتىرۋ. مىنە, العا ۇستانعان نەگىزگى تۇعىرلار وسىنداي. ەڭ باستىسى, قازاقستاننىڭ 2020 جىلعا دەيىنگى دامۋ ستراتەگياسىن ءتيىمدى ىسكە اسىرۋ قاجەت. وسى ميسسيانىڭ ويداعىداي ىسكە اسۋى ءۇشىن پارتيالار مۇشەسىنىڭ بەلسەندىلىگى ەرەكشە ءرول اتقارادى. الدا مۇنان دا وزگە سان الۋان مىندەتتەر تۇر. كوپ بىرىكسە, الىنبايتىن قامال جوق دەمەكشى, كەشە عانا «رۋحانيات» پەن «ادىلەتتىڭ» بىرىگىپ, جاڭا «بىرلىك» پارتياسى اياسىنا توپتاسۋى ءبىزدىڭ ەل العا قويعان مىندەتتەردى ورىنداۋ ماقساتىنان تۋىنداپ وتىرعان جايت ەكەنى انىق. بۇرىن «ادىلەت» پارتياسىندا 70 مىڭ, ال «رۋحانيات» پارتياسىندا 72 مىڭ مۇشە بولعان ەكەن. ەندى ەكى پارتيا بىرىگۋ ارقىلى ولاردىڭ قاتارى ەكى ەسەدەي ارتتى. كەشە «رۋحانيات» پارتياسى وتكىزگەن كەزەكتەن تىس سەزدە وسىعان ەكپىن بەرىلىپ, ورتاق ءىستى بىرلەسىپ اتقارۋعا ۋاعدالاسىلدى.
سونىمەن, «بىرلىك» پارتياسىنىڭ توراعاسى بولىپ سەرىك سۇلتانعالي سايلاندى. كوپشىلىكتىڭ سەنىمىنە يە بولعان س.سۇلتانعالي جىلى لەبىزىن ءبىلدىرىپ, الدا تۇرعان مىندەتتەردى مالىمدەدى: «جاڭادان قۇرىلعان «بىرلىك» پارتياسى الدىمەن بۇقارا قامىن ويلايدى. سونىڭ ىشىندە جاستار ماسەلەسى مەن ەلدى مەكەندەگى تىرشىلىكتى نازاردان قاعىس قالدىرمايمىز. ال قۇقىقتىق ءتارتىپتى قاداعالاۋدا ءبىزدىڭ پارتيا قۇرامىنداعى مۇشەلەردىڭ بىلىكتىلىگى جەتەدى. دەمەك, ءبىز ءاربىر ءىستى ءوز دارەجەسىندە ورىندايتىن بولامىز», دەدى ول.
جاڭا پارتيا قۇرىلدى. وسىعان بايلانىستى بەلگىلى ازاماتتاردىڭ پىكىرىن سۇراپ بىلگەن ەدىك.
بولات سۇلتانوۆ, پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى: «ادىلەت» جانە «رۋحانيات» پارتيالار جاڭادان قولعا الاتىن ىستەرىن ۇتىمدى ءجۇزەگە اسىرۋ ماقساتىندا بىرىگىپ وتىر. بۇل ءوز كەزەگىندە سايلاۋ ناۋقانىندا ايرىقشا سيپاتقا يە بولادى. سوندىقتان ولاردىڭ قايتا قۇرىلىمدالۋى زاڭدىلىق. ەڭ باستىسى, مەملەكەت باسشىسى العا قويعان مىندەتتەردى ءساتتى ورىنداپ شىعۋ ماقساتىن كوزدەيدى.
كامال بۇرحانوۆ, پارلامەنت ءماجىلىسىنىڭ دەپۋتاتى: ەل تاۋەلسىزدىگىنىڭ جارقىن بەلەسىندە قولعا الىنعان ىستەردى كوپتەپ ايتۋعا بولادى. سونىڭ ءبارىندە حالقىمىزدىڭ ۇلەسى مول. الدا مۇنان دا ۇلكەن جۇمىستار تۇر. ەكونوميكامىزدى ءارتاراپتاندىرۋ, ءوندىرىس ورىندارى اياسىن كەڭەيتۋ, مىنە, ءبىزدىڭ نەگىزگى مىندەتتەرىمىز وسىنداي. وسى ىستەردى جۇيەلى اتقارۋدا ەلىمىزدەگى پارتيالاردىڭ دا ۇلەسى مول بولماق. سوندىقتان, كۇش بىرىكتىرىپ «بىرلىك» پارتياسىنىڭ اياسىنا توپتاسقان بۇرىنعى «ءادىلەت» پەن «رۋحانياتتىڭ» بۇل قادامى وتە ورىندى دەپ بىلەمىن. ەستەرىڭىزدە بولسا, پارلامەنت سايلاۋىندا ەكى پارتيا دا داۋىس جيناي الماعان ەدى. ەندى ولار ورتاق ماقساتتارىن بىرلەسىپ جۇزەگە اسىرادى.
قازىر دۇنيە جۇزىندەگى داعدارىس كىمدى دە بولسا ويلانتپاي قويمايدى. ءبىزدىڭ ەلباسى وسىنىڭ الدىن الۋ ءۇشىن باتىل قادامدارعا بارىپ, بىرقاتار ىستەردىڭ ءساتتى ورىندالۋىنا باستاماشى بولدى. سوندىقتان دا جوسپارلانعان جۇمىستاردى ودان ءارى ءساتتى جالعاستىرۋ ءۇشىن ءبىزدىڭ بارلىعىمىزعا ۇيىمشىلدىق قاجەت. ول بىرلىك ەلدىڭ الەۋمەتتىك-ەكونوميكالىق احۋالىن جاقسارتۋعا بىردەن-ءبىر ىقپال جاسايدى.
بوتاكوز راقىشەۆا, «تسەسسي-قازاقستان» الەۋمەتتىك-ساياسي زەرتتەۋلەر ينستيتۋتىنىڭ ديرەكتورى: بىزدىڭ ەلىمىز العا جىلجىعان سايىن ونىڭ كۇندەلىكتى ومىرىندە تىڭ جاڭالىقتار بولىپ جاتىر. ماسەلەن, كەشە عانا «ادىلەت» پەن «رۋحانياتتىڭ» بىرىگۋى ەلىمىز تاريحىنداعى ەلەۋلى وقيعا بولدى. جالپى, دەموكراتياسى دامىعان مەملەكەتتەردە ورتاق ءىستى پارتيالار بىرلەسە اتقارۋدى كوزدەيدى. وسى تۇرعىدان العاندا, جاڭادان قۇرىلعان «بىرلىك» پارتياسىنىڭ الدىندا ۇلكەن مىندەتتەر تۇر. ول – ەل دامۋىنىڭ باسىم باعىتىن كوزدەيتىن باعدارلامالاردى اياعىنا دەيىن جەتكىزۋ, ۇلتتىق بىرلىكتىڭ بەرىك دىڭگەگىن شايقالتپاۋ. جالپى, تۇراقتىلىق, تاتۋلىق, توپتاسقاندىق قوعامعا قاي كەزدە دە كەرەك. اسىرەسە, قازىرگىدەي داعدارىس سىنىندا «ءبىر جاعادان باس, ءبىر جەڭنەن قول شىعارعان» ءلازىم. وسىنداي جاۋاپتى كەزەڭدە ءاربىر قازاقستاندىقتىڭ قاستەرلى قۇندىلىقتاردى قورعاۋى ىرگەلى تابىستارعا جەتەلەيدى. بۇل رەتتە, كوپشىلىك بۇگىنگى بيىكتىككە وپ-وڭاي جەتپەگەنىمىزدى ەسكەرگەنى ءجون. ول ەلباسىنىڭ سىندارلى ساياساتىنىڭ ارقاسىندا ءساتتى جۇزەگە اسىرىلدى. سول باعا جەتپەس يگىلىكتى ەلىمىز پارتيالارى قادىرلەي دە قاستەرلەي بىلۋلەرى ءتيىس.
ءامىرحان الماعانبەتوۆ,
«ەگەمەن قازاقستان».
