جۇمىس جاندانسا, ءومىر جاقسارادى
جۇما, 19 ءساۋىر 2013 0:38
«نۇر وتان» حدپ توراعاسىنىڭ ءبىرىنشى ورىنباسارى باۋىرجان بايبەك وبلىسقا جۇمىس ساپارى بارىسىندا الدىمەن قالاداعى №7 كاسىپتىك ليتسەيگە كەلدى. ليتسەي «قازاقستان ەلەكتروليز زاۋىتى» اق-تا جۇمىس جاسايتىن بولاشاق مامانداردى دايىندايدى.
وسى جەردەگى «Tekri» كاسىپورنىنىڭ جۇمىسىمەن تانىستى. بۇل – ينتەراكتيۆتى 3D تەحنولوگيالارىن كونتاكتىسىز باسقارۋ جوبالارىن دايارلايتىن كومپانيا. ءبىز بۇل جايىندا گازەتىمىزدە جازعان بولاتىنبىز.
جۇما, 19 ءساۋىر 2013 0:38
«نۇر وتان» حدپ توراعاسىنىڭ ءبىرىنشى ورىنباسارى باۋىرجان بايبەك وبلىسقا جۇمىس ساپارى بارىسىندا الدىمەن قالاداعى №7 كاسىپتىك ليتسەيگە كەلدى. ليتسەي «قازاقستان ەلەكتروليز زاۋىتى» اق-تا جۇمىس جاسايتىن بولاشاق مامانداردى دايىندايدى.
وسى جەردەگى «Tekri» كاسىپورنىنىڭ جۇمىسىمەن تانىستى. بۇل – ينتەراكتيۆتى 3D تەحنولوگيالارىن كونتاكتىسىز باسقارۋ جوبالارىن دايارلايتىن كومپانيا. ءبىز بۇل جايىندا گازەتىمىزدە جازعان بولاتىنبىز. وسى كۇندەرى «Tekri» جشس جاساعان يننوۆاتسيالىق مودۋلدەر كاسىپتىك جانە تەحنيكالىق ليتسەيلەر, ءىرى ونەركاسىپ ورىندارىندا قولدانىلۋدا. ب.بايبەك بىرەگەي قۇرىلعىلار وندىرىلەتىن نەگىزگى وندىرىستىك عيماراتتاردى ارالاپ كوردى. بۇل وقۋ ورنىندا بولاشاقتارىن وندىرىسپەن بايلانىستىرعان جاستار ءبىلىم الادى. قۇرىلعىلار ارقىلى وقۋشىلار ەش قيىندىقسىز دانەكەرلەۋ جۇمىستارىن جۇزەگە اسىرادى. وقۋشىلار ءوندىرىس پروتسەسىن ۆيرتۋالدى تۇردە سەزىنەدى. «تەكري» كومپانياسىنىڭ ديرەكتورى يليا مۋحورتوۆتىڭ ايتۋىنشا, بىرنەشە جوبالار تەحنيكالىق ءبىلىم بەرۋ مەكتەپتەرىنىڭ وقىتۋ باعدارلاماسىنا ەنگىزىلىپتى. تەحنولوگيانىڭ ەرەكشەلىگى سول, قيىن مەحانيزمدەردى ۆيزۋالدى تۇردە جاساۋعا مۇمكىندىك بەرەدى.
كەلەسى كەزەكتە ب.بايبەك قالاداعى جاستارعا قىزمەت كورسەتۋ ورتالىعىنا كەلدى. بۇل قاناتقاقتى جوبا ءبىزدىڭ وبلىستا جۇزەگە اسۋدا. وسى جەردە ماماندار قۇقىقتىق, پسيحولوگيالىق كەڭەستەر بەرەدى. جالپى, مۇندا كەلەتىن جاستارعا قىزمەتتىڭ 13 ءتۇرى كورسەتىلەدى. وقۋ كابينەتتەرىندە 3 ءتىلدى ۇيرەنۋ كۋرستارى جۇمىس ىستەيدى. قىزمەتتىڭ بارلىق ءتۇرى تەگىن.
بۇدان كەيىن «دوستىق ۇيىندە» وبلىستاعى ەتنومادەني بىرلەستىكتەر وكىلدەرىمەن كەزدەسۋ ءوتتى. «نۇر وتان» حدپ توراعاسىنىڭ ءبىرىنشى ورىنباسارى ەتنومادەني بىرلەستىكتەردىڭ ەلدەگى ەتنوسارالىق جانە كونفەسسياارالىق كەلىسىمدى نىعايتۋداعى ماڭىزىن اتاپ كورسەتتى. سونداي-اق, «نۇر وتان» پارتياسى مەن قازاقستان حالقى اسسامبلەياسى اراسىندا ارىپتەستىك جونىندەگى مەموراندۋمعا قول قويۋ جوسپارلانىپ وتىرعانىن جەتكىزدى.
تۇستەن كەيىن ب.بايبەك باستاعان پارتيالىقتار «جاس ۇرپاق» جاستار ۇيىنە كەلدى. پارلامەنت ءماجىلىسى كەشە «كەيبىر زاڭنامالىق اكتىلەرگە جەتىم بالالار مەن اتا-اناسىنىڭ قامقورلىعىنسىز قالعان بالالاردىڭ تۇرعىن ۇيگە قۇقىقتارىن قامتاماسىز ەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا قابىلداعانى بەلگىلى. تاربيەلەنۋشى پولينا تسىبۋلكينانىڭ ايتۋىنشا, سوعان سايكەس پاتەر كەزەگىندە تۇرعان وزدەرى سەكىلدىلەرگە ءبىرشاما جەڭىلدىكتەر جاسالادى. «بۇعان اسا قۋانىشتىمىز. ويتكەنى, جاسى 23-تەن اسقان كەيبىر تاعدىرلاستارىمىز بەس جىل بويى پاتەر كەزەگىن كۇتۋدە», دەدى ول. جاستار ءۇيىنىڭ تاربيەلەنۋشىلەرى ب.بايبەككە بۇل جاڭالىققا قۋانىشتى ەكەندىكتەرىن جەتكىزە كەلىپ, وزدەرىن ازىق-ت ۇلىكپەن قامتاماسىز ەتەتىن جىلىجاي كەرەك ەكەنىن دە جاسىرمادى. ءسويتىپ, ەندى بۇل ماسەلە جەرگىلىكتى ءماسليحات دەپۋتاتتارىنىڭ تالقىلاۋىنا ۇلاسىپ, سول ارقىلى جىلىجاي سالۋعا قاجەتتى قارجى قاراستىرىلماقشى. ب.بايبەكتى وتباسىنان تىس ورتادا تاربيەلەنىپ جاتقان بالالاردىڭ تۇرمىسى, كۇندەلىكتى ءومىرى قىزىقتىردى. جاتىن ورىن, تاماقتانۋ بولمەلەرىن ارالادى.
ساپار سوڭى وبلىستىق پارتيا اكتيۆىمەن كەزدەسۋمەن اياقتالدى. شارا بارىسىندا پارتيانىڭ الداعى ۋاقىتتاعى باستى مىندەتتەرى اتاپ كورسەتىلدى. ولاردىڭ ىشىندە وڭىرلەردەگى جۇمىستى كۇشەيتۋ, مەملەكەتتىك ورگاندار جۇمىسىنا باقىلاۋدى ارتتىرۋ, قوعام مەن بيلىك اراسىنداعى كەرى بايلانىستى نىعايتۋ, ۇكىمەتتىك ەمەس ۇيىمدار جانە جاستار ۇيىمدارىمەن جۇيەلى بايلانىس ورناتۋ جايى تالقىلاندى.
فاريدا بىقاي,
«ەگەمەن قازاقستان».
پاۆلودار وبلىسى.
