تاڭداۋ جاساۋعا تولىق مۇمكىندىك بار
سارسەنبى, 17 ءساۋىر 2013 2:11
الداعى كۇندەردە مەملەكەتتىك قىزمەتكەرلەردى ۇلكەن جاۋاپكەرشىلىك كۇتىپ تۇر. ارينە, مۇنداعى وزگەرىستەردىڭ ءبارى كادردىڭ قادىرىن, بەدەلىن كوتەرۋ, ماماننىڭ ءبىلىكتىلىگى مەن ءبىلىمىن ارتتىرۋدان تۋىنداعانى انىق. بىردەن ايتايىق, بۇل رەفورما قوماقتى قارجىنى قاجەت ەتپەيدى. بۇرىن ەلىمىزدە 3200 ساياسي قىزمەتكەر بار بولسا, وسى رەفورمادان كەيىن ولاردىڭ سانى 480-گە كەميدى. قارجىنىڭ دەنى نەگىزىنەن «ا» كورپۋسىنا جۇمسالعالى وتىر. بۇل كورپۋستاعىلاردىڭ ءبىلىم-بىلىگىنە قاراي جالاقىسى بەكىتىلەدى.
سارسەنبى, 17 ءساۋىر 2013 2:11
الداعى كۇندەردە مەملەكەتتىك قىزمەتكەرلەردى ۇلكەن جاۋاپكەرشىلىك كۇتىپ تۇر. ارينە, مۇنداعى وزگەرىستەردىڭ ءبارى كادردىڭ قادىرىن, بەدەلىن كوتەرۋ, ماماننىڭ ءبىلىكتىلىگى مەن ءبىلىمىن ارتتىرۋدان تۋىنداعانى انىق. بىردەن ايتايىق, بۇل رەفورما قوماقتى قارجىنى قاجەت ەتپەيدى. بۇرىن ەلىمىزدە 3200 ساياسي قىزمەتكەر بار بولسا, وسى رەفورمادان كەيىن ولاردىڭ سانى 480-گە كەميدى. قارجىنىڭ دەنى نەگىزىنەن «ا» كورپۋسىنا جۇمسالعالى وتىر. بۇل كورپۋستاعىلاردىڭ ءبىلىم-بىلىگىنە قاراي جالاقىسى بەكىتىلەدى.
جالپى, ەل كەز كەلگەن رەفورمادان تىڭ وزگەرىستەر, ەڭ باستىسى – جوعارى ساپا كۇتەدى. «مەملەكەتتىك قىزمەت سالاسىنداعى مۇنداي وزگەرىستەردى جاساۋدان بۇرىن, رەفورمانىڭ جوباسى جان-جاقتى تالقىلاندى. مەنىڭشە, بۇل رەفورما ەلباسىمىز ايتقانداي, مەملەكەتتىك قىزمەتكەردى حالىققا جاقىنداتا تۇسەدى دەپ ويلايمىن. ساپالى قىزمەت كورسەتۋگە ۇيرەتەتىن بولادى. ياعني, رەفورمانىڭ اياسىندا مەملەكەتتىك قىزمەتكەردى قىزمەتتەن قىسقارتۋ ءماسەلەسى تۋىندامايدى», دەيدى مەملەكەتتىك قىزمەت ىستەرى جونىندەگى اگەنتتىكتىڭ وڭتۇستىك قازاقستان وبلىسى بويىنشا باسقارماسىنىڭ باستىعى بەرىك بەكجانوۆ.
وتكەن اپتا سوڭىندا «مەملەكەتتىك قىزمەت تۋرالى» زاڭعا ەنگىزىلگەن وزگەرىستەر مەن تولىقتىرۋلار جونىندە وڭتۇستىك قازاقستان وبلىسى مەملەكەتتىك ورگاندارىنىڭ مەملەكەتتىك اكىمشىلىك قىزمەتشىلەرىمەن سەمينار-كەڭەس ءوتىپ, جاڭا رەفورمانىڭ ءمان-جايى كەڭىنەن اڭگىمە بولدى. ۇمىتكەرلەر مەملەكەتتىك قىزمەتكە, كورپۋستان كورپۋسقا تەست جۇيەسى ارقىلى سىناق تاپسىرىپ, كونكۋرستىق نەگىزدە قابىلدانادى. «ا» كورپۋسىنا كونكۋرسقا قاتىسقاندار وتپەي قالعان جاعدايدا جۇمىستان بوساپ قالادى دەۋگە نەگىز جوق. ونىڭ «ب» كورپۋسىنا وتۋىنە قۇقى بار.
سونىمەن, الداعى 2-3 ايدىڭ كولەمىندە اۋدان-قالا اكىمدەرىنىڭ اراسىندا ۇلكەن كادرلىق اۋىس-ءتۇيىس باستالادى. مەملەكەتتىك قىزمەت تۋرالى زاڭنامالارعا ەنگىزىلگەن وزگەرىستەرگە سايكەس ساياسي قىزمەتكەرلەردىڭ سانى ازايىپ, باسقارۋدىڭ «ا» جانە «ب» كورپۋسى دەپ اتالاتىن جاڭا جۇيە ەنگىزىلدى. اۋدان, قالا اكىمدەرى وسى «ا» كورپۋسىنا كىرگەن. ال بۇل كورپۋس قايتا ىرىكتەلىپ جاتىر. ءبىرىنشى جارتىجىلدىققا دەيىن اتالعان كورپۋستىڭ كادر رەزەرۆى تولىعىمەن جاساقتالىپ شىعادى.
جاڭا زاڭ كۇشىنە ەنگەن 26 ناۋرىزدان باستاپ اۋدان-قالا اكىمدەرى وبلىس اكىمىمەن اراداعى جاسالعان كەلىسىمشارتقا ءسايكەس ءوز قىزمەتتەرىن ۋاقىتشا اتقارىپ وتىر. كۇنى ەرتەڭ قاتاڭ سۇرىپتاۋدان كەيىن ولاردىڭ قانشاسى قىزمەتىن ساقتاپ قالادى, قانشاسى قىزمەتىمەن قوشتاسادى؟ بۇل, ارينە, الداعى كۇننىڭ ەنشىسىندەگى ماسەلە. وزدەرىڭىزگە بەلگىلى, شىلدە-تامىزدا اۋىل اكىمدەرىنىڭ بارلىعى قايتا سايلانادى. اۋدان-قالا اكىمدەرى قايتا جاساقتالىپ جاتىر. ياعني, بيىلعى جاز اكىمدەر ءۇشىن ۇلكەن سىناق بولايىن دەپ تۇر.
الدىمەن جاڭا زاڭعا سايكەس ساياسي مەملەكەتتىك قىزمەتكەرلەردىڭ رەفورماعا سايكەس ساياسي قىزمەتكەرلەردىڭ جاۋاپكەرشىلىگى كۇشەيتىلدى. جالپى, وڭتۇستىك قازاقستان وبلىسىندا «ا» كورپۋسىنا كىرەتىن باس-اياعى 24 شەنەۋنىك بار ەكەن. «ب» كورپۋسىنا بۇدان ءتومەن تۇرعان شەنەۋنىكتەر, ونىڭ ىشىندە وبلىستىق باسقارمانىڭ باستىقتارى كىرەدى. اۋدان-قالا اكىمى ەندى الدىمەن تەستتىڭ بارىنەن سۇرىنبەي ءوتىپ, وبلىستان قۇرىلعان وڭىرلىك, بۇدان كەيىن استاناداعى قازاقستان رەسپۋبليكاسى پرەزيدەنتى جانىنداعى كادر ساياساتى جونىندەگى ۇلتتىق كوميسسيادان اڭگىمەلەسۋدەن وتەدى. قۇجاتتار 3 اقپاننان باستاپ قابىلدانىپ جاتىر. كورپۋستى تولىقتاي جاساقتاۋ شىلدەگە دەيىن جالعاسادى. وسىنىڭ ءبارىنەن ءساتتى وتكەن ۇمىتكەر «ا» كورپۋسىنىڭ رەزەرۆىنە الىنادى.
بۇل شارا بىلتىر قۇقىق قورعاۋ ورگاندارى قىزمەتكەرلەرىنىڭ تاپسىرعان اتتەستاتسياسىنا ۇقساعانىمەن, كادردى قىزمەتكە تاعايىنداۋدا ۇلكەن وزگەشەلىك بار. اۋدان, قالا اكىمدەرىن قىزمەتكە تاعايىنداۋ وبلىس اكىمىنىڭ قۇزىرىندا ەكەنى بەلگىلى. الدىن الا ايتىلىپ جۇرگەن اڭگىمەلەرگە قاراعاندا, مۇنىڭ ءوزىن دە وبلىس اكىمى جالعىز وتىرىپ شەشە سالمايدى. بۇرىنعىداي ءبىر بۇيرىقپەن اكىم تاعايىنداۋ ءداۋىرى ەندى كەلمەسكە كەتتى. كادر رەزەرۆىنەن ەڭ ۇزدىكتى تاڭداپ الۋ ءۇشىن ارنايى كونكۋرستىق كوميسسيا جۇمىس ىستەيدى.
ال كادر رەزەرۆىندە جۇزدەگەن ادام تۇر. دەرەكتەرگە قاراعاندا, رەسپۋبليكا بويىنشا كادر رەزەرۆىنە 800-گە جۋىق مامان جاساقتالاتىن كورىنەدى. ياعني, كادر تاعايىنداۋدا تاڭداۋعا, تالعام جاساۋعا تولىق ءمۇمكىندىك بار دەگەن ءسوز.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
