جاستارعا سەنىم قاشاندا جوعارى
سارسەنبى, 10 ءساۋىر 2013 2:05
قوعام دامۋىندا جاستاردىڭ ءرولى زور. ۇرپاقتار ساباقتاستىعىن ۇزبەي, ىلگەرى كۇنگە ىلكىمدىلىكپەن قادام باسۋ ءۇشىن سالاماتتى, بەيىندى دە زەيىندى, ءتارتىپتى جاستار ءوسىرۋ قاجەتتىگىن ءومىر كورسەتىپ وتىر. «نۇر وتان» حدپ توراعاسىنىڭ ءبىرىنشى ورىنباسارى باۋىرجان بايبەكتىڭ وڭىرلەرگە ساپارى كەزىندەگى جاستاردىڭ قوعامداعى باستاماشىلدىعىنا نازار اۋدارۋ ءۇردىسى اقتوبەدەگى جۇمىس ساپارى بارىسىندا دا جالعاستى.
سارسەنبى, 10 ءساۋىر 2013 2:05
قوعام دامۋىندا جاستاردىڭ ءرولى زور. ۇرپاقتار ساباقتاستىعىن ۇزبەي, ىلگەرى كۇنگە ىلكىمدىلىكپەن قادام باسۋ ءۇشىن سالاماتتى, بەيىندى دە زەيىندى, ءتارتىپتى جاستار ءوسىرۋ قاجەتتىگىن ءومىر كورسەتىپ وتىر. «نۇر وتان» حدپ توراعاسىنىڭ ءبىرىنشى ورىنباسارى باۋىرجان بايبەكتىڭ وڭىرلەرگە ساپارى كەزىندەگى جاستاردىڭ قوعامداعى باستاماشىلدىعىنا نازار اۋدارۋ ءۇردىسى اقتوبەدەگى جۇمىس ساپارى بارىسىندا دا جالعاستى.
ب.بايبەكتى اۋەجايدان بىردەن اقتوبە پوليتەحنيكالىق كوللەدجىنە كەلىپ, وسىندا جينالعان جاستار بىرلەستىكتەرى كوشباسشىلارىمەن «STOPقىلمىس» رەسپۋبليكالىق اكتسياسى اياسىندا كەزدەسىپ, جاستار اراسىنداعى ءتارتىپ بۇزۋشىلىقتىڭ الدىن الۋ جانە جاسوسپىرىمدەر اراسىندا بوپسالاۋ مەن توپتاسىپ توبەلەسۋگە قارسى ارەكەت ەتۋ ماقساتىندا قۇرىلعان «بۇركىت» پاتريوتتىق كلۋبىنىڭ جۇمىسىمەن تانىستى, جاس ۇرپاق تاربيەسى تۋرالى كەڭ اڭگىمەلەسۋى وزەكتى ماسەلەنى ورتاق ويلاسىپ شەشۋگە دەگەن پارتيا ۇستانىمىن انىق اڭعارتتى.
باۋىرجان قىدىرعالي ۇلى ءوز كەزەگىندە ەلدىڭ ەرتەڭى جاستار ەكەنىن, سوندىقتان جاستاردىڭ جات ادەتتەردەن اۋلاق بولۋىنا جاستاردىڭ وزدەرى ۇيىتقى بولۋلارى كەرەكتىگىن ايتتى. قوعامدىق ءتارتىپتى نىعايتۋعا, جاستار اراسىنداعى ءتارتىپ بۇزۋشىلىقپەن كۇرەستە بىرەگەي جوبا رەتىندە تانىلعان «بۇركىت» پاتريوتتىق كلۋبىنىڭ جۇمىسى دا كوڭىل قۋانتادى. كلۋب جەتەكشىسى سەرىك ساعيەۆ بۇل بىرلەستىكتىڭ جاسوسپىرىمدەر مەن جاستار اراسىنداعى ءتارتىپ بۇزۋشىلىقتىڭ الدىن الۋداعى جۇمىس تاجىريبەسىن تاراتىپ ايتىپ بەردى.
پارتيا توراعاسىنىڭ ءبىرىنشى ورىنباسارى اتباسىن بۇرعان كەلەسى نىسان – ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا سالىنىپ جاتقان «قازحروم» تۇك» اكتسيونەرلىك قوعامىنىڭ جاڭا فەرروقورىتپا زاۋىتى بولدى. ەلىمىزدىڭ يندۋستريالاندىرۋ كارتاسىنا ەنگىزىلگەن بۇل جوبا الەمدە تەڭدەسى جوق جوعارى كومىرسۋتەكتى فەرروحروم ءوندىرىسىنىڭ يننوۆاتسيالىق تەحنولوگياسىن ەنگىزۋمەن, ەلەكتر قوندىرعىلارىنىڭ, اۆتوماتتاندىرۋدىڭ جانە تۇراقتى توك پەشتەرىنىڭ جاڭا جۇيەسىن پايدالاناتىندىعىمەن باعالى. جوبانى جۇزەگە اسىرۋ ەلىمىزدىڭ جوعارى كومىرسۋتەكتى فەرروحرومدى ەكسپورتتاۋ مۇمكىندىگىن 16 پايىزعا ارتتىرادى, ءونىمنىڭ وزىندىك قۇنىن كەمىتەدى دەپ كۇتىلۋدە. مۇندا ەڭبەك ونىمدىلىگى 3-4 ەسە وسەدى, جوعارى تەمپەراتۋرانىڭ جۇمىسشىلارعا اسەرى اناعۇرلىم كەميدى. قازىر نىسان 47,5 پايىز دايىن. قارجىنىڭ 77,9 پايىزى يگەرىلگەن, جوبانى پايدالانۋعا بەرۋ بيىلعى جىلدىڭ ءتورتىنشى توقسانىنا جوسپارلانىپ وتىر. بۇل تۋرالى اقتوبە فەرروقورىتپا زاۋىتىنىڭ ديرەكتورى مۇرات مۇقاشەۆ مالىمدەدى.
استانالىق قوناق سودان كەيىن «قونىس» سپورت سارايىندا ءوتىپ جاتقان پرەزيدەنت ن.نازارباەۆتىڭ جۇلدەسى ءۇشىن قازاق كۇرەسىنەن «قازاقستان بارىسى» ءتۋرنيرىنىڭ اقتوبە قالاسى بويىنشا ىرىكتەۋ جارىسىنا قاتىسىپ, بالۋانداردىڭ بوز كىلەمدەگى شالت قيمىل, شاپشاڭ ادىسىنە ءتانتى بولدى. 133 بالۋان قاتىسقان جارىستا ەرەسەكتەر اراسىندا تۇيە بالۋان اتانعان شىڭعىس شوقپىتوۆتى, ەكىنشى جانە ءۇشىنشى ورىنداردى يەلەنگەن دارحان تەمىرحان مەن سايات جەتىباەۆتى ماراپاتتاعان باۋىرجان قىدىرعالي ۇلى وسىندا جينالعان جانكۇيەر جاستارعا قۇتتىقتاۋ ءسوز ارنادى. ول بۇل جوبانىڭ ەلباسى تاپسىرماسىمەن جۇزەگە اسىرىلىپ جاتقانىن, ونىڭ ماقساتى – جاستاردى سپورتقا كوبىرەك تارتۋ, دەنى ساۋ ۇرپاق وسىرۋگە ىقپال ەتۋ ەكەنىن جەتكىزدى.
تۇستەن كەيىن «نۇر وتان» حدپ ءتوراعاسىنىڭ ءبىرىنشى ورىنباسارى «نۇر وتان» حدپ جوعارى پارتيا مەكتەبى اقتوبە ايماقتىق فيليالىنىڭ جۇمىسىمەن, وقۋ باعدارلاماسىمەن تانىستى. فيليالدا وسى كەزەڭدە 722 ادام ماماندىق جەتىلدىرۋ كۋرستارىنان ءوتىپتى. ول فيليالدا وتكىزىلىپ جاتقان ترەنينگكە قاتىسۋشىلارمەن پارتيانىڭ ماقساتتارى مەن مىندەتتەرى, قۇقىقتارى جانە پارتيالىق جۇمىستىڭ جاريالىلىعى حاقىندا اڭگىمە ءوربىتتى, پارتيالىق وقۋدى جاڭاشا ۇيىمداستىرۋ ماسەلەسىنە توقتالدى.
جۇمىس ساپارىنىڭ سوڭىندا باۋىرجان بايبەك وبلىستىڭ پارتيا اكتيۆىمەن كەزدەسىپ, پارتيانىڭ مىندەتتەرى, مەملەكەتتىك ورگاندار قىزمەتىنە باقىلاۋ جۇرگىزۋ, قوعام مەن بيلىك اراسىنداعى بايلانىستى نىعايتۋ, ۇكىمەتتىك ەمەس جانە جاستار ۇيىمدارىمەن جۇمىستى جانداندىرۋ توڭىرەگىندەگى ويلارىن ورتاعا سالدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
