جوبانىڭ نەگىزگى ماقساتى سالىق تولەۋشىلەردىڭ سالىق تولەۋ مادەنيەتىن كوتەرۋ, سالىق تۋرالى زاڭ تالاپتارىن ورىنداۋ, كولەڭكەلى ەكونوميكادان تابىس كولەمىن شىعارۋ جانە مەملەكەتتىك كىرىس سالاسىنداعى مەملەكەتتىك ورگاندار تاراپىنان جاسالاتىن تەكسەرىستەردى ازايتۋ.
مەموراندۋمعا سايكەس, جالعا بەرۋ تۋرالى كەلىسىم-شارت جاساۋ بارىسىندا جالعا بەرۋشى تاراپ جالعا الاتىن تاراپتا كەلەسى قۇجاتتاردىڭ بولۋىنا نازار اۋدارۋى ءتيىس:
- مەملەكەتتىك كىرىس ورگاندارىندا مىندەتتى تۇردە تىركەلۋى;
- ونلاين-ككم, POS-تەرمينالداردى مىندەتتى تۇردە قولدانۋى;
- جالدامالى جۇمىسشىلاردىڭ اربىرىمەن ەڭبەك كەلىسىم-شارتتارىنىڭ بولۋى;
- الكوگولدى ونىمدەردى ساقتاۋ مەن ساتۋعا ليتسەنزيالاردىڭ بولۋى.
بۇدان بولەك, بايقوڭىر اۋداندىق مەملەكەتتىك كىرىستەر باسقارماسى جالعا الۋشىلار اراسىندا قولدانىستاعى سالىق زاڭ تالاپتارىن ءتۇسىندىرۋ جۇمىستارى مەن سەمينارلار وتكىزۋدى جوسپارلاپ وتىر.
سالىق كەزەڭىنىڭ قورىتىندىسى بويىنشا, بايقوڭىر اۋداندىق مەملەكەتتىك كىرىستەر باسقارماسى سالىق تولەۋشىلەردىڭ دەرەكقورىن باسقارۋ جۇمىستارىن جۇرگىزبەك. زاڭبۇزۋشىلىق فاكتىلەرى انىقتالعان جاعدايدا ەسكەرتۋ قاعازدارى بازارلار مەن ساۋدا ورتالىقتارىنىڭ اكىمشىلىكتەرىنە ولقىلىقتاردى جويۋ ءۇشىن جىبەرىلەدى. ەگەر سالىقتولەۋشىلەر زاڭبۇزۋشىلىقتى جويۋدان باس تارتسا, مەموراندۋمعا سايكەس, ولارمەن جاسالعان جالعا بەرۋ كەلىسىم-شارتى ءوز كۇشىن جوعالتۋى مۇمكىن.
