الىپ مەگاپوليس جىل سايىن كوركەيىپ, بيىك ۇيلەر مەن ءزاۋلىم عيماراتتار بوي تۇزەپ كەلەدى. بۇل نىسانداردىڭ بارلىعىندا قۇرىلىسشىلاردىڭ قولتاڭباسى جاتىر. سوندىقتان قۇرىلىسشى ەڭبەگi قاشان دا قۇرمەتكە لايىق. بيىل الماتىدا 2 ملن 100 مىڭ شارشى مەتر قۇرىلىس جۇرگىزىلەدى. ونىڭ 75 مىڭ شارشى مەترى مەملەكەتتىك باعدارلاما بويىنشا تۇرعىزىلاتىن پاتەرلەر. جىل باسىنان بەرى قالادا 1 جارىم مىڭ وتباسى قونىس تويىن تويلاعان.
«بۇگىندە قۇرىلىس سالاسى ەكونوميكانىڭ نەگىزگى درايۆەرلەرىنىڭ ءبىرى بولىپ تابىلادى. وتكەن 7 ايدىڭ قورىتىندىسى بويىنشا قۇرىلىس سالاسىنىڭ ءوسۋ قارقىنى 11 پايىزعا جۋىقتادى. ال, ەكونوميكامىز جالپى العاندا 4 پايىزعا دامىدى. دەمەك, قۇرىلىس سالاسى ەكونوميكانى دامىتۋعا سەرپىن بەرىپ وتىر. مۇنىڭ بارلىعى سىزدەردىڭ جانكەشتى ەڭبەكتەرىڭىزدىڭ ارقاسىنداعى كورسەتكىش. سوندىقتان, قازاقستاندى كوركەيتۋ جولىنداعى كۇندەلىكتى جۇمىستارىڭىزعا تابىس تىلەيمىن!», – دەدى قر پرەمەر-ءمينيسترى اسقار مامين.
الماتى
