ۇنقاتۋ مانەرى وزگەرىپ كەلەدى
سەنبى, 6 ءساۋىر 2013 2:20
مۇرتازا قۇرۋعي,
يران مەملەكەتتىك تەلەۆيزياسى حالىقارالىق ءبولىمىنىڭ اعا ءتىلشىسى.
«الماتى كەلىسسوزدەرىنىڭ» ءبىرىنشى كەزدەسۋىنەن كەيىن باتىس ەلدەرىنىڭ يرانعا ۇنقاتۋ مانەرى كوپ وزگەرگەندىگىن ايتقىم كەلەدى. وسىعان وراي يران دا ءوزىنىڭ پوزيتسياسىن جۇمسارتىپ, «التىلىق» ەلدەرىنە تۇسىنىستىكپەن جاۋاپ قاتۋ جاعدايىنا كوشتى. قازىر ەكى تاراپتىڭ اراسى بۇرىنعىعا قاراعاندا كوپ جاقىنداستى جانە مۇنىڭ ءبارى يادرولىق قارۋدان باس تارتقان قازاق ەلىنىڭ ۇستانعان ساياساتىنىڭ بارشامىزعا جاعىمدى ەكەندىگىنەن تۋىنداپ وتىرعانىن باسا ايتار ەدىك.
سەنبى, 6 ءساۋىر 2013 2:20
مۇرتازا قۇرۋعي,
يران مەملەكەتتىك تەلەۆيزياسى حالىقارالىق ءبولىمىنىڭ اعا ءتىلشىسى.
«الماتى كەلىسسوزدەرىنىڭ» ءبىرىنشى كەزدەسۋىنەن كەيىن باتىس ەلدەرىنىڭ يرانعا ۇنقاتۋ مانەرى كوپ وزگەرگەندىگىن ايتقىم كەلەدى. وسىعان وراي يران دا ءوزىنىڭ پوزيتسياسىن جۇمسارتىپ, «التىلىق» ەلدەرىنە تۇسىنىستىكپەن جاۋاپ قاتۋ جاعدايىنا كوشتى. قازىر ەكى تاراپتىڭ اراسى بۇرىنعىعا قاراعاندا كوپ جاقىنداستى جانە مۇنىڭ ءبارى يادرولىق قارۋدان باس تارتقان قازاق ەلىنىڭ ۇستانعان ساياساتىنىڭ بارشامىزعا جاعىمدى ەكەندىگىنەن تۋىنداپ وتىرعانىن باسا ايتار ەدىك. سايد ءدجاليليدىڭ ورىنباسارى الي باگيريدىڭ سوزىنە قاراعاندا, ەكى تاراپ ءبىر-ءبىرىن دۇرىس ءتۇسىنىسۋ ارناسىنا توعىسىپ وتىر. سوڭعى ءبىر جىل كولەمىندە باتىس ەلدەرى يرانعا قاتىستى قىسىمدى كوبەيتىپ جىبەرگەنىن كۇللى الەم كورىپ-ءبىلىپ وتىر. الايدا, ول قىسىم ەش ناتيجە بەرمەگەنى انىق. يراننىڭ ماگاتە-گە قاتىستى ءوزىنىڭ مىندەتتەمەلەرىن ەسكەرسەك, بۇل ماسەلە ءتۇبى ءبىر شەشىمىن تابارى حاق.
بۇكىل الەم قازىرگى تاڭدا ءماسەلەنى اتومدىق قارۋمەن شەشپەيتىنىن ءتۇسىنىپ وتىرعان تۇستا, بىرنەشە مەملەكەت بىرىگىپ الىپ ءبىر ەلگە قىسىم كورسەتە وتىرىپ, ونىڭ حالىقارالىق ءمۇمكىندىكتەرىن شەكتەۋ ارقىلى دۇرىس ارناعا سالا المايدى. يران مەن يراك اراسىنداعى, اۋعانستان, تاياۋ شىعىستاعى سوعىستار وسىنىڭ دالەلى. ەندى حالىقارالىق قاۋىمداستىقتار مۇنداي كيكىلجىڭدەرگە جول بەرمەۋ شاراسىن قاراستىرۋى كەرەك, بۇل مەيلىنشە ءپىسىپ-جەتىلگەن ساياسي ءتاسىل دەپ ەسەپتەيمىن.
يران ماسكەۋ كەزدەسۋىندە ءوزىنىڭ ستراتەگيالىق 5 ماسەلەسىن العا تارتقان ەدى. «الماتى كەلىسسوزدەرىندە» باتىس ەلدەرى دە ماڭىزدى ءبىر جوبانى ۇسىندى. ءوز كەزەگىندە يران ماسكەۋ كەزدەسۋىندە قوزعالعان بەس ماسەلە مەن «الماتى كەلىسسوزدەرىندەگى» ءبىر ماسەلەنى قورىتىپ, تاعى دا تولىقتىرىلعان ۇلكەن ماسەلەنى كۇن تارتىبىنە شىعارىپ وتىر.
الەمدى قارۋسىزداندىرۋ ءماسەلەسىنە بۇكىل ەل, بارشا قۇرلىق بىرىگۋ كەرەك. وسى قارۋسىزداندىرۋ ماسەلەسىنە قاتىستى يران بىرنەشە ءىرى حالىقارالىق جوبالاردى ۇسىنىپ وتىر. يران دا قازاقستان سەكىلدى يادرولىق قارۋعا قارسى ەل. قاھارلى قارۋمەن ەمەس, سىندارلى ساياساتپەن عانا ماسەلەلەر وڭ شەشىمىن تاباتىنىن جاس بالا دا بىلەتىن حالگە جەتتى. بەيبىت ماسەلەلەر تەك تاراپتار ءبىر-ءبىرىنىڭ پىكىرىنە كوڭىل اۋدارعاندا عانا شەشىلەتىنىن ەسكەرسەك, بۇل ماسەلەدە دە ساياسي نازىك ءمىندەتتەردى ءتۇسىندىرۋ ارقىلى مامىلە ىزدەگەن «الماتى كەلىسسوزدەرى» بۇگىنگى ساياسي عالامعا كوپ ماسەلەنىڭ ءمانىسىن ۇعىندىردى.
