وبلىستىق دەپارتامەنت پوليتسياسىنىڭ ءباسپاسوز ورتالىعىنىڭ مالىمدەۋىنشە قىلمىسكەر ايەل مەن قىزىن پىشاقتاپ ءولتىرىپ, بىردەن ءىزىن سۋىتقان. ال مارقۇمداردىڭ جانسىز دەنەلەرىن ۋچاسكەلىك پوليتسەي تاۋىپ العان.
قىلمىسقا قاتىسى بار دەگەن كۇدىكپەن 25 جاستاعى جىگىت ۇستالدى. ول مارقۇمنىڭ تانىسى ەكەن. كۇدىكتى ءوز كىناسىن تولىق مويىندادى. الدىن الا مالىمەتتەرگە سايكەس, قايعىلى وقيعانىڭ ورىن الۋىنا تۇرمىستىق كيكىلجىڭ سەبەپ بولعان. جىگىت بۇعان دەيىن بىرنەشە رەت اكىمشىلىك جانە قىلمىستىق جاۋاپكەرشىلىككە تارتىلعان ەكەن. ءتارتىپ ساقشىلارى ونى پەتروپاۆل قالاسىندا قۇرىقتادى.
«قازىرگى ۋاقىتتا اتالعان فاكتى بويىنشا قىلمىستىق كودەكستىڭ 99-شى بابىنىڭ 2-ءشى تارماعى بويىنشا سوتقا دەيىنگى تەرگەۋ جۇمىستارى جۇرگىزىلۋدە. ۇستالعان ازامات مامليۋت اۋداندىق پوليتسيا ءبولىمىنىڭ ۋاقىتشا تەرگەۋ يزولياتورىنا قامالدى», دەيدى ءباسپاسوز ورتالىعىنىڭ باس مامانى نۇربەك باەكين.
سولتۇستىك قازاقستان وبلىسى
