كاسىپورىندارداعى كوشپەلى قابىلداۋ
سەيسەنبى, 2 ءساۋىر 2013 0:43
«نۇر وتان» حدپ وبلىستىق فيليالى ەلباسى, پارتيا توراعاسى نۇرسۇلتان نازارباەۆتىڭ تۇرعىندار اراسىندا قازاقستان رەسپۋبليكاسىنىڭ 2020 جىلعا دەيىنگى ستراتەگيالىق دامۋ جوسپارىن جۇزەگە اسىرۋ جانە ونىڭ نەگىزگى باعىتتارىن ءتۇسىندىرۋ ماقساتىندا تاپسىرماسىن ورىنداۋدا ءوز جۇمىستارىن جاڭاشا قۇرىپ, جەتىلدىرە تۇسۋدە. سونىڭ ءبىر كورىنىسى رەتىندە ازاماتتاردى كوشپەلى قابىلداۋ ءداستۇرلى جۇزەگە اسىرىلىپ كەلەدى.
سەيسەنبى, 2 ءساۋىر 2013 0:43
«نۇر وتان» حدپ وبلىستىق فيليالى ەلباسى, پارتيا توراعاسى نۇرسۇلتان نازارباەۆتىڭ تۇرعىندار اراسىندا قازاقستان رەسپۋبليكاسىنىڭ 2020 جىلعا دەيىنگى ستراتەگيالىق دامۋ جوسپارىن جۇزەگە اسىرۋ جانە ونىڭ نەگىزگى باعىتتارىن ءتۇسىندىرۋ ماقساتىندا تاپسىرماسىن ورىنداۋدا ءوز جۇمىستارىن جاڭاشا قۇرىپ, جەتىلدىرە تۇسۋدە. سونىڭ ءبىر كورىنىسى رەتىندە ازاماتتاردى كوشپەلى قابىلداۋ ءداستۇرلى جۇزەگە اسىرىلىپ كەلەدى.
«نۇر وتان» حدپ وبلىستىق فيليالىنىڭ قوعامدىق قابىلداۋ كەڭەسىنىڭ مۇشەلەرى ەلىمىزدەگى 2010-2014 جىلدارعا ارنالعان ۇدەمەلى يندۋستريالىق-يننوۆاتسيالىق دامۋدىڭ مەملەكەتتىك باعدارلاماسى بويىنشا جۇزەگە اسىرىلاتىن جوبالار مەن جۇمىس ىستەيتىن نىساندار بويىنشا «ازاماتتاردى بىرىڭعاي قابىلداۋ كۇنى» رەسپۋبليكالىق اكتسياسى اياسىندا قالاداعى ءبىرقاتار كاسىپورىنداردا بولىپ, جۇمىسشىلارمەن جۇزدەستى.
كوشپەلى قوعامدىق قابىلداۋشىلار ءبىرىنشى بولىپ «تەنۋسا» جشس-ىنە اتباسىن تىرەدى. سەرىكتەستىكتىڭ پوليمەرلى-كومپوزيتتى ماتەريالدار وندىرەتىن زاۋىتى – «بيزنەستىڭ جول كارتاسى-2020» باعدارلاماسى قولداۋىمەن جۇزەگە اسىرىلعان جوبا. زاۋىتتا جىلۋ, سۋ جانە گاز قۇبىرلارى, كارىزدى قاراۋ قۇدىقتارى مەن ولاردىڭ قاقپاقتارى شىعارىلادى. وبلىستا ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا جۇزەگە اسىرىلعان بۇل جوبانىڭ باتىس قازاقستاندا تەڭدەسى جوق دەۋگە بولادى. سوندىقتان دا زاۋىت ونىمىنە سۇرانىس جوعارى, ونىڭ تۇرلەرىن كوبەيتۋگە باعىت ۇستالۋدا.
– زاۋىت ونىمدەرىنىڭ ارتىقشىلىعى سول – مۇندا شىعارىلاتىن قۇدىقتار مەن قاقپاقتار شويىننان قۇيىلاتىندارعا قاراعاندا, جەڭىل جانە اناعۇرلىم ارزان. وندىرىستىك پروتسەستە تابيعي قۇم مەن پلاستيك قالدىقتار پايدالانىلادى. بۇل – ەلىمىزدە وسىنداي ءونىم شىعاراتىن العاشقى زاۋىت, – دەيدى «تەنۋسا» جشس ديرەكتورىنىڭ ورىنباسارى جاننا كۇندولوۆا.
زاۋىت جۇمىسشىلارى ەڭبەكاقىلارىن ۋاقتىلى الادى. ەڭبەك ەتۋگە تولىق جاعداي جاسالعان.
پارتيا فيليالىنىڭ قوعامدىق قابىلداۋ كەڭەسىنىڭ مۇشەلەرى ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا پايدالانۋعا بەرىلىگەن «Izet Grenhaus» جىلىجاي كەشەنىندە جانە تەمىر-بەتون بۇيىمدارىن شىعاراتىن «ميزام» جشس-ىندە بولدى. مۇندا دا نەگىزگى اڭگىمە وزەگى كاسىپورىنداردىڭ جوبالىق قۋاتىن يگەرۋ, جۇمىسشىلاردىڭ الەۋمەتتىك جاعدايى توڭىرەگىندە ءوربىدى. ەكى كاسىپورىندا دا جوبالىق قۋاتتى يگەرۋدىڭ تولىق العىشارتتارى جاسالعان, جۇمىسشىلاردى الەۋمەتتىك قولداۋ ماسەلەلەرى شەشىمىن تاپقان.
مىسالى, «ميزام» جشس-ىنە قاراستى «ناعىز بەتون» زاۋىتى جىلىنا 150,0 مىڭ تەكشە مەتر تەمىر-بەتون وندىرەدى. قازىر مۇندا 130 ادام ەڭبەك ەتەدى. زاۋىت ءوڭىردىڭ سونداي-اق اتىراۋ, ماڭعىستاۋ جانە باتىس قازاقستان وبلىستارىنىڭ وسىنداي ونىمدەرگە دەگەن سۇرانىسىن تولىق جابادى. بولاشاقتا مۇندا تۇرعىن ءۇي قۇرىلىسىنىڭ وسى زامانعى, ءتيىمدى جانە ۇنەمدى تەحنولوگياسى ءۇشىن جىلۋ ۇستاعىش قابىرعالىق پانەلدەرىن ءوندىرۋ جەلىسىن پايدالانۋعا بەرۋ كوزدەلۋدە.
– مۇنداي شارالاردىڭ قايتارىمى مول. وتكەن جىلى وتكىزىلگەن كوشپەلى قوعامدىق قابىلداۋلاردا بىرقاتار كاسىپورىنداردىڭ وزەكتى ماسەلەلەرىن شەشۋگە ىقپال ەتىلدى. سونداي-اق, ۇدەمەلى يندۋستريالىق-يننوۆاتسيالىق باعدارلاما اياسىندا ىسكە قوسىلعان كاسىپورىنداردىڭ جوبالىق قۋاتىندا جۇمىس ىستەۋىنە باقىلاۋ جاسالادى, ولارداعى الەۋمەتتىك شيەلەنىستىڭ بولماۋى قاداعالانادى. بۇل ءۇردىستى بيىل دا جالعاستىرۋدامىز. بۇگىنگى شارا سونىڭ ايقىن ايعاعى. كوشپەلى قوعامدىق قابىلداۋ جوسپارلى جۇرگىزىلەدى, ولارعا قاتىسۋشىلار كەستەگە ساي بەكىتىلەدى, – دەيدى «نۇر وتان» حدپ وبلىستىق فيليالى قوعامدىق قابىلداۋ بولمەسىنىڭ مەڭگەرۋشىسى امانگەلدى مەكتەپباەۆ.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
