پالاتا سپيكەرى اتاپ وتكەندەي, اقش-پەن ءوزارا ءتيىمدى جان-جاقتى بايلانىستى دامىتۋ ءبىزدىڭ ەلىمىزدىڭ سىرتقى ساياساتىنىڭ باسىم باعىتتارىنىڭ ءبىرى. نۇرلان نىعماتۋلين قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ 2018 جىلى قاڭتاردا امەريكا قۇراما شتاتىنا جاساعان رەسمي ساپارى ەكى ەل اراسىنداعى كەڭەيتىلگەن ستراتەگيالىق ارىپتەسىككە سەرپىن بەرگەنىن اتاپ ءوتتى. وسى رەتتە ءماجىلىس توراعاسى قازاقستان پرەزيدەنتى قاسىم-جومارت توقاەۆتىڭ قالىپتاسقان سىرتقى ساياسي ۇستانىمدى ساقتاي وتىرىپ, الەۋمەتتىك-ەكونوميكالىق دامۋعا ارنالعان ستراتەگيالىق باعىتتى جالعاستىرىپ كەلە جاتقانىنا نازار اۋداردى.
تاراپتار ەكىجاقتى قارىم-قاتىناستى دامىتۋدىڭ, سونىڭ ىشىندە حالىقارالىق قاۋىپسىزدىك, ەنەرگەتيكا, اۋىلشارۋاشىلىعى باسقا دا سالالار بويىنشا ىقپالداستىقتى نىعايتۋ ماسەلەلەرىن تالقىلادى.
ءوز كەزەگىندە دەۆين نۋنەس ءبىزدىڭ ەلىمىزدىڭ كوپتەگەن باعىتتار بويىنشا جەتىستىكتەرىنە جوعارى باعا بەردى. سونداي-اق ەلدەرىمىز اراسىنداعى لاڭكەستىكپەن كۇرەس بويىنشا سىندارلى بايلانىسقا كوڭىل ءبولدى.
كەزدەسۋ بارىسىندا ن. نىعماتۋلين پارلامەنتارالىق ىنتىماقتاستىق تۋرالى دا ءسوز قوزعاپ, ءماجىلىس دەپۋتاتتارىنىڭ اقش ارىپتەستەرىمەن زاڭ شىعارۋ جۇمىسىندا تاجىريبە الماسۋعا ىنتالى ەكەنىن جەتكىزدى.
