قر وسك ءباسپاسوز قىزمەتىنىڭ مالىمەتىنشە, اقپاراتتىق-كوممۋنيكاتسيالىق سايلاۋ ينفراقۇرىلىمىن, ونىڭ ىشىندە سايلاۋشىلاردىڭ بىرىڭعاي ەلەكتروندىق ءتىزىلىمىن قۇرۋمەن, باسقارۋمەن جانە پايدالانۋمەن 2005 جىلدان باستاپ ورتسايلاۋكومنىڭ ۆەدومستۆولىق باعىنىستى ۇيىمى – «ورتالىق سايلاۋ كوميسسياسىنىڭ ينجەنەرلىك – تەحنيكالىق ورتالىعى» رمك اينالىسادى.
«سايلاۋشى-ازاماتتاردىڭ بىرىڭعاي ەلەكتروندىق ءتىزىلىمى ورتالىق سايلاۋ كوميسسياسىنىڭ سەرۆەرلەرىندە ورنالاسقان, ولار اقپاراتتى قورعاۋدىڭ بارلىق شارالارىن كوزدەيدى جانە سىرتقى قوسىلىستارى جوق, ونىڭ ىشىندە ينتەرنەت جەلىسىنە قوسىلماعان. وسىلايشا, وسك سەرۆەرلەرىنەن دەرەكتەردىڭ تارالىپ كەتۋى مۇمكىن ەمەس.
ورتالىق سايلاۋ كوميسسياسى سايلاۋشىلاردىڭ دەربەس دەرەكتەرىن تاراتۋ قاۋپى تۋرالى جاريا الاڭدا باياندالعان فاكتىلەر بويىنشا قىزمەتتىك تەكسەرۋ جۇرگىزدى. قۇپيا اقپاراتتىڭ جايىلۋىنا اكەپ سوعۋى مۇمكىن ورتالىق سايلاۋ كوميسسياسىنىڭ سەرۆەرلەرىنە رۇقساتسىز قول جەتكىزۋ ارەكەتتەرىن تەكسەرۋ ناتيجەلەرى بويىنشا انىقتالعان جوق», دەلىنگەن رەسمي حابارلامادا.
ورتسايلاۋكومنىڭ مالىمدەۋىنشە, بۇل رەتتە «قر وسك يتو» رمك مەردىگەرلىك ۇيىمىنىڭ اقپاراتتىق-تالداۋ جۇيەسىنىڭ فۋنكتسيونالىن جەتىلدىرۋ بويىنشا جۇمىس بارىسىندا دەرەكتەردى كومپرومەتاتسيالاۋ كوزى بولا الاتىن ازىرلەۋ سەرۆەرىن پايدالانعاندىعى انىقتالعان.
«قىزمەتتىك تەكسەرۋ ناتيجەلەرى, سونداي-اق «قر وسك يتو» رمك تاپسىرىسى بويىنشا جۇمىستار كەشەنىن جۇزەگە اسىرعان مەردىگەرلىك ۇيىمنىڭ قىزمەتىنە قاتىستى ماتەريالدار ۋاكىلەتتى ورگاندارعا بەرىلدى. ءىىم جۇرگىزگەن سوتقا دەيىنگى تەرگەۋ شەڭبەرىندە بولعان وقيعانىڭ بارلىق ءمان-جايلارىن انىقتاۋعا بەلسەندى كومەك كورسەتىلەدى», دەلىنگەن حابارلامادا.
سونىمەن قاتار بيىل اقپاراتتىق قاۋىپسىزدىككە قاتىستى قوسىمشا شارالار قابىلدانىپ, ەكى مارتە اۋديت جۇرگىزىلگەن. اتاپ ايتقاندا, مەملەكەتتىك تەحنيكالىق قىزمەتى اقپان ايىندا, وسك باستاماسى بويىنشا «تساركا» زاڭدى تۇلعالار بىرلەستىگى جاساعان مەموراندۋم نەگىزىندە ماۋسىم ايىندا اۋديت جۇرگىزىلگەن.
«تساركا» زتب بەلگىلەنگەن ىنتىماقتاستىق شەڭبەرىندە اقپاراتتىق جۇيەلەردىڭ كەشەندى ءاۋديتىن, سىرتقى جانە ىشكى تەستىلەۋدى جۇزەگە اسىردى, قاۋىپسىزدىك قاتەرلەرىنە بايلانىستى تاۋەكەلدەردى تالداۋدى جانە باعالاۋدى جۇرگىزدى جانە ت.ب.
اقپاراتتىق قاۋىپسىزدىك ءاۋديتىنىڭ قورىتىندىلارى بويىنشا 2019 جىلعى 6 ماۋسىمداعى «تساركا» زتب ەسەبى قولجەتىمدىلىگى شەكتەۋلى اقپاراتتىڭ, ونىڭ ىشىندە سايلاۋشىلاردىڭ دەربەس دەرەكتەرىنىڭ تارالىپ كەتۋ قاۋپى مەن وسالدىعىن انىقتاۋ تۋرالى دەرەكتەردى قامتىمايدى. ەسەپتە قامتىلعان اقپاراتتىق قاۋىپسىزدىك شارالارىن كۇشەيتۋ جونىندەگى ۇسىنىمدار تولىق كولەمدە ۋاقتىلى ىسكە اسىرىلدى», دەلىنگەن حابارلامادا.
