قازاقستان مەن ءۇندىستان كاسىپكەرلەرى جوعارى تەحنولوگيالىق بىرلەسكەن ءوندىرىس اشۋى ىقتيمال
سارسەنبى, 6 ناۋرىز 2013 15:14
سىرتقى ىستەر ءمينيسترى ەرلان ىدىرىسوۆ رەسمي ساپارمەن ءۇندىستان رەسپۋبليكاسىنا باردى, دەپ جازادى Bnews.kz.
ە. ىدىرىسوۆ ءۇندىستان ۆيتسە-پرەزيدەنتى – پارلامەنت جوعارعى پالاتاسىنىڭ توراعاسى موحامماد انساري مەن ءوزىنىڭ ارىپتەسى سالمان حۋرشيدپەن كەزدەسىپ, بىرقاتار ماسەلەلەردى تالقىلادى. اڭگىمەلەسۋ كەزىندە اۋعانستاندى قالپىنا كەلتىرۋ بويىنشا جۇزەگە اسىرىلعان ىستەر مەن جاھاندىق قاۋىپسىزدىك ماسەلەسىنە باسا ءمان بەرىلدى. قازاقستاننىڭ قول جەتكىزگەن تابىستارى دا نازاردان قاعىس قالعان جوق.
قازاقستان مەن ءۇندىستان اراسىنداعى ساۋدا اينالىمى وتكەن جىلى 525 ملن. دوللاردى قۇراعان. جالپى, ەكى ەلدىڭ قارىم-قاتىناسى جوعارى دەڭگەيدە. بۇل جولى ەكى تاراپ جوعارى تەحنولوگيالىق بىرلەسكەن ءوندىرىس اشۋعا ۋاعدالاستى.
ءامىرحان الماعانبەتوۆ.
