ايماقتار • 09 تامىز، 2019

تۇركىستان: كوپبالالى وتباسىلارعا 1345 گرانت ءبولىندى

120 رەت كورسەتىلدى

كوپبالالى جانە الەۋمەتتىك كومەك الاتىن وتباسىدان شىققان بالالارعا ۇلتتىق قور قاراجاتىنان تاعايىندالعان 5 مىڭ گرانتتىڭ 1345-ءى  تۇركىستان وبلىسىنا بولىنگەن.

بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق ادامي əلەۋەتتى دامىتۋ باسقارماسى باسشىسىنىڭ مىندەتىن اتقارۋشى ارداق سادىقوۆا مالىمدەدى.  «قر ۇلتتىق قورىنان 2019-2020 وقۋ جىلىنا ارنالعان نىسانالى ترانسفەرت ەسەبىنەن كوپبالالى جانە از قامتىلعان وتباسىلارىنىڭ بالالارى ءۇشىن جوعارى ءبىلىمدى ماماندار دايارلاۋعا مەملەكەتتىك ءبىلىم بەرۋ تاپسىرىسپەن جوعارى وقۋ ورىندارى بەلگىلەنىپ وتىر. بەلگىلەنگەن جوعارى وقۋ ورىندارىنىڭ ىشىندە «قازاق ۇلتتىق اگرارلىق ۋنيۆەرسيتەتى» اق، س.سەيفۋللين اتىنداعى قازاق اگروتەحنيكالىق ۋنيۆەرسيتەتى، ق.ا.ياساۋي اتىنداعى حقتۋ، م.اۋەزوۆ اتىنداعى وقمۋ، وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتى، اباي اتىنداعى قازاق ۇلتتىق ۋنيۆەرسيتەتى، قازاق مەملەكەتتىك قىزدار پەداگوگيكا ۋنيۆەرسيتەتى، سىرداريا ۋنيۆەرسيتەتى، «وڭتۇستىك قازاقستان مەديتسينا اكادەمياسى» اق بار»، – دەدى ا. سادىقوۆا. گرانت قاراجاتى ترانسفەرت ارقىلى جەرگىلىكتى اكىمدىكتەرگە بەرىلەدى. ولار وزدەرىنىڭ قاجەتتىلىگىن ەسكەرە ناقتى ماماندىقتار تىزبەسىن انىقتاپ، گرانت بەرەدى. كونكۋرسقا قاتىسۋ ءۇشىن تالاپكەر نىسانالى توپقا جاتقانىمەن قاتار، ۇبت-نىڭ شەكتى بالىن جيناۋى قاجەت.

ق.ا. ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ وقۋ-ادىستەمەلىك ءىسى جونىندەگى پرورەكتورى ءو.ۇمبەتوۆتىڭ ايتۋىنشا، ۋنيۆەرسيتەتكە 294 گرانت بولىنگەن. وسىعان سəيكەس قازىرگى تاڭدا 21 ءبىلىم بەرۋ باعدارلاماسى بويىنشا تالاپكەرلەردەن قۇجاتتار قابىلدانۋدا. جالپى، وڭىرگە بولىنگەن گرانتتارعا يە بولۋ ءۇشىن ۇمىتكەرلەر جەرگىلىكتى اتقارۋشى ورگاندارعا ءوتىنىش بەرە الادى. بۇل ارادا اكىمدىكتەر گرانتتاردى ۇبت بالىنا جانە گرانت سانىنا قاراي تاعايىندايدى جانە جەڭىمپازداردىڭ ءتىزىمىن جەرگىلىكتى باق-تا جاريالايدى. بارلىق نىسانالى گرانت يەگەرلەرىنە ادەتتەگىدەي 20 949  تەڭگە كولەمىندەگى شاكىرتاقى تاعايىندالادى. سونىمەن قاتار، دەمالىس كەزىندە جىلىنا 2 رەت جول وتەماقىسى تولەنەدى.

 

تۇركىستان وبلىسى

 

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

ۇقساس جاڭالىقتار