پىكىر الماسۋعا قول جەتكىزۋ – ۇلكەن تابىس
جۇما, 1 ناۋرىز 2013 7:59
بۇل جولعى كەزدەسۋ بارىسىندا ەو مەن «التىلىق» مەملەكەتتەرى وكىلدەرى يراننىڭ يادرولىق باعدارلاماسىن رەتتەۋگە قاتىستى جاڭا ۇسىنىستارىن جاريالادى. ياعني, «التىلىق» وكىلدەرى يرانعا يادرولىق باعدارلاماسىنا قاتىستى اشىق اقپارات بەرۋدى تالاپ ەتىپ, ەگەر كەلىسىمگە قول جەتكەن جاعدايدا باتىس مەملەكەتتەرى تاراپىنان قويىلعان بىرقاتار سانكتسيالاردىڭ الىناتىندىعى جونىندە مالىمدەلدى. الماتىدا وتەتىن كەلەسى كەزدەسۋگە دەيىن يران تاراپى ۇسىنىستاردى قاراستىرىپ, شەشىم قابىلداۋى ءتيىس.
جۇما, 1 ناۋرىز 2013 7:59
بۇل جولعى كەزدەسۋ بارىسىندا ەو مەن «التىلىق» مەملەكەتتەرى وكىلدەرى يراننىڭ يادرولىق باعدارلاماسىن رەتتەۋگە قاتىستى جاڭا ۇسىنىستارىن جاريالادى. ياعني, «التىلىق» وكىلدەرى يرانعا يادرولىق باعدارلاماسىنا قاتىستى اشىق اقپارات بەرۋدى تالاپ ەتىپ, ەگەر كەلىسىمگە قول جەتكەن جاعدايدا باتىس مەملەكەتتەرى تاراپىنان قويىلعان بىرقاتار سانكتسيالاردىڭ الىناتىندىعى جونىندە مالىمدەلدى. الماتىدا وتەتىن كەلەسى كەزدەسۋگە دەيىن يران تاراپى ۇسىنىستاردى قاراستىرىپ, شەشىم قابىلداۋى ءتيىس.
يران تاراپى دا «التىلىقپەن» ناقتى كەلىسىمدەرگە كەلۋگە دايىن ەكەندىگىن جانە بۇل ماسەلەنى كۇش كورسەتۋ ارقىلى شەشۋگە بولمايتىندىعىن ايتىپ وتىر. جوعارى دەڭگەيدەگى كەلەسى كەزدەسۋ ءساۋىر ايىندا الماتىدا وتپەك, وعان دەيىن ساراپشىلار دەڭگەيىندە كەزدەسۋلەر ءوتىپ, ناقتى قادامدار جاسالماق.
يراننىڭ يادرولىق باعدارلاماسى جونىندەگى الماتىداعى كەلىسسوزدەر بەلگىلى ءبىر دەڭگەيدە ناتيجەلى بولدى دەپ ايتساق, اقيقاتتان تىم الشاق كەتپەيمىز. بۇل جولى تاراپتاردىڭ ءوزارا تۇسىنىستىككە جانە ءبىر-بىرىنە دەگەن سەنىمنىڭ ارتۋىنا بەيبىت, ديپلوماتيالىق جولمەن قادام جاساۋىنا مۇمكىندىك تۋدى. قازاقستان ماسەلەنى تالقىلاۋعا تىكەلەي ارالاسپاسا دا, ونىڭ ناتيجەلى ءوتۋى ءۇشىن بارلىق جاعدايدى تۋعىزىپ, ەلباسى نۇرسۇلتان نازارباەۆ كەلىسسوزدەردىڭ تەڭ توراعالارىمەن كەزدەسىپ, ولارعا تابىس تىلەدى.
كۇرمەۋى قيىن كۇردەلى ماسەلەدە تاراپتاردى ءبىر ۇستەلدىڭ باسىنا وتىرعىزىپ, نەگىزگى ماسەلەلەر بويىنشا پىكىر الماسۋعا قول جەتكىزۋ – ۇلكەن تابىس. ال بۇل ىسكە يادرولىق قارۋدان ءوز ەركىمەن باس تارتقان ءبىزدىڭ ەلىمىزدىڭ ۇلەس قوسۋىن دا ايتارلىقتاي جەتىستىك دەپ باعالاۋعا ابدەن بولادى.
قازاقستاننىڭ كۇردەلى جاھاندىق ماسەلەلەردى تالقىلاۋداعى جيناقتاعان مول تاجىريبەسى بۇل ۇدەرىستىڭ وڭ شەشىلۋىنە ءوز ىقپالىن تيگىزەدى دەپ ۇمىتتەنەيىك.
نۇرلان سەيدىن,
ءبىلىم جانە عىلىم مينيسترلىگى عىلىم كوميتەتىنىڭ
«عىلىم ورداسى» رەسپۋبليكالىق مەملەكەتتىك كاسىپورنى
باس ديرەكتورىنىڭ ورىنباسارى, ساياساتتانۋشى.
