ەەك كەڭەسىنىڭ مۇشەلەرى ينتەگراتسيا, ساۋدا, حالىقارالىق ىنتىماقتاستىق, كەدەندىك جانە تەحنيكالىق رەتتەۋ, ونەركاسىپ, قارجى ساياساتى, مەملەكەتتىك ساتىپ الۋدى جۇزەگە اسىرۋ, ەۋرازيالىق ەكونوميكالىق وداق (ەەو) ەلدەرىنىڭ ەكونوميكالارىن تسيفرلاندىرۋ, ونەركاسىپتىك ىنتىماقتاستىق جانە باسقا دا بىرقاتار سالالارداعى ماسەلەلەردى قاراستىردى.
ەاەو مۇشە-مەملەكەتتەر اراسىنداعى ءوزارا ساۋداداعى كەدەرگىلەردى جويۋ بويىنشا جۇرگىزىلىپ جاتقان جۇمىستار تۋرالى اقپارات تىڭدالدى. كەدەرگىلەردى ودان ءارى قىسقارتۋ بويىنشا جۇمىستى جالعاستىرۋ تاپسىرىلدى.
«ونەركاسىپتىك جابدىقتارعا تەحنيكالىق قىزمەت كورسەتۋ جانە جوندەۋ تەحنولوگيالارى» جاڭا ەۋرازيالىق تەحنولوگيالىق پلاتفورماسى بەكىتىلدى. وسى پلاتفورمانىڭ ماقساتى مۇشە مەملەكەتتەردىڭ قارجىلىق جانە اكىمشىلىك رەسۋرستارىن شوعىرلاندىرۋ ەسەبىنەن ەاەو مۇشە مەملەكەتتەردىڭ ونەركاسىپتىك جابدىقتارىن جوندەۋ سالاسىندا جۇمىس ىستەيتىن قوعامداستىقتاردىڭ, مۇشە مەملەكەتتەردىڭ جوندەۋ تەحنولوگيالارىنىڭ يننوۆاتسيالىق دامۋىن قارقىنداتۋعا باعىتتالعان كاسىپورىنداردىڭ شىعارماشىلىق, تەحنيكالىق جانە قارجىلىق مۇمكىندىكتەرىن كوبەيتۋ بولىپ تابىلادى.
ەەك كەڭەسىنىڭ مۇشەلەرى, سونداي-اق, ەاەو كەدەندىك اۋماعىندا تاۋارلاردى تاڭبالاۋدى ەنگىزۋدىڭ جەكەلەگەن ماسەلەلەرىن, سونداي-اق ونى ىسكە اسىرۋدىڭ تەحنيكالىق اسپەكتىلەرىن قاراستىردى.
ەەك كەڭەسىنىڭ وتىرىسى اياسىندا ەۋرازيالىق ەكونوميكالىق وداققا مۇشە مەملەكەتتەردىڭ 2019–2020 جىلدارعا ارنالعان ماكروەكونوميكالىق ساياساتىنىڭ نەگىزگى باعدارلارىن ىسكە اسىرۋ بويىنشا ءىس-شارالار تىزبەسى بەكىتىلدى.
