ىشكى ىستەر مينيسترلىگى ءباسپاسوز قىزمەتىنىڭ حابارلاۋىنشا, ءورتتى ءسوندىرۋ كەزىندە سونىمەن قاتار 7 ادام ءتۇرلى دارەجەدەگى كۇيىك العان, ونىڭ ىشىندە 1 ادام اياعىن سىندىرىپ الىپتى. زارداپ شەككەندەر لەسنوۆ اۋىلىنا تىكۇشاقپەن جەتكىزىلىپ, ودان ءارى جاركەنت قالاسىنىڭ ورتالىق اۋداندىق اۋرۋحاناسىنا جەتكىزۋدىڭ قامى جاسالعان.
وقيعا ورنىندا الماتى وبلىسىنىڭ تجد مەن پوليتسيا دەپارتامەنتىنىڭ جەكە قۇرامىنان 59 ادام, 13-تەن استام ارنايى تەحنيكا, سونداي-اق جاركەنت مەملەكەتتىك ورمان مەكەمەسىنىڭ قىزمەتكەرلەرى جۇمىس ىستەۋدە.
ءورت وشاعىن سوندىرۋگە ءورت سوندىرۋشىلەر جانە پوليتسيا قىزمەتكەرلەرىمەن بىرگە جەرگىلىكتى تۇرعىندار, سونداي-اق ورمان شارۋاشىلىعى قىزمەتكەرلەرىنەن قۇرىلعان ورتكە قارسى ەرىكتى قۇرىلىمدار جۇمىلدىرىلدى.
تاۋلى جەردەگى ءورتتى ءسوندىرۋ قيىندىق تۋعىزۋىنا بايلانىستى سۋاعار قۇرىلعىسى بار مي-8 تىكۇشاعى تارتىلعان. جاقىن ماڭدا سۋ الاتىن ايدىن-كول بولماعاندىقتان, اۋە كەمەسى ادامداردى تاسىمالداپ, قورجىندى بۇرىككىشتەردى سۋمەن قامتاماسىز ەتۋ ءۇشىن جۇمىس ىستەۋدە.
وعان قوسا, كۇردەلى مەتەوجاعدايدا اينالانىڭ كورىنۋى ناشار بولعاندىقتان, بار سالماق ءورت سوندىرۋشىلەردىڭ وزدەرىنە ءتۇسىپ جاتىر.
قازىرگى ۋاقىتتا ءورتتى ءسوندىرۋ بويىنشا جۇمىستار جالعاسۋدا. ءورت وشاقتارىن وقشاۋلاۋ ءۇشىن قوسىمشا كۇشتەر مەن قۇرالدار تارتىلعان. كەشە وقيعا ورنىنا «قازاۆياقۇتقارۋ» مەكەمەسىنىڭ تاعى ءبىر تىكۇشاعى جىبەرىلگەن.
