ايماقتار • 07 تامىز، 2019

ارەكەت ءتۇبى – بەرەكەت

308 رەتكورسەتىلدى

كەيدە تەپسە تەمىر ۇزەتىن جىگىتتەردىڭ شايلىققا جەتپەيتىن ايلىقپەن كەڭسەلەردە كۇزەتشى بولىپ وتىرعانىن كورگەندە نامىسىڭ كەلەدى. سۇراي قالساڭ، جاۋاپ بىرەۋ: «جۇمىس جوق، بۇيىرعانى وسى بولدى». وسىنداي يتقىرقىلجىڭ ءومىردى وزىنە جاساپ العان. وتباسىندا ىلعي جەتىسپەۋشىلىك. شيەتتەي بالا-شاعاسى كەدەيشىلىگىنەن قورىنىپ، وزگەنىڭ الدىندا جاسقانشاقتاپ جۇرەدى.

ال رۋحى مىقتى ادامدار ولاي ەزىلىپ جۇرمەيدى. جوق جۇمىستى ءوزى تاۋىپ الادى. قىزىلورداعى وڭىرلىك كوممۋنيكاتسيالار قىزمەتى جالاعاش اۋدانىنداعى شاعىن جانە ورتا كاسىپ جايىندا جاقسى جاڭالىقتارىمەن ءبولىستى.

ماسەلەن، ءداۋىرجان قايرات دەگەن جاس جىگىت جۇمىستى قايدان تابامىن دەپ سارى ۋايىمعا بەرىل­مەپتى. ول «وڭىرلىك ينۆەستيتسيالىق ورتالىعىنان» «ەڭبەك» باعدار­لاماسى ارقىلى 2 ملن تەڭگە كو­لەمىندە جەڭىلدەتىلگەن نەسيە رەسىمدەگەن. ول قارجىعا ون ءمۇيىزدى ءىرى قارا ساتىپ العان.

الدىمدا مال بار ەكەن دەپ جاۋ­داي تيمەسەڭ، جىلداعى تولىمەن تەز-اق كوبەيەدى. ءۇش-ءتورت جىلدا مال باسىن وتىزعا جەتكىزگەن ءداۋىرجان قايراتتىڭ بۇگىندە قاعاناعى قارق، ساعاناعى سارق. ءىرى قارالارىن جەمدەپ، جارداي بولعان سوڭ ەتكە وتكىزەدى. ال ساۋىن سيىرلارىنىڭ ونىمدەرىن ساتىپ، ەكى جەپ، بيگە شىعىپ وتىر.

ەڭبەك باعدارلاماسى ارقىلى جەڭىل­دەتىلگەن نەسيە العان با­ۋىر­جان عازيزوۆ تا مال باسىن ەسەلەپ كوبەيتىپ الدى. ەندى ول قويدان بولەك، زەڭگى بابا مەن قامبار اتا ت ۇلىگىن كوبەيتۋگە قام جاساپ جا­تىر. اۋىلدا تەك مال باعۋ ارقى­لى تابىس تابۋعا بولادى دەگەن ۇعىم دۇرىس ەمەس. جالاعاش اۋدا­نى­نىڭ تۋماسى جەڭىس قوزى­باي­ ۇلى مەملەكەتتىك باعدار­لا­ما­نىڭ كومەگىمەن قوناقۇي سال­عىسى كەلەدى. ول الدىمەن «بيز­­نەستىڭ جول كارتاسى-2020» باعدارلاماسى ارقىلى 2015 جىلى 3 ملن تەڭگە كولەمىندە گرانت الادى. «جىبەك» قوناقۇيىن ىسكە قوسقان ازامات جۇمىسىن جانداندىرۋ ءۇشىن اراعا ءۇش جىل سالىپ تاعى 6 ملن تەڭگە الادى. قوناقۇيدى سالۋ شىعىنى 30 ملن تەڭگە بولعان ەكەن. مۇندا بارلىعى 9 نومەر بار. ونىڭ ەكەۋى ليۋكس، جەتەۋى ستاندارتتى بولمەلەر. شاعىن قوناقۇي قو­ناق­تاردان بوسامايدى. اۋدانعا كۇن ەلەكتر ستانساسىن سالۋعا گرە­كيا­دان كەلگەن ماماندار وسى قو­ناقۇيدىڭ قىزمەتىن پايدالانىپ جاتىر.

ال نۇرگۇل عابيدەنقىزى بالا­باقشا بيزنەسىنەن بەرە­كە كورىپ وتىر. ول وتكەن جىلى «قى­زىل­وردا وڭىرلىك ينۆەس­تي­تسيا­لىق ورتالىعى» جشس «ميك­رو­­بيز­نەس قىزىلوردا» باعدار­لا­ماسى ار­قى­لى 3 ملن تەڭگە كولەمىندە نەسيە العان. نەسيە قارجىسىنا ء«بايت» اتتى جاڭا بالاباقشا اش­قان. ءبىلىم ۇيىندە 1-3 جاس، 3-6 جاس ارالىعىنداعى ەكى توپ تاربيە­لەنەدى، ارنايى ويىن الاڭدارى بار. مەكتەپكە دەيىنگى تاربيە ۇيىمىن باسقاراتىن كاسىپكەر 12 ادامدى جۇمىسپەن قامتىپ وتىر.

وسى جالاعاش اۋدانىندا شا­عىن جانە ورتا كاسىپكەرلىك سۋبەك­تىلەرىنىڭ سانى 2340 بىرلىككە جەتكەن. بۇگىندە ونىڭ 89،1 پايىزى ناقتى جۇمىس ىستەپ تۇر. شاعىن اۋدان ءۇشىن بۇل جاقسى كورسەتكىش.

 

قىزىلوردا وبلىسى

 

سوڭعى جاڭالىقتار

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

بولمىسى ءبۇتىن باعاەۆ

رۋحانيات • بۇگىن، 07:19

ەر ەدىگە جانە ەلدىك مۇددە

رۋحانيات • بۇگىن، 07:11

تەمەكىنىڭ تاۋقىمەتى

مەديتسينا • بۇگىن، 07:05

ەڭ قىسقا اڭگىمە. ولجاس ساندىبەك

ەڭ قىسقا اڭگىمە • كەشە

ەڭ قىسقا اڭگىمە. تالعات ەشەن ۇلى

ەڭ قىسقا اڭگىمە • كەشە

ەڭ قىسقا اڭگىمە. نۇرداۋلەت قاباسوۆ

ەڭ قىسقا اڭگىمە • كەشە

ەڭ قىسقا اڭگىمە. ەرمەك بەگزادا

ەڭ قىسقا اڭگىمە • كەشە

ەڭ قىسقا اڭگىمە. نۇرنازار تۇرىكبەن

ەڭ قىسقا اڭگىمە • كەشە

ۇقساس جاڭالىقتار