جارىستىڭ اشىلۋ سالتاناتىنا وبلىس اكىمىنىڭ ءبىرىنشى ورىنباسارى مارات تاسماعانبەتوۆ قاتىسىپ, سپورتشىلارعا تابىس تىلەدى.
«وڭىردە «تۇلپار» ات جانە قازاق كۇرەسىنەن «قىزىلجار ارلاندارى» كاسىبي كلۋبتارى جۇمىس ىستەيدى. زاماناۋي تەننيس ورتالىعى پايدالانۋعا بەرىلدى. م. جۇماباەۆ, ءۋاليحانوۆ اۋداندارىندا سپورت كەشەندەرى اشىلدى», دەدى مارات يمانباي ۇلى.
قازاق كۇرەسى فەدەراتسياسىنىڭ باس حاتشىسى باقداۋلەت ءسابيتوۆ, پەتروپال قالاسىنىڭ قۇرمەتتى ازاماتى باۋىرجان قۇلجانوۆ ء وز سوزدەرىندە قازاق كۇرەسىنە جانە ۇلتتىق سپورتتىڭ دامۋىنا ءتيىستى دەڭگەيدە قولداۋ كورسەتىلىپ كەلە جاتقانىن اتاپ ءوتتى.
جارىس باعدارلاماسىنا سايكەس كلۋب وكىلدەرى جەتى سالماق بويىنشا بەلدەسىپ, بوز كىلەمگە ءبىرىنشى بولىپ «نۇر-سۇلتان قالاسىنىڭ «استانا باتىرى» مەن الماتىنىڭ «قازاق كۇرەسى» كوماندالارى شىقتى. الماتىلىقتار ايقىن باسىمدىقپەن ۇتتى. قاراعاندىلىقتار ەلوردالىقتاردى 7:0 ەسەبىمەن تىزە بۇكتىردى. «قىزىلجار ارلاندارى» قاراعاندىلىقتاردى جەڭدى.
جالپى كوماندالىق ەسەپتە جامبىلدىقتار ءبىرىنشى, الماتىلىقتار ەكىنشى, الاڭ يەلەرى ءۇشىنشى ورىنلى يەلەندى.
سولتۇستىك قازاقستان وبلىسى
