وڭىرلىك تاجىريبەلەرىمەن ءبولىستى
سەنبى, 2 اقپان 2013 7:53
«نۇر وتان» حالىقتىق-دەموكراتيالىق پارتياسى «2050» – ستراتەگياسى: پارتيالىق جۇمىستىڭ جاڭا مىندەتتەرى مەن باعىتتارى» تاقىرىبىندا بىرقاتار ايماقتىق سەمينار-كەڭەستەر ۇيىمداستىرادى. شارالار پرەزيدەنتتىڭ جولداۋىن ءتۇسىندىرۋ جونىندەگى جۇمىس ادىستەرى مەن فورمالارىن, پارتيا قىزمەتىنىڭ الداعى كەزەڭدەگى باسىمدىقتارىن, ازاماتتاردىڭ وتىنىشتەرى بويىنشا جۇيەلى شارالار قولدانۋدى جانە باسقا دا وزەكتى ماسەلەلەردى تالقىلاۋ ماقساتىندا وتكىزىلەتىن بولادى.
سەنبى, 2 اقپان 2013 7:53
«نۇر وتان» حالىقتىق-دەموكراتيالىق پارتياسى «2050» – ستراتەگياسى: پارتيالىق جۇمىستىڭ جاڭا مىندەتتەرى مەن باعىتتارى» تاقىرىبىندا بىرقاتار ايماقتىق سەمينار-كەڭەستەر ۇيىمداستىرادى. شارالار پرەزيدەنتتىڭ جولداۋىن ءتۇسىندىرۋ جونىندەگى جۇمىس ادىستەرى مەن فورمالارىن, پارتيا قىزمەتىنىڭ الداعى كەزەڭدەگى باسىمدىقتارىن, ازاماتتاردىڭ وتىنىشتەرى بويىنشا جۇيەلى شارالار قولدانۋدى جانە باسقا دا وزەكتى ماسەلەلەردى تالقىلاۋ ماقساتىندا وتكىزىلەتىن بولادى.
سەمينار-كەڭەستەردىڭ العاشقىسى قازاقستاننىڭ باتىس ءوڭىرلەرىنىڭ وكىلدەرى قاتىسۋىمەن اتىراۋ قالاسىندا ۇستىمىزدەگى جىلدىڭ 18 قاڭتارىندا ءوتتى. ال, كەزەكتى ايماقتىق سەمينار-كەڭەس شىمكەنت قالاسىندا 1 اقپاندا وتەتىن بولىپ الماتى, جامبىل, قىزىلوردا, وڭتۇستىك قازاقستان وبلىستىق جانە الماتى قالالىق پارتيا فيليالدارى وكىلدەرىنە ارنالىپ جوسپارلانعان ەدى.
پارتيا فيليالدارى توراعالارىنىڭ ءبىرىنشى ورىنباسارلارى, قوعامدىق-ساياسي جانە ۇيىمداستىرۋ-پارتيالىق ءبولىمدەرىنىڭ باسشىلارى, قوعامدىق قابىلداۋلاردىڭ وكىلدەرى قاتىسقان جيىندا ولار اۋماقتىق پارتيا فيليالدارىنىڭ جۇمىسىن جەتىلدىرۋ ءۇشىن قوعامدىق ينستيتۋتتارمەن قارىم-قاتىناس جاساۋ, «ستراتەگيا-2050» اتتى پرەزيدەنتتىڭ جولداۋىن ءتۇسىندىرۋ جانە ناسيحاتتاۋ بارىسى تۋرالى وڭىرلىك تاجىريبەسىمەن ءبولىستى.
سونىمەن قاتار, پارتيانىڭ اقپاراتتىق-يدەولوگيالىق جۇمىستارىن جەتىلدىرۋ بويىنشا الداعى كەزەڭدەگى وزەكتى مىندەتتەر, پارتيا مەن ازاماتتار اراسىنداعى كەرى بايلانىستى كۇشەيتۋ, سونىڭ ىشىندە ازاماتتاردىڭ وتىنىشتەرىنىڭ شۇعىل شەشىمىن تابۋداعى قوعامدىق قابىلداۋ بولمەسى قىزمەتىنىڭ تيىمدىلىگىن كوتەرۋ, ايماقتارداعى پارتيا جۇمىستارىن جانداندىرۋ, مەملەكەتتىك ورگانداردىڭ حالىقپەن قارىم-قاتىناسى, پارتيانىڭ الەۋمەتتىك بازاسىن كەڭەيتۋ جانە الەۋمەتتىك-ماڭىزدى پروبلەمالاردى شەشۋ ماقساتىنداعى قوعامدىق بىرلەستىكتەردىڭ ارىپتەستىك جەلىسىن ودان ءارى قۇرۋ ماسەلەلەرى قاراستىرىلدى.
سەمينار-كەڭەسكە «نۇر وتان» پارتياسى ورتالىق اپپاراتىنان پارتيانىڭ حاتشىسى ەرلان قارين, پارتيا ورتالىق اپپاراتى باسشىسىنىڭ ورىنباسارى مۇحتار ەرمان جانە باسقالار قاتىستى.
«ەگەمەن-اقپارات».
