ال 4-ۋىندە ليفت مۇلدەم ىستەمەيدى. حيمەنكو كوشەسى 9-شى ۇيدە تۇراتىن قارت ادامدار شيرەك عاسىرعا جۋىق توعىزىنشى قاباتقا جاياۋ كوتەرىلىپ, تۇسۋگە ءماجبۇر. ولاردىڭ جاعدايىنان قالالىق اكىمدىك حاباردار بولعانىمەن, شاراسىز.
«20 جىلدان استام ۋاقىت بويى كورىپ كەلە جاتقان تەپەرىشىمىز وسى. بۇل ۇيدە 200-دەن استام پاتەر بار.وسىندا كوشىپ كەلگەننەن بەرى جاياۋ كوتەرىلىپ ءجۇرمىن. جاسىم كەلگەندىكتەن, دۇكەنگە عانا بارامىن. ايتپەسە, ءجىپسىز بايلانىپ وتىرعانىڭ. اۋلاعا شىعىپ, قىدىرۋدىڭ ءوزى-ءبىر مۇڭ», دەيدى تاتيانا بەرەزينا ابدەن نالىعان ۇنمەن. ەرلى-زايىپتى سارسەكەەۆتەرگە دە جەتىنشى قاباتقا جەتۋ – ۇلكەن ماشاقات.
كەزىندە قولدانىسقا بەرىلگەن ليفت نەبارى 8 جىل قىزمەت ەتكەن.قازىر قۇرال-جابدىقتارى ۇرلانىپ, قولدى بولىپ كەتكەن. ورنى ۇڭىرەيىپ تۇرعان شاحتا تاس بەكىتىلىپ تاستالعان. ۇيگە قاشان جەدەلساتى ورناتىلادى؟دەگەن ساۋالعا اكىمدىكتەگىلەر ونى جاڭالاۋعا مىندەتتى ەمەسپىز دەپ جاۋاپ قايتارعان. تۇرعىن ءۇي قاتىناستارى ءبولىمى باسشىسىنىڭ مىندەتىن اتقارۋشى ماديار جانگۋديننىڭ ايتۋىنشا, ليفت ورتاق مەنشىك سانالعاندىقتان, بۇل ماسەلەنى تۇرعىندار وزدەرى بىرلەسىپ شەشۋى ءتيىس. 2000 جىلدارى جەرگىلىكتى بيۋدجەت قاراجاتى ەسەبىنەن جوندەۋگە ۇسىنىس جاسالعانىمەن, ورتاق شەشىمگە كەلە الماعاندىقتان باستاما اياقسىز قالعان.
«ول كەزدە قوندىرعىنىڭ كابيناسى مەن موتورى ساۋ بولاتىن.ەندى جاڭاسىن ورناتۋ ءۇشىن كەمى 9 ميلليون تەڭگە قاجەت. تۇرعىن ۇيلەردى جاڭعىرتۋ باعدارلاماسىنا ەنىپ وتىرمىز. جوبالىق-سمەتالىق قۇجات ازىرلەۋگە ءۇشىن ءار پاتەردەن 3 مىڭ تەڭگە جينالدى. بىراق 2014 جىلى جاسالعان سمەتالىق قۇجات جارامسىز دەپ تانىلىپ, قولداعى قاراجات جەتكىلىكسىز بولىپ وتىر. قۇجاتتى راسىمدەۋگە قارجى تاپپاساق, جاڭا ليفتىگە قايدان تابامىز؟» دەيدى «حيمەنكو 9» پيك-ءنىڭ ءتورايىمى ولگا كازانتسەۆا شاراسىزدىقتان الاقان جايىپ.
ليفتىلەردى جاڭعىرتۋ بويىنشا جاڭا زاڭ جوباسى ازىرلەنىپ, ءماجىلىس تاراپىنان ماقۇلدانىپتى. سەنات قولداۋ كورسەتسە, اكىمدىكتەر ەرىكتى تۇردە جەدەلساتىلاردى ورناتۋعا نەمەسە جوندەۋگە بيۋدجەتتەن قاراجات بولە الاتىن بولادى. ال تۇرعىندار جۇمسالعان اقشانى 7-10 جىلدىڭ ىشىندە قايتارۋلارى ءتيىس.
«ايتا-ايتا «التايدى», جامال اپا قارتايدى» دەمەكشى, ازىرگە جەدەلساتى جىرىنا نۇكتە قويۋعا ەرتە.
سولتۇستىك قازاقستان وبلىسى
