مىسالى, 2019 جىلى تۇلەكتەردىڭ سانى 143 089 (ستاتيستيكا كوميتەتىنىڭ دەرەكتەرى بويىنشا) بولسا, بولىنگەن گرانتتاردىڭ سانى 50 مىڭنان اسادى. سايكەسىنشە تۇلەكتەردىڭ 70 پايىزى گرانتقا ىلىكپەيدى, سوندىقتان وقۋعا قاراجات ىزدەستىرۋ قاجەت بولادى.
شەشىم:
قازاقستاننىڭ كوللەدجدەرى مەن جوو-لارىندا وقۋدىڭ قولجەتىمدىلىگىن كەڭەيتۋ ماقساتىندا تالاپكەرلەر مەن ستۋدەنتتەرگە نەگىزگى قارىز سوماسىن تولەۋ مەرزىمىن 10 جىلعا دەيىن شەگەرۋ مۇمكىندىگىمەن كەپىلزاتسىز ستۋدەنتتىك كرەديت الۋعا جاعداي جاسالىپ وتىر. كرەديتتەر بويىنشا كەپىلمەن قامتاماسىز ەتۋ رەتىندە قازاقستان رەسپۋبليكاسىنىڭ ءبىلىم جانە عىلىم مينيسترلىگى جانىنداعى قارجى ورتالىعىنىڭ كەپىلدىگى جۇرەدى.
ارتىقشىلىقتارى:
- جەڭىلدىكتى كەزەڭ (كەيىنگە شەگەرۋ): نەگىزگى قارىز سوماسىن وتەۋ وقۋ مەرزىمى اياقتالعان جانە ول وقۋ بىتىرگەن سوڭ 6 ايدان كەيىن جۇزەگە اسىرىلادى;
- كرەديتتىڭ بەرىلۋ مەرزىمىنىڭ ۇزاقتىعى: ايىپپۇل سانكتسيالارىن الماي مەرزىمىنەن بۇرىن وتەۋ مۇمكىندىگىمەن 10 جىلعا دەيىن,;
- كرەديتتىڭ بۇكىل قازاقستان بويىنشا قولجەتىمدىلىگى;
- كرەديتتىڭ سوماسى بويىنشا شەكتەۋلەردىڭ بولماۋى (وقۋدىڭ قۇنىنان ارتىق ەمەس);
- وقۋ ورنىن تاڭداۋدا شەكتەۋلەردىڭ بولماۋى;
راسىمدەۋ قادامدارى:
ستۋدەنتتىك كرەديت الۋ ءتاسىلى مىناداي:
1) تالاپكەر/ستۋدەنت كەڭەس الۋ ءۇشىن بانككە نەمەسە قارجى ورتالىعىنا جۇگىنەدى, قاجەتتى قۇجاتتاردى جينايدى جانە ونى ءوز وڭىرىندەگى نەمەسە وقۋ ورنى بويىنشا بانككە تاپسىرادى;
2) بانك پەن قارجى ورتالىعى تاراپىنان وڭ شەشىم قابىلداعاننان كەيىن بانكپەن قارىز شارتى جاسالادى جانە كرەديت سوماسى وقۋ ورنىنىڭ شوتىنا اۋدارىلادى;
ستۋدەنتتىك نەسيەنى الۋ ءۇشىن نەگىزگى جۇمىس ورنى بويىنشا الىنعان تابىستارى جانە سوڭعى 6 ايعا زەينەتاقى اۋدارىمدارى بار بىر/ەكى قوسالقى قارىز الۋشىنىڭ بولۋى تالاپ ەتىلەدى.
بالامالى مۇمكىندىك:
بولاشاق ءبىلىم بەرۋدى جوسپارلاۋ
بالالارىنىڭ تابىستى بولاشاعىن ەرتە جاستان (بالاباقشا, مەكتەپ) باستاپ جوسپارلاعىسى كەلەتىندەر جانە ولار وقۋعا تۇسكەن كەزدە وقۋ اقىسىن تولەۋمەن قينالعىسى كەلمەيتىن ازاماتتار ءۇشىن مەملەكەتتىك ءبىلىم بەرۋ جيناقتاۋ جۇيەسى شەڭبەرىندە «AQYL» ارنايى ءبىلىم بەرۋ دەپوزيتىندە بولاشاقتا وقۋعا قاراجات جيناقتاۋعا مۇمكىندىك بەرىلەدى.
«AQYL» ءبىلىم بەرۋ دەپوزيتىنە بانكتەن سىياقى جانە مەملەكەتتەن اقشالاي سىيلىقاقى ەسەپتەلىپ وتىرادى. سونىمەن قاتار دەپوزيت ءۇشىنشى تۇلعالار تاراپىنان تىيىم سالۋلار مەن وزگە شەكتەۋلەردەن قورعالعان جانە 10 ملن تەڭگەگە دەيىن مەملەكەتتىڭ كەپىلدىگى بار.
«AQYL» ءبىلىم بەرۋ دەپوزيتى بالالاردىڭ اتىنا اشۋ ءۇشىن عانا ارنالماعان, ول سونداي-اق بارلىق جاستاعى ازاماتتار ءۇشىن دە, قارجىلىق جاعدايىنا قاراماستان بارلىق وتباسىلارعا دا قولجەتىمدى.
«AQYL» ءبىلىم بەرۋ دەپوزيتىندە قازاقستاندا جانە شەتەلدە وقۋدىڭ اقىسىن جيناقتاۋعا بولادى.
كونسۋلتاتسيا:
نۇر-سۇلتان ق-ى,
ماڭگىلىك ەل د-ى, 18
8 (800) 080-28-28 (تەگىن)
8 (7172) 695-044
www.fincenter.kz,
www.kredit.fincenter.kz,
www.depozit.fincentەr.kz
انىقتاما ءۇشىن:
«قارجى ورتالىعى» اق قازاقستان رەسپۋبليكاسى ۇكىمەتىنىڭ 2005 جىلعى 1 ماۋسىمداعى № 541 قاۋلىسىنا سايكەس قازاقستان رەسپۋبليكاسى ءبىلىم جانە عىلىم مينيسترلىگى «قارجى ورتالىعى» مەملەكەتتىك مەكەمەسىنەن قايتا قۇرۋ جولىمەن قايتا ۇيىمداستىرىلدى.
«قارجى ورتالىعى» اق قىزمەتiنiڭ نەگىزگi ءمانi اقشالاي نىساندا ورىندالۋدى كوزدەيتiن ءبىلىم بەرۋ كرەديتتەرى بويىنشا كەپiلدىكتەر بەرۋ, سونداي-اق بۇرىن بەرىلگەن مەملەكەتتىك ءبىلىم بەرۋ جانە ستۋدەنتتىك كرەديتتەردىڭ قايتارىلۋىن قامتاماسىز ەتۋ بولىپ سانالادى.
اسقار يبرايموۆ,
«قارجى ورتالىعى» اق پرەزيدەنتى
