ءوزارا ارىپتەستىككە مۇمكىندىك مول
جۇما, 18 قاڭتار 2013 7:41
استانادا قازاقستان قورعانىس ءمينيسترى ادىلبەك جاقسىبەكوۆ چەحيانىڭ قازاقستانداعى توتەنشە جانە وكىلەتتى ەلشىسى بەدرجيح كوپەتسكيدى قابىلدادى, دەپ حابارلادى قورعانىس مينيسترلىگىنىڭ ءباسپاسوز قىزمەتى.
كەزدەسۋ قورىتىندىسى بويىنشا تاراپتار قازاقستان مەن چەحيا اراسىندا جۇيەلى عالامدىق جانە ايماقتىق دەڭگەيدەگى قاۋىپسىزدىك پەن بەيبىتشىلىكتى ساقتاۋعا باعىتتالعان تۇراقتى ساياسي سۇحبات قالىپتاسىپ وتىرعانىن جانە ونىڭ جالعاسۋى مەن كەڭەيە تۇسۋىنە قاجەتتى ساپالى جاعدايلار جاسالعاندىعىن اتاپ ءوتتى.
جۇما, 18 قاڭتار 2013 7:41
استانادا قازاقستان قورعانىس ءمينيسترى ادىلبەك جاقسىبەكوۆ چەحيانىڭ قازاقستانداعى توتەنشە جانە وكىلەتتى ەلشىسى بەدرجيح كوپەتسكيدى قابىلدادى, دەپ حابارلادى قورعانىس مينيسترلىگىنىڭ ءباسپاسوز قىزمەتى.
كەزدەسۋ قورىتىندىسى بويىنشا تاراپتار قازاقستان مەن چەحيا اراسىندا جۇيەلى عالامدىق جانە ايماقتىق دەڭگەيدەگى قاۋىپسىزدىك پەن بەيبىتشىلىكتى ساقتاۋعا باعىتتالعان تۇراقتى ساياسي سۇحبات قالىپتاسىپ وتىرعانىن جانە ونىڭ جالعاسۋى مەن كەڭەيە تۇسۋىنە قاجەتتى ساپالى جاعدايلار جاسالعاندىعىن اتاپ ءوتتى.
ەكى جاقتى ىنتىماقتاستىق قازاقستان پرەزيدەنتى نۇرسۇلتان نازارباەۆتىڭ 2012 جىلدىڭ قازان ايىنداعى چەحياعا ساپارى بارىسىندا بەكي ءتۇستى. سول جولعى جوعارى دەڭگەيدە وتكەن كەزدەسۋدىڭ ماڭىزدى ناتيجەسى ەكى ەل قورعانىس ۆەدومستۆولارى اراسىنداعى اسكەري سالاداعى ىنتىماقتاستىق تۋرالى كەلىسىمگە قول قويۋ بولدى. ال قازاقستان مەن چەحيا اراسىنداعى اسكەري-تەحنيكالىق ىنتىماقتاستىق سالاسىن دامىتۋ ءوزارا تاجىريبەسى بۇرىننان قالىپتاسقان.
2012 جىلدىڭ سوڭىندا چەحيا قورعانىس مينيسترلىگىنىڭ شاقىرۋىمەن قازاقستاندىق اسكەري دەلەگاتسيا پراگا كورمەسى مەن «بولاشاقتىڭ ساربازى» كونفەرەنتسياسىنا قاتىسىپ, وتاندىق اسكەري ماماندار كيبەرقاۋىپسىزدىك, تەرروريزمگە توسقاۋىل, ينفراقۇرىلىمدى قورعاۋ شارالارىن ۇيىمداستىرۋ بويىنشا ناتو تاجىريبەسىمەن تانىسقان ەدى.
قازىرگى كەزدە ۇلتتىق تەحنولوگيالىق دامۋ باعدارلاماسى شەڭبەرىندە قازاقستان قورعانىس ۆەدومستۆوسى چەحيالىق كومپانيالارمەن اراداعى ءوزارا بايلانىستى نىعايتۋدىڭ, ولاردان ستراتەگيالىق ەمەس قارۋدى الۋ مەن ءوندىرۋدىڭ مۇمكىندىكتەرىن قاراستىرۋدا.
وسىنى ەسكە الا وتىرىپ, ادىلبەك جاقسىبەكوۆ چەحيا تارابىنا حالىقارالاق KADEX-2014 قارۋ-جاراق جانە اسكەري م ۇلىك كورمەسىنە قاتىسۋدى ۇسىندى.
