ەسىرتكى قىلمىسىنا قارسى ءىس-قيمىل باسقارماسى باستىعىنىڭ مىندەتىن اتقارۋشى پوليتسيا مايورى يۆان تەرزيديدىڭ ايتۋىنشا, جەدەل-ىزدەستىرۋ ءىس-شارالارىن جۇرگىزۋ بارىسىندا «جەزقازعان – پەتروپاۆل» اۆتوجولى بويىندا توقتاتىلعان اۆتوكولىكتى ءتىنتۋ بارىسىندا وسىمدىك تەكتەس زات سالىنعان 4 قاپ جانە تۇيىنشەكتەر تابىلعان. سوت-حيميالىق زەرتتەۋدىڭ قورىتىندىسى بويىنشا الىنعان زاتتار سالماعى 80 كەلى 285 گرامم كەپتىرىلگەن ماريحۋانا جانە 88,09 گرامم گاشيش بولىپ شىققان.
اتالعان فاكتىگە قاتىستى قىلمىستىق ءىس قوزعالىپ, كۇدىكتىگە ەسىرتكى, پسيحوتروپتىق زاتتاردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ, وتكىزۋ سەكىلدى ايىپتار تاعىلىپ وتىر. ۋاقىتشا ۇستاۋ وقشاۋلاعىسىنا قامالعان ونىڭ كىناسى دالەلدەنسە, ون جىلدان ون بەس جىلعا دەيىنگى مەرزىمگە تۇرمەگە توعىتىلۋى مۇمكىن.
جىل باسىنان بەرى ء وڭىردىڭ ءتارتىپ ساقشىلارى 200 كەلىدەن استام ءتۇرلى ەسىرتكى زاتتارىن تاركىلەدى. ونىڭ 112 گرامى – گەروين.
سولتۇستىك قازاقستان وبلىسى.
