قر ۇكىمەتىنىڭ باسشىسى اسكەري قالاشىقتىڭ تۇرعىن ايماعىن قاراپ, ي. جۋربا اتىنداعى مەكتەپتى, قالالىق اۋرۋحانانى, تەمىر جول ۆوكزالىن, تۇرعىن ۇيلەردى قالپىنا كەلتىرۋ, ورتالىق ستاديوندى رەكونسترۋكتسيالاۋ جۇمىستارىنىڭ ناتيجەلەرىمەن تانىستى.
قر پرەمەر-ءمينيسترى كەڭەس وتكىزدى, وندا قر تۇڭعىش پرەزيدەنتى – ەلباسى ن. نازارباەۆتىڭ جانە مەملەكەت باسشىسى ق. توقاەۆتىڭ ارىس قالاسىن قالپىنا كەلتىرۋ جونىندەگى تاپسىرمالارىن ورىنداۋ بارىسى قارالىپ, قۇرىلىس-جوندەۋ جۇمىستارىنىڭ قورىتىندىسى شىعارىلدى.
قىسقا مەرزىمدە ارىس قالاسىندا ۇلكەن اۋقىمدى جۇمىس اتقارىلدى. قالانىڭ 90%, سونىڭ ىشىندە, تىرشىلىكتى قامتاماسىز ەتەتىن نىساندار مەن ينفراقۇرىلىمدارى قالپىنا كەلتىرىلدى. 6,5 مىڭنان استام تۇرعىن ءۇي قالپىنا كەلتىرىلىپ, 6,5 مىڭ وتباسى جوندەلگەن ۇيلەرىنە كىردى. بارلىق ينجەنەرلىك ينفراقۇرىلىم تولىق جوندەۋدەن وتكىزىلدى. كوشەلەر اۋقىمدى تۇردە رەكونسترۋكتسيالاندى. 62 الەۋمەتتىك نىسان, سونىڭ ىشىندە – اۋرۋحانالار, مەكتەپتەر, بالاباقشالار, سپورت وبەكتىلەرى 20 تامىزعا دەيىن دايىن بولادى.
قر قورعانىس ءمينيسترى ن. ەرمەكباەۆ, ىشكى ىستەر ءمينيسترى ە. تۇرعىمباەۆ, دەنساۋلىق ساقتاۋ ءمينيسترى ە. ءبىرتانوۆ, ءبىلىم جانە عىلىم ءمينيسترى ا. ايماعامبەتوۆ, يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى ق. وسكەنباەۆ, تۇركىستان وبلىسىنىڭ اكىمى ءو. شوكەەۆ, «سامۇرىق-قازىنا» جىلجىمايتىن م ۇلىك قورى» اق باسقارما توراعاسى ب. ساندىقباەۆ, «اتامەكەن» ۇكپ باسقارما توراعاسىنىڭ ورىنباسارى و. ورداباەۆ وزدەرى جەتەكشىلىك ەتەتىن باعىتتار بويىنشا بايانداما جاسادى.
سونىمەن قاتار, كەڭەس بارىسىندا وڭىرلەردىڭ, نۇر-سۇلتان, الماتى جانە شىمكەنت قالالارىنىڭ باسشىلارى ءسوز سويلەدى.
«قر تۇڭعىش پرەزيدەنتى – ەلباسى ن. ءا. نازارباەۆ جانە مەملەكەت باسشىسى ق. ك. توقاەۆتىڭ تاپسىرماسى بويىنشا ارىس قالاسىن قالپىنا كەلتىرۋ ماقساتىندا ەلىمىزدىڭ بارلىق وڭىرلەرى, ۇلتتىق كومپانيالارى, ءىرى بيزنەس وكىلدەرى بەلسەندى تۇردە اتسالىستى», دەپ ا. مامين, ء«بىر اي ىشىندە اۋقىمدى جۇمىستار اتقارىلعانىن, قالانى قالپىنا كەلتىرۋگە 10 مىڭنان استام قۇرىلىسشى قاتىسقانىن» ايتتى.
قر ۇكىمەتىنىڭ باسشىسى ارىس قالاسىن قالپىنا كەلتىرۋگە ارالاسقان, كومەك قولىن سوزعان بارلىق وتانداستارعا, بيزنەس, اكىمدىك وكىلدەرىنە, قۇرىلىسشىلارعا العىس ءبىلدىردى.
كەڭەستى قورىتىندىلاي كەلە, قر پرەمەر-ءمينيسترى جالپى قالاداعى نەگىزگى قۇرىلىس جۇمىستارى اياقتالعانىن اتاپ ءوتىپ, ءتيىستى مينيسترلىكتەر مەن ۆەدومستۆولارعا بىرقاتار ناقتى تاپسىرمالار بەردى.
قازىرگى تاڭدا زارداپ شەككەن 7516 ءبىر قاباتتى جەكە ۇيلەردىڭ 6611-ءى نەمەسە 90% جوندەۋدەن وتكىزىلدى. قالعان 905 ءبىر قاباتتى جەكە ۇيلەردى جوندەۋ جۇمىستارىن 10 تامىزعا دەيىن اياقتاۋ قاجەت. 67 كوپ قاباتتى ۇيلەردى قالپىنا كەلتىرۋ بويىنشا جۇمىستاردى 20 تامىزعا دەيىن اياقتاۋ كەرەك. بارلىق 66 الەۋمەتتىك نىساندى قالپىنا كەلتىرۋ جۇمىستارىن 20 تامىزعا دەيىن ءبىتىرۋ قاجەت. وسىعان وراي, شتابتاردىڭ جۇمىسى 20 تامىزعا دەيىن جالعاسادى.
وڭىرلەر بەكىتىلىگەن سەكتورلارىنداعى نىسانداردى قالپىنا كەلتىرۋ جۇمىستارىن اتالعان مەرزىم ىشىندە تولىعىمەن اياقتاۋدى قامتاماسىز ەتۋى ءتيىس.
اسىرەسە, نۇر-سۇلتان قالاسى جانە الماتى وبلىسى بەكىتىلگەن سەكتورلارىندا جۇمىس قارقىنىن كۇشەيتىپ, قۇرىلىس بارىسىن قاتاڭ باقىلاۋعا الۋى قاجەت.
تۇركىستان وبلىسىنىڭ اكىمى ەڭبەك جانە حالىقتى الەۋمەتتىك قورعاۋ مينيسترلىگىمەن بىرلەسىپ, ارىس قالاسىنىڭ جانە قالا ماڭىنداعى ەلدى مەكەندەر تۇرعىندارىنا ءبىر رەتتىك وتەماقى تولەۋ جۇمىستارىن تولىعىمەن اياقتاۋى ءتيىس.
يندۋستريا جانە ينفراقۇرىلىمدىق دامۋ مينيسترلىگى «اتامەكەن» ۇلتتىق كاسىپكەرلىك پالاتاسىمەن بىرلەسىپ, قالانىڭ بارلىق كوممەرتسيالىق نىساندارىن قالپىنا كەلتىرۋ جۇمىستارىن اياقتاۋى كەرەك.
قورعانىس مينيسترلىگى بەكىتىلگەن جول كارتاسى بويىنشا قويمالارداعى قارۋ-جاراقتاردى شىعارۋدى جۇيەلى تۇردە قامتاماسىز ەتىپ, تۇركىستان وبلىسىنىڭ اكىمدىگىمەن بىرلەسىپ اسكەري قالاشىقتاعى اسكەرگە قاتىسى جوق 58 وتباسىنىڭ ماسەلەسىن پىسىقتاۋى ءتيىس.
ا. مامين ارىس قالاسىنىڭ تۇراقتى تىنىس-تىرشىلىگىن قامتاماسىز ەتۋ ءۇشىن بارلىق كۇش-جىگەردى جۇمىلدىرۋدىڭ قاجەتتىگىن ايتىپ, «ۇكىمەت ەلباسى مەن مەملەكەت باسشىسىنىڭ تاپسىرماسى بويىنشا ارىس قالاسىنىڭ ودان ءارى دامۋ ماسەلەلەرىن باقىلاۋدا ۇستايتىنىن» اتاپ ءوتتى.
