بەلگىلەنگەن ىستە بەرەكە مول
سەيسەنبى, 15 قاڭتار 2013 8:03
«نۇر وتان» حدپ اتقارىلعان ءىس-شارالاردى قورىتىندىلاپ, الدا مەجەلەنگەن جۇمىستاردىڭ باسىم باعىتتارىن ايقىندادى
«نۇر وتان» حدپ ورتالىق اپپاراتىندا پارتيانىڭ وبلىستىق فيليالدارى توراعالارىنىڭ ءبىرىنشى ورىنباسارلارىمەن كەڭەس وتكىزىلدى. كەڭەستە پارتيانىڭ 2012 جىلعى ءىس-شارالارى قورىتىندىلانىپ, تاياۋ مەرزىمدە قولعا الىناتىن جۇمىستاردىڭ باسىم باعىتتارى ايقىندالدى.
سەيسەنبى, 15 قاڭتار 2013 8:03
«نۇر وتان» حدپ اتقارىلعان ءىس-شارالاردى قورىتىندىلاپ, الدا مەجەلەنگەن جۇمىستاردىڭ باسىم باعىتتارىن ايقىندادى
«نۇر وتان» حدپ ورتالىق اپپاراتىندا پارتيانىڭ وبلىستىق فيليالدارى توراعالارىنىڭ ءبىرىنشى ورىنباسارلارىمەن كەڭەس وتكىزىلدى. كەڭەستە پارتيانىڭ 2012 جىلعى ءىس-شارالارى قورىتىندىلانىپ, تاياۋ مەرزىمدە قولعا الىناتىن جۇمىستاردىڭ باسىم باعىتتارى ايقىندالدى.
پارتيانىڭ وتكەن جىلى اتقارعان ءىس-شارالارىنىڭ ەڭ ماڭىزدىسى – پارلامەنت ءماجىلىسىنە جانە بارلىق دەڭگەيدەگى ءماسليحاتتارعا دەپۋتاتتار سايلانىپ, «جاس وتان» جاستار قاناتىنىڭ ءىى سەزى وتكىزىلدى. پارتيانىڭ ەسەپ-بەرۋ سايلاۋ ناۋقانى, ەلباسى ن.ءا. نازارباەۆتىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» باعدارلامالىق ماقالاسىن ءتۇسىندىرۋ شارالارى جۇرگىزىلدى.
پارتيا سوڭعى جىلدارى قوعامنىڭ بارلىق سالالارىنا بەلسەندى ارالاسىپ, ايماقتارداعى جۇمىستاردى كۇشەيتتى. مەملەكەتتىك باعدارلامالاردىڭ لايىقتى ىسكە اسىرىلۋىنا ۇلەس قوسىپ, حالىقتىڭ تۇرمىستىق-الەۋمەتتىك ماسەلەلەرىن شەشۋگە اتسالىستى. باسقوسۋدا «نۇر وتاننىڭ» وسىنداي ىلكىمدى ىستەرى ايرىقشا اتاپ ءوتىلدى.
ەلباسىنىڭ قازاقستان حالقىنا جولداۋى – «قازاقستان-2050» ستراتەگياسى مەن پارتيانىڭ سايلاۋالدى تۇعىرناماسىن ىسكە اسىرۋ پارتيانىڭ 2013 جىلى اتقارىلاتىن جۇمىس جوسپارىنىڭ نەگىزگى باعىتى رەتىندە بەلگىلەندى. «نۇر وتاننىڭ» توراعاسى ن.ءا.نازارباەۆتىڭ العا قويعان جاڭا مىندەتتەرىنە وراي, پارتيانىڭ جۇمىس جوسپارىنا جاڭاشا باعدارلار بەلگىلەندى.
پارتيانىڭ فيليالدارىنا مەملەكەت باسشىسىنىڭ «قازاقستان-2050» ستراتەگياسىن ىسكە اسىرۋ جونىندەگى باسىم باعىتتاردى جانە يندۋستريالىق-يننوۆاتسيالىق دامۋ, جاستار ساياساتى, شاعىن جانە ورتا كاسىپكەرلىكتى, حالىقتى ەڭبەكپەن قامتۋ, الەۋمەتتىك قامسىزداندىرۋ, دەنساۋلىق ساقتاۋ, سونداي-اق ءبىلىم بەرۋ مەن عىلىمدى دامىتۋ سەكىلدى سالالاردى شيراتۋ جونىندە ورتاشا جانە ۇزاق مەرزىمدى جۇمىس جوسپارلارىن دايىنداۋ تاپسىرىلدى.
«نۇر وتان» حدپ توراعاسىنىڭ ءبىرىنشى ورىنباسارى باقىتجان ساعىنتاەۆ: «ءبىز ەلباسى, پارتيا توراعاسى ن.ءا.نازارباەۆتىڭ الدىمىزعا قويعان جاڭا مىندەتتەرىن ەسكەرە وتىرىپ, پارتيانىڭ جۇمىس باعدارىن جوسپارلاۋدى قايتا قاراپ, پىسىقتادىق. سوعان وراي, رەسپۋبليكالىق جەلىلىك جۇمىس كەستەسىن جۇمىسشى توپتارى اتقارعان ناقتى ءىس-شارالارىنىڭ قورىتىندىسىن ايقىن كورۋگە مۇمكىن بولاتىنداي ەتىپ جاساقتاۋىمىز كەرەك. مۇنداعى ماقساتىمىز – پاريانىڭ «بۇقارالىق قولداۋ جەلىسى» مەن الەۋمەتتىك بازانى بارىنشا ۇلعايتۋ», دەپ اتاپ ءوتتى.
ب.ساعىنتاەۆ ارىپتەستەرىنىڭ نازارىن كەڭەستىڭ ماڭىزىنا اۋدارا كەلىپ, ەلباسى جولداۋىنىڭ نەگىزگى باعىتتارىن ءتۇسىندىرۋ ءۇشىن اقپاراتتىق-ناسيحات توپتارى ەلدىڭ ەڭ شالعاي اۋىلدارىن دا مىندەتتى تۇردە قامتۋى قاجەتتىگىن باسا ايتتى.
بۇگىندە پارتيا جۇمىسىنىڭ نەگىزگى باعىتتارىنىڭ ءبىرى – ازاماتتىق ينستيتۋتتاردىڭ بارلىعىمەن تىعىز ىنتىماقتاستىقتى جولعا قويۋ. «نۇر وتاننىڭ» فيليالدارى پارتيامىزدىڭ ءوز ىشىندە جانە وزگە پارتيالارمەن ارادا ايماقتىق دەڭگەيدەگى پىكىرتالاس الاڭىن دامىتقانى ابزال.
سونداي-اق, وسى جيىندا نۇروتاندىقتار پارتيانىڭ ءوز ىشىندەگى ءتارتىپتى كۇشەيتىپ, ار-ۇجدانىنا كىر كەلتىرمەي, ارقايسىسى وزدەرىنە جۇكتەلگەن مەملەكەتتىك مىندەتتەرىمەن قاتار, قوعامدىق تاپسىرمالاردى ءمىنسىز اتقارۋدا جاۋاپكەرشىلىگىن ابىرويمەن الىپ ءجۇرۋى قاجەتتىگى قاپەرگە سالىندى.
الداعى ۋاقىتتا اۋىلدىق اۋماقتارداعى اكىمدەر سايلاۋى كەلەتىنىن ەسكەرە وتىرىپ, سول سايلاۋدا لايىقتى ۇمىتكەردى قاپىسىز تاڭداۋ ءۇشىن ساياسي كەڭەستىڭ بيۋروسى مەن فراكتسيالاردىڭ كەڭەسىندە بۇگىنگى تاڭدا ءىس باسىنداعى اكىمدەر – پارتيا مۇشەلەرىنىڭ ەسەبىن تىڭداۋدى ۇيىمداستىرۋ تۋرالى ۇسىنىس ايتىلدى.
«جاس وتان» جاستار قاناتى 2013 جىلدى «جاستار قاناتىمەن جانە اۋىل جاستارىمەن جۇمىس جۇرگىزۋ جىلى» دەپ جاريالادى. سوعان وراي, ولار ەڭبەك ۇجىمدارىندا, اۋىلدىق جەرلەردە «جاس وتان» جاستار قاناتى قولعا العان باستاۋىش بولىمشەلەرىن جاساقتاۋدى شيراتاتىن بولادى.
«ەگەمەن-اقپارات».
