«جاقىنىڭا جاردەمدەس» اكتسياسى باستاۋ الدى
سەيسەنبى, 15 قاڭتار 2013 7:43
قارت ادامدار – حالىق قۇرامىنداعى الەۋمەتتىك توپ. باعزى زاماننان قالىپتاسقان, ۇرپاقتان ۇرپاققا ۇشتاسقان ومىرلىك ماقساتى ەل بىرلىگىنە, جەر تۇتاستىعىنا باس-كوزدىك, حالىقتىڭ بىرلىگى مەن ىنتىماقتاستىعىن بەرىك دانەكەرلەۋ, ۇلتتىق باي رۋحاني قازىنانى شاشاۋ شىعارماي ساقتاۋ جانە مولايتا ءتۇسۋ ەدى. ولار قاي كەزدە دە وسى مىندەتتى جۇزەگە اسىرۋدا كوسەمدىك تانىتتى, بەكزاتتىق پەن مارتتىكتىڭ رۋحى بولىپ كەلەدى.
سەيسەنبى, 15 قاڭتار 2013 7:43
قارت ادامدار – حالىق قۇرامىنداعى الەۋمەتتىك توپ. باعزى زاماننان قالىپتاسقان, ۇرپاقتان ۇرپاققا ۇشتاسقان ومىرلىك ماقساتى ەل بىرلىگىنە, جەر تۇتاستىعىنا باس-كوزدىك, حالىقتىڭ بىرلىگى مەن ىنتىماقتاستىعىن بەرىك دانەكەرلەۋ, ۇلتتىق باي رۋحاني قازىنانى شاشاۋ شىعارماي ساقتاۋ جانە مولايتا ءتۇسۋ ەدى. ولار قاي كەزدە دە وسى مىندەتتى جۇزەگە اسىرۋدا كوسەمدىك تانىتتى, بەكزاتتىق پەن مارتتىكتىڭ رۋحى بولىپ كەلەدى.
وسى ورايدا جاقىندا وبلىسىمىزدىڭ اۋماعىندا اۋا رايى كۇرت بۇزىلىپ, قالىڭ قار ءتۇستى. ۇلكەن كولەمدە بوراپ جاۋعان قارعا بايلانىستى باتىس قازاقستان وبلىسى «جاس وتان» جاستار قاناتىنىڭ بەلسەندىلەرى جەدەل كومەك جاساعىن قۇرىپ, «جاقىنىڭا جاردەمدەس» اكتسياسى اياسىندا جاسى ەگدە تارتقان مۇقتاج جاندارعا, الەۋمەتتىك از قامتىلعان وتباسىلارعا, جالعىزىلىكتى اتا-اجەلەردىڭ ۇيىنە بارىپ, اۋلاسىن قاردان تازالاپ, ەسىكتەرىنىڭ الدىن سىپىرىپ, قاتىپ قالعان مۇزداردى ويىپ, گۋمانيتارلىق كومەك كورسەتتى. ءۇي يەلەرى كومەك قولىن سوزعان جاسوتاندىقتارعا ىستىق ىقىلاستارىن ءبىلدىرىپ, ءتاتتى دامدەرىن ريزاشىلىق رەتىندە ۇسىندى.
اتاپ وتەرلىك ءجايت, جاستاردىڭ بويىندا اعا بۋىنعا دەگەن قۇرمەت سەزىمىن ۇيالاتۋ, جاستاردى وتانسۇيگىشتىككە تاربيەلەۋ, قازاقستاندىق ءپاتريوتيزمدى قالىپتاستىرۋ جانە دامىتۋ – اتالعان اكتسيانىڭ باستى ماقساتى. اكتسيا شەڭبەرىندە قۇرىلعان «ەڭبەك دەسانتى» جاساعىنىڭ جۇمىسى جىل بويىنا جالعاسىن تاباتىن بولادى.
دارحان قادىراليەۆ,
«نۇر وتان» حدپ بقو فيليالى
جانىنداعى «جاس وتان» جاستار
قاناتىنىڭ اتقارۋشى حاتشىسى.
