الدا اسقارالى مىندەتتەر تۇر
سەنبى, 5 قاڭتار 2013 8:21
پرەزيدەنت نۇرسۇلتان نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋى تاۋەلسىز قازاقستان دامۋىنىڭ قورىتىندىلارىن شىعارىپ, ەلىمىزدىڭ تاياۋ ونجىلدىقتاعى اۋقىمدى ءمىندەتتەرىن ايقىنداپ بەردى.
سەنبى, 5 قاڭتار 2013 8:21
پرەزيدەنت نۇرسۇلتان نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋى تاۋەلسىز قازاقستان دامۋىنىڭ قورىتىندىلارىن شىعارىپ, ەلىمىزدىڭ تاياۋ ونجىلدىقتاعى اۋقىمدى ءمىندەتتەرىن ايقىنداپ بەردى.
پرەزيدەنتتىڭ پىكىرىنشە, قازاقستاننىڭ مەملەكەتتىك دامۋىنىڭ 2030 جىلعا دەيىنگى العاشقى ۇلتتىق ستراتەگياسىنىڭ «بىرقاتار باعىتتارى مەرزىمىنەن بۇرىن ورىندالدى»: ەكونوميكا, ەلىمىزدىڭ ساياسي جۇيەسى, ۇلتتىق ءبىلىم بەرۋ جۇيەسى, دەنساۋلىق ساقتاۋ جانە الەۋمەتتىك قامسىزداندىرۋ سالاسى جەتىستىكتەرگە جەتىپ, جاڭعىرتىلدى. تاۋەلسىز قازاقستاننىڭ ەلباسى بەلگىلەگەن ساياسي باعىتى ەلىمىزگە دامىعان ەلدەرمەن تولىققاندى سەرىكتەس بولۋعا, تۇراقتى كوپۇلتتى مەملەكەت رەتىندە تانىمال بولۋعا مۇمكىندىك بەرەدى.
قازاقستاننىڭ ۇلتارالىق جانە كونفەسسياارالىق كەلىسىمدى قامتاماسىز ەتۋ بويىنشا حالىقارالىق باستامالارى الەمدىك قوعامداستىق تاراپىنان قولداۋعا يە بولىپ, ەلىمىزدىڭ ساياسي بەدەلىنىڭ نىعايۋىنا جاردەمدەستى. نۇرسۇلتان نازارباەۆتىڭ قازاقستاننىڭ ەۋرازيالىق جولمەن دامۋ تۇجىرىمى ءبىزدىڭ قوعامدا كەڭىنەن جۇزەگە اسىپ جاتىر. ەلباسى جاڭا جولداۋىندا جاڭا ستراتەگيانىڭ ماڭىزدىلىعىنا توقتالا وتىرىپ, ونىڭ ارقاسىندا «…بىزدەر الەمنىڭ گەوەكونوميكالىق جانە گەوساياسي ورتالىعىندا بولامىز» دەپ اتاپ وتەدى.
قازاقستاننىڭ جاڭا ساياسي باعىتىن ايقىنداي وتىرىپ, پرەزيدەنت ن.ءا.نازارباەۆ قازاقستاندىقتار ءۇشىن «ۇزدىك ءبىلىم, لايىق ەڭبەك, جارقىن بولاشاق» سياقتى جاڭا مۇمكىندىكتەر بەرىلەتىندىگىن اتاپ كورسەتتى. ەلباسى قازاقستاندا «زياتكەرلىك ۇلت» قالىپتاستىرۋ يدەياسىن دامىتا وتىرىپ, ەلىمىزدىڭ الدىنا قويىلعان تاريحي ماڭىزدى مىندەتتەردى شەشۋ ءۇشىن «قازاقستاندىقتار جوعارى ءبىلىمدى ۇلت بولۋى كەرەك» دەپ اتاپ ءوتتى. پرەزيدەنتتىڭ پىكىرىنشە, بۇل ماسەلەدە قازاقستاندىقتاردىڭ جاڭا بۋىنى – تاۋەلسىز ەلىمىزدىڭ قۇرداستارىنا ەرەكشە جاۋاپكەرشىلىك جۇكتەلەدى. ولاردىڭ ءبىلىمى, كاسىبي بىلىكتىلىگى, وتانىنا دەگەن سۇيىسپەنشىلىگى ەلىمىزگە «2050 جىلدارعا دەيىن الەمنىڭ دامىعان 30 ەلىنىڭ قاتارىنا ەنۋىنە» مۇمكىندىك بەرەدى.
پرەزيدەنتتىڭ ايتۋىنشا, جاڭا مەملەكەتتىك ستراتەگيانى جۇزەگە اسىرۋدا زيالى قاۋىم ەرەكشە ءرول اتقارادى. ولار «ءبىزدىڭ جالپى ۇلتتىق قۇندىلىقتارىمىزدى نىعايتۋدا جەتەكشى كۇشكە اينالۋلارى كەرەك» دەدى. عالىمدار, شىعارماشىلىق ينتەلليگەنتسيا وكىلدەرى ەل تاريحىن, بۇگىنگى كۇندى سارالاۋعا ۇلەس قوسۋدا, اتاپ ايتساق, تاريحقا جۇگىنە بەرمەي, زامانىمىزدىڭ قاھارماندارىن كورسەتە ءبىلۋىمىز كەرەك. ولارعا قاراپ ءبىزدىڭ جاستارىمىز بوي تۇزەيدى. تاۋەلسىزدىكتى قۇرۋ, تاريح ءۇشىن قىسقا 20 جىل ىشىندە ەلىمىزدىڭ دامۋى, استانانى قۇرۋ ۇلى مۇراتتار بولىپ تابىلادى.
نۇرسۇلتان نازارباەۆتىڭ قازىرگى كەزەڭدەگى ءبىلىم بەرۋ جۇيەسىنىڭ باستى باعدارى تەرەڭ ءبىلىم, كاسىبي ىسكەرلىك دەگەن پىكىرىن قولداي وتىرىپ, اكادەميك ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ ۇجىمى قازاقستاندى ودان ءارى دامىتۋعا, جوعارى تەحنولوگيالى, الەۋمەتتىك ساياسات جاعىنان تارتىمدى, يننوۆاتسيالىق عىلىمى مەن باسەكەگە قابىلەتتى ءبىلىم بەرۋ جۇيەسى بار مەملەكەت رەتىندە الەمنىڭ دامىعان ەلدەرىنىڭ قاتارىنا ەنۋىنە ۇلەس قوساتىن جوعارى بىلىكتى مامانداردى دايارلاۋ بويىنشا ءوز جۇمىسىن جالعاستىرادى.
ەركىن كوبەەۆ,
ە.ا.بوكەتوۆ اتىنداعى مەملەكەتتىك
ۋنيۆەرسيتەتتىڭ رەكتورى.
قاراعاندى.
