ءۇمىتىمىز زور
سەنبى, 5 قاڭتار 2013 8:20
جۋىردا عانا مەملەكەت باسشىسى «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى كەزەكتى جولداۋىن جاريالاعانى بەلگىلى. ءوز باسىم وقىرمان رەتىندە ءۇتىر, نۇكتەسىن قالدىرماي وقىپ شىقتىم. اسىرەسە, ءبىزدىڭ سالاعا قاتىستى جەرلەرىنە ىجداعاتتىلىقپەن ءمان بەردىم. پرەزيدەنت ەلىمىزدىڭ مەكتەپكە دەيىنگى ءبىلىم بەرۋ جۇيەسى جاڭا ادىسكە كوشۋ كەرەكتىگىن وسى جولى دا ايتىپتى. ءوز باستاماسىمەن قۇرىلعان «بالاپان» باعدارلاماسىن ەلدەگى دەموگرافيالىق وسىمگە بايلانىستى 2020 جىلعا دەيىن ۇزارتۋعا شەشىم قابىلداپ, ۇكىمەت پەن اكىمدەردىڭ الدىنا بالالاردى مەكتەپكە دەيىنگى ءبىلىم بەرۋ جانە تاربيەمەن 100 پايىز قامتۋعا قول جەتكىزۋ مىندەتىن قويىپتى. ءبىز بۇعان قۋانىپ وتىرمىز. ويتكەنى, بۇل باعدارلاما ەلىمىزدە الەۋمەتتىك جاعدايى ءتۇرلى دەڭگەيدەگى وتباسىلاردىڭ بار ەكەنىنە قاراماي, بارلىق بالانىڭ باستاپقى مۇمكىندىكتەرىن تەڭەستىرەدى.
سەنبى, 5 قاڭتار 2013 8:20
جۋىردا عانا مەملەكەت باسشىسى «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى كەزەكتى جولداۋىن جاريالاعانى بەلگىلى. ءوز باسىم وقىرمان رەتىندە ءۇتىر, نۇكتەسىن قالدىرماي وقىپ شىقتىم. اسىرەسە, ءبىزدىڭ سالاعا قاتىستى جەرلەرىنە ىجداعاتتىلىقپەن ءمان بەردىم. پرەزيدەنت ەلىمىزدىڭ مەكتەپكە دەيىنگى ءبىلىم بەرۋ جۇيەسى جاڭا ادىسكە كوشۋ كەرەكتىگىن وسى جولى دا ايتىپتى. ءوز باستاماسىمەن قۇرىلعان «بالاپان» باعدارلاماسىن ەلدەگى دەموگرافيالىق وسىمگە بايلانىستى 2020 جىلعا دەيىن ۇزارتۋعا شەشىم قابىلداپ, ۇكىمەت پەن اكىمدەردىڭ الدىنا بالالاردى مەكتەپكە دەيىنگى ءبىلىم بەرۋ جانە تاربيەمەن 100 پايىز قامتۋعا قول جەتكىزۋ مىندەتىن قويىپتى. ءبىز بۇعان قۋانىپ وتىرمىز. ويتكەنى, بۇل باعدارلاما ەلىمىزدە الەۋمەتتىك جاعدايى ءتۇرلى دەڭگەيدەگى وتباسىلاردىڭ بار ەكەنىنە قاراماي, بارلىق بالانىڭ باستاپقى مۇمكىندىكتەرىن تەڭەستىرەدى.
ءوز باسىم مەملەكەتتىڭ قولداۋىمەن, كاسىپكەرلەردىڭ «دامۋ» باعدارلاماسىنىڭ ارقاسىندا وتباسىلىق بيزنەسكە قولىم جەتىپ, 2011 جىلى «گاۋھار تاس» اتتى قازاق بالاباقشاسىن اشتىم. ماقساتىمىز – بۇلدىرشىندەرگە ونەگەلى تاربيە بەرۋ, انا ءتىلىن قادىرلەۋدى, سالت-ءداستۇرىمىزدى قۇرمەتتەۋدى ۇيرەتۋ, سونداي-اق, ەلىمىزدەگى ءتۇرلى ۇلت وكىلدەرىنىڭ دوستاستىعىنا سىزات تۇسىرمەۋدى قولعا الۋ.
بالاباقشامىز مەملەكەتتىك ءبىلىم بەرۋ ستاندارتى بويىنشا «العاشقى قادام», «زەرەك بالا», «ءبىز مەكتەپكە بارامىز», «ءوزىن-ءوزى تانۋ», «بالبوبەك», «قارلىعاش» باعىتتارى بويىنشا جۇمىس ىستەپ, قازاق, ورىس, ازەربايجان, تۇرىك, تاتار, نەمىس بالالارى تەك قانا قازاق تىلىندە سويلەپ, تاربيە الىپ جاتىر.
بىزدە قازىرگى تاڭدا 80 ءبۇلدىرشىن تاربيەلەنۋدە. بولاشاقتا 170-180 ءبۇلدىرشىندى قابىلداۋعا مۇمكىندىگىمىز بار. بىراق, 40 مىڭ تەڭگە كولەمىندەگى تولەماقىنى بارلىق اتا-انالاردىڭ قالتاسى كوتەرمەيتىنى بەلگىلى. سوندىقتان, «بالاپان» باعدارلاماسى بويىنشا مەملەكەتتىك دوتاتسياعا قول جەتكىزسەك دەگەن تىلەگىمىز بار. ەگەر دە وسى دوتاتسياعا قولىمىز جەتسە, وندا اتا-انالار ءۇشىن ءاربىر بالاعا تولەنەتىن تولەماقى ەداۋىر ازايادى. بۇل اتا-انالار ءۇشىن دە وتە پايدالى بولار ەدى. ويتكەنى, قازىرگى تاڭدا مەملەكەتتىك بالاباقشاعا كوپ اتا-انالاردىڭ قولى جەتە بەرمەيدى. سوندىقتان, ەلباسىنىڭ جولداۋىمەن قاناتتانىپ, الداعى كۇندەرگە ءۇمىت ارتىپ وتىرمىز.
ۇلبولسىن ماحانبەتوۆا,
«گاۋھار تاس» بالاباقشاسىنىڭ مەڭگەرۋشىسى.
