01 تامىز، 2019

جاساندى بيلەت تاپشىلىعىمەن كۇرەس قارقىن الا باستادى

184 رەت كورسەتىلدى

يندۋستريا جانە ينفراقۇرىلىمدىق دامۋ مينيسترلىگى مەن «قازاقستان تەمىر جولى» ۇك» اق تاراپىنان جولاۋشىلار پويىزدارى بيلەتتەرىنىڭ جاساندى تاپشىلىعىن جويۋ تۋرالى تاپسىرما العان. بۇل جونىندە كەشە مينيسترلىكتە وتكەن جولاۋشىلاردى تاسىمالداۋ، اۆتوموبيل جولدارى جانە كولىكتىك باقىلاۋ سالاسىنداعى سىبايلاس جەمقورلىققا قارسى ماسەلەلەر كەڭەستە ايتىلدى.

 – مەملەكەت باسشىسى قاسىم-جومارت توقاەۆ ۇكىمەتكە تەمىرجول بيلەتتەرىنە جاساندى تاپشىلىقتى، اسىرەسە جازعى كەزدەگى جولاۋشىلار پويىزىندا زاڭسىز بيلەت ساتۋدى جويۋدى تاپسىرعان بولاتىن. بۇل نەگىزىنەن حالىققا قولايسىزدىق تۋعىزىپ، ىشكى ءتۋريزمدى دامىتۋعا كەدەرگى كەلتىرەتىنىن پرەزيدەنت اتاپ كورسەتتى. وسىعان بايلانىستى قازاقستاننىڭ پرەمەر-ءمينيسترى اسقار مامين يندۋستريا جانە ينفراقۇرىلىمدىق دامۋ مينيسترلىگىنە جانە «قازاقستان تەمىر جولى» ۇك» اكتسيونەرلىك قوعامىنا بۇل ماسەلەنى شۇعىل شەشۋ جونىندە تاپسىرما بەردى، – دەدى كەڭەستى اشقان يدم ءمينيسترىنىڭ ورىنباسارى بەرىك قاماليەۆ.

مەملەكەت باسشىسى ۇكىمەتكە تاپ­سىرما بەرە وتىرىپ، تۋيتتەردەگى پاراق­شاسىندا «ەگەمەندە» جارىق كورگەن «قولدان جاسالعان بيلەت تاپشىلىعى» اتتى ماقالاعا سىلتەمە جاساعان بولاتىن.

سونىمەن يدم وتكىزگەن كەڭەس جۇ­­مىسىنا مينيسترلىكتىڭ وسى سالا­عا قا­تىستى قۇرىلىمدارى مەن كومي­تەت­­تەرىنىڭ باسشىلارى، سىبايلاس جەم­قور­لىققا قارسى ءىس-قيمىل اگەنتتىگىنىڭ جانىنداعى ارنايى مونيتورينگتىك توپ پەن «ادال جول» جوبالىق كەڭ­سە­لەرىنىڭ مۇشەلەرى جانە وبلىس اكىم­دىكتەرىنىڭ، بارلىق تاسىمالداۋشى­لار مەن تەمىر جول مەن اۆتوموبيل جولىنا قاتىسى بار مەكەمەلەر مەن ۇيىمداردىڭ باسشىلارى قاتىستى.

كەڭەستە العاشقىلاردىڭ ءبىرى بولىپ ءسوز العان «قتج» ۇك» اق باسقارما تور­­اعاسىنىڭ ءبىرىنشى ورىنباسارى قانات ال­­ماعامبەتوۆ جينالعانداردى بيلەت ساتۋ جۇيەسىنە ەنگىزىلگەن جاڭاشىل­دىق­تار مەن وزگەرىستەردەن حاباردار ەتتى.

ۇلتتىق تاسىمالداۋشى كومپانيا وكىلى جاز مەزگىلىندە پويىز قۇرامدارىنا قوسىمشا ۆاگوندار تىركەلەتىنىن، سۇرانىس جوعارى باعىتتارعا قوسىمشا پويىزدار شىعارىلىپ وتىرعانىن ايتتى. ال بيلەت ساتۋ جۇيەسىندەگى الىپ-سا­تار­­لار­مەن كۇرەستە شىلدە ايىنان باستاپ ەنگىزىلگەن «Mobius» جۇيەسىنە ءۇمىت ارتا­تىن­دىقتارىن جەتكىزدى. ونىڭ ىشىندە تەمىرجولشىلار «كۇتۋ پاراعى» دەپ اتالاتىن ىلكى قادام بيلەت ساتۋ جۇيەسىن دەلدالداردان تازالايدى دەپ سەنەدى.

«قتج» باسشىلىعى جاساندى بيلەت تاپشىلىعىنا كوبىنە جەكە كاسسالاردىڭ قاتىسى بارىن جانە ولارعا شارا قول­دانۋ ءوز قۇزىرەتتەرىنە كىرمەيتىنىن ايتادى. بىراق كەڭەسكە قاتىسقان ارنايى موني­تو­رينگتىك توپ مۇشەلەرى جەكە كاسسالار باقىلاۋسىز قالماۋى كەرەك دەگەن پىكىر ءبىل­دىرىپ، «قتج» باسشىلىعى دا وسى ۋاج­بەن كەلىسكەندەي بولدى.

الايدا كەڭەس جۇمىسىنا قاتىسقان باس كولىك پروكۋرورىنىڭ مىندەتىن اتقارۋشى جاسۇلان ەلامانوۆ الىپ-ساتارلاردىڭ بۇل جۇيەنى دە اينالىپ وتەتىن جول تاپ­قانىن مالىمدەدى. پروكۋرورلار بۇقا­را­لىق اقپارات قۇ­رالدارىنداعى ماقالا­لاردا كەلتىرىلگەن دەرەكتەر بويىنشا تەك­سەرۋ جۇرگىزۋ بارىسىندا شىمكەنت جانە الماتى ۆوكزالدارىندا كاسسادا جوق بي­لەتتى الىپ-ساتارلاردىڭ ساتىپ جۇرگە­نىن انىقتاپ، ۇستالعاندارعا شارا قول­دانعان.

– اتالعان دەرەكتەر ماقتاۋلى «Mo­bius» جۇيەسىن دە اينالىپ ءوتىپ، قيتۇر­قىلىقتارعا جول تابىلاتىنىن كورسەتىپ وتىر. قازىر بۇل ماسەلە زەردەلەنىپ جاتىر. الداعى ۋاقىتتا بارلىق ۋاكىلەتتى ورگاندارمەن بىرلەسە وتىرىپ شارا قولدانۋدىڭ امالدارىن قاراستىرامىز، – دەدى ج.ەلامانوۆ.

جالپى، ەل ىشىندەگى بيلەت تاپ­شى­لىعى مەن جولاۋشىلاردىڭ نارا­زى­لىعى جونىندە قوعامدىق باقىلاۋ ۇيىم­دارىنىڭ وكىلدەرى دە وتكىر سىن ايتتى. ارينە جۋىردا ەنگىزىلگەن ماق­تاۋلى «Mobius» جۇيەسىنە كولىك پرو­كۋراتۋراسىنىڭ ءوزى كۇمان كەلتىرىپ وتىرعاندىقتان، «قتج» تاراپىنان ۆوكزالدارعا الاياقتاردى جولاتپاۋ ءۇشىن پەررونعا تەك بيلەتى بار جولاۋشىلاردى عانا وتكىزۋدىڭ دە قارەكەتى جاسالماقشى.

وسى ورايدا ق.الماعامبەتوۆ: «بيىل وسى قاناتقاقتى جوبا بويىنشا ەلورداداعى «نۇرلى جول» ۆوكزالى مەن قاراعاندى ۆوكزالىنىڭ پەرروندارىنا بيلەتسىز ادامداردىڭ جاقىنداۋىنا شەكتەۋ قويىلادى. مۇنداي باستامانى بۇرىن دا كوتەرگەنبىز. الايدا قوعام تاراپىنان كوپتەگەن نارازىلىق بولعان. بۇل باستامانى قۇقىق قورعاۋ ورگاندارى دا قولداپ وتىر. ءبىز دە دۇرىس دەپ سانايمىز. تىم بولماعاندا ءىرى ۆوكزالداردىڭ پەرروندارىنا وسىنداي شەكتەۋ قويىپ باستاۋ قاجەت»، دەدى.

قوعامنىڭ ىقپالىمەن وسىنداي ىلكى قادام جاساۋعا بەت العان ۇلتتىق تاسىمالداۋشى بۇل جوبانىڭ ومىرشەڭدىگى مەن كۇردەلى جولىن قانشالىقتى ەسەپكە الىپ وتىرعانى بەلگىسىز. ويتكەنى «قتج» وكىلى بۇرىن دا وسىنداي ىلكى قادام جاساۋعا وقتالعاندارىمەن، پروكۋراتۋرا مەن ۇلتتىق قاۋىپسىزدىك كوميتەتى تاراپىنان ايتىلعان ادامداردىڭ قۇقىقتارى مەن قوزعالىستارىن شەكتەۋ­گە جول بەرىلمەيدى دەگەن ەسكەرتۋدەن سوڭ، جابۋلى قازاندى جابۋلى كۇيىندە قالدىرا سالعان.

ال قازىر تەك اكىمشىلىك قۇقىق بۇزۋ­­ش­ى­لىق كودەكسىنىڭ 449-بابى – «قو­عام­دىق ورىن­داردا ءتيىسۋ» بويىنشا عانا جاۋاپقا تار­تىلىپ كەلگەن الىپ-ساتار­لاردىڭ داۋ­رەنى قاشانعا دەيىن سوزى­لارى دا بەي­مالىم. بالكىم بۇل ماسە­لە بيلەتكە سۇرا­نىس ازايا تۇسەتىن قىس مەز­گىلىندە تاعى ۇمى­تى­لىپ كەتە مە؟ بىراق قۇزىرلى ورىندار پرەزيدەنت تاپسىرماسىن ورىنداۋعا بەل شەشە كىرىسكەن ءتارىزدى.

سەرىك ابدىبەك،

«Egemen Qazaqstan»

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار