دەنساۋلىق ايلىعىنا باسقارمانىڭ الماتى قالاسىنداعى ۆەدومستۆولىق باعىنىشتى مەديتسينالىق ۇيىمدارى قاتىسادى. ايلىقتىڭ ماقساتى – مەديتسينالىق قىزمەتكە ءبىر قادام جاقىن بولۋدى قامتاماسىز ەتۋ.
باستى مىندەت – ءبىرىنشى كەزەكتە بالالاردىڭ, ازاماتتاردىڭ دەنساۋلىعىن ساقتاۋ مەن نىعايتۋ جانە اۋرۋدىڭ الدىن الۋ. تۇرعىنداردى جان-جاقتى تەكسەرۋ ءۇشىن جىلجىمالى كەشەندەر قاجەتتى قوندىرعىلارمەن تولىق جابدىقتالعان.
«تەراپەۆتەر, پەدياتورلار, كارديولوگتار جانە باسقا دا بىلىكتى دارىگەرلەر قابىلداۋلار جۇرگىزەدى. دەنساۋلىق ايلىعى بارىسىندا قالالىقتار اعزاداعى حولەستەرين, قانداعى قانتتىڭ دەڭگەيىن ءبىلۋ ءۇشىن ساراپتامادان, ۆيچ-كە جانە تەرى-سوز اۋرۋلارىنا قاتىستى ەكسپرەسس- تەستىلەۋدەن وتەدى, دەنە سالماعى بويىنشا انتروپومەتريالىق قورىتىندى الادى, كوز قىسىمىن ولشەتىپ, فگ ارقىلى تەكسەرىلەدى جانە فتيزياتوردىڭ قابىلداۋىندا بولادى. بۇلاردان وزگە, مەديتسينا قىزمەتكەرلەرى «حالىقتى تىركەۋدىڭ رەگيسترى» بويىنشا تولىق ماعلۇمات بەرەدى, ءموبيلدى قوسىمشامەن قالاي جۇمىس جاساۋعا بولاتىندىعىن تۇسىندىرەدى. قالالىقتارعا سكرينينگ جانە مىندەتتى مەديتسينالىق ساقتاندىرۋ بويىنشا تولىق اقپارات ۇسىنىلادى»,- دەيدى قوعامدىق دەنساۋلىق باسقارماسىنىڭ وكىلدەرى.
دەنساۋلىق ايلىعى كەزىندە: فليۋروگرافيا, رەنتگەن اپپاراتتارىمەن جابدىقتالعان بەس ماشينا, ەكى جىلجىمالى مەديتسينالىق كەشەن, دياگنوستيكالىق قوندىرعى (ەكگ, رەنتگەن- زەرتتەۋ, فگدس) قىزمەت كورسەتەدى.
