تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-مينيسترلەرى تاعايىندالدى

مارات نۇرعوجين 1957 جىلى اقمولا وبلىسىندا دۇنيەگە كەلگەن. ن. باۋمان اتىنداعى ماسكەۋ جوعارى تەحنيكالىق ۋچيليششەسىن بىتىرگەن. ەڭبەك جولىن 1980 جىلى باستاعان. ءتۇرلى جىلدارى قاراعاندى پوليتەحنيكالىق ينستيتۋتىندا، قاراعاندى مەملەكەتتىك تەحنيكالىق ۋنيۆەرسيتەتىندە، ءبىلىم جانە عىلىم مينيستىرلىگىندە، «سامعاۋ» ۇلتتىق عىلىمي-تەحنولوگيالىق حولدينگى» اق، «قازاقستان عارىش ساپارى» ۇلتتىق كومپانياسى» اق جۇمىس ىستەگەن. 2016–2019 جىلدارى — قورعانىس جانە اەروعارىش ونەركاسىبى ۆيتسە-ءمينيسترى. 2019 جىلعى ساۋىردە تسيفرلىق دامۋ، قورعانىس جانە اەروعارىش ونەركاسىبى ۆيتسە-ءمينيسترى بولىپ تاعايىندالدى.

اسحات ورازبەك 1976 جىلى قاراعاندى قالاسىندا تۋعان. ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن بىتىرگەن. ەڭبەك جولىن 1995 جىلى قر ءبىلىم جانە عىلىم مينيسترلىگىنىڭ قولدانبالى ماتەماتيكا ينستيتۋتى زەرتحاناسىنىڭ ينجەنەرى بولىپ باستاعان. ءتۇرلى جىلدارى قر پرەزيدەنت اكىمشىلىگىنىڭ اقپاراتتاندىرۋ جانە مەملەكەتتىك قۇپيالاردى قورعاۋ ءبولىمى سەكتورىنىڭ مەڭگەرۋشىسى بولدى،  «ۇلتتىق اقپاراتتىق تەحنولوگيالار» اق جانە «زەردە» ۇلتتىق اقپاراتتىق-كوممۋنيكاتسيالىق حولدينگى» اق، «قازترانسويل» اق، «ترانستەلەكوم» اق باسشىلىق لاۋازىمداردى اتقاردى. 2017 جىلدىڭ اقپانىنان باستاپ قر بلوكچەين جانە كريپتوتەحنولوگيالاردى دامىتۋ قاۋىمداستىعىنىڭ ۆيتسە-پرەزيدەنتى بولدى. 2019 جىلعى ساۋىردە تسيفرلىق دامۋ، قورعانىس جانە اەروعارىش ونەركاسىبى ۆيتسە-ءمينيسترى بولىپ تاعايىندالدى.

ابىلايحان وسپانوۆ 1986 جىلى الماتى ق. دۇنيەگە كەلگەن. ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىن، ش. ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىن بىتىرگەن. ءتۇرلى جىلدارى «جاسىل ەل» جاستار ەڭبەك جاساقتارى رەسپۋبليكالىق شتابىندا، ءتۇرلى كوممەرتسيالىق ۇيىمداردا، «ۇلتتىق اقپاراتتىق تەحنولوگيالار» اق، ىشكى ىستەر، بايلانىس جانە اقپارات، كولىك جانە كوممۋنيكاتسيالار، ينۆەستيتسيالار جانە دامۋ مينيسترلىكتەرىندە، قر اقپارات جانە بايلانىس اگەنتتىگىندە،  «نۇر وتان» پارتياسىنىڭ ورتالىق اپپاراتىنىڭ قابىلداۋىندا، «الماتى قالاسىن دامىتۋ ورتالىعى» اق جۇمىس ىستەدى. 2017–2019 جج. «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق باسقارما توراعاسى بولدى. 2019 جىلعى ساۋىردە تسيفرلىق دامۋ، قورعانىس جانە اەروعارىش ونەركاسىبى ۆيتسە-ءمينيسترى بولىپ تاعايىندالدى.

دارىن تۇياقوۆ 1969 جىلى الماتى وبلىسىندا دۇنيەگە كەلگەن. يۋ.ۆ. اندروپوۆ اتىنداعى لەنينگراد جوعارى اسكەري-ساياسي اۋە قورعانىسى ۋچيليششەسىن، ءال-فارابي اتىنداعى قازاق ۇلتتىق ۋنيۆەرسيتەتىن، رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن حالىقارالىق بيزنەس اكادەمياسىن بىتىرگەن. ەڭبەك جولىن 1990 جىلى باستاعان. اۋە قورعانىس كۇشتەرى راديوتەحنيكالىق اسكەر جەكە راديولوكاتسيالىق روتاسىنىڭ كومانديرىنىڭ ورىنباسارى، قر ادىلەت مينيسترلىگىنىڭ جەتەكشى كەڭەسشىسى بولىپ جۇمىس ىستەدى. 2002 جىلدان 2018 جىل ارالىعىندا «قازاقتەلەكوم» اق ءتۇرلى قىزمەتتەردە — زاڭ ءبولىمىنىڭ باستىعىنان باس ديرەكتورعا، اپپارات باسشىسى، باسقارما مۇشەسىنە دەيىنگى قىزمەتتەردى اتقاردى. 2018–2019 جج. — اقپارات جانە كوممۋنيكاتسيالار ۆيتسە-ءمينيسترى. 2019 جىلعى ساۋىردە تسيفرلىق دامۋ، قورعانىس جانە اەروعارىش ونەركاسىبى ۆيتسە-ءمينيسترى بولىپ تاعايىندالدى.