ايماقتار • 31 شىلدە، 2019

ەلوردادا مۇمكىندىگى شەكتەۋلى بالالارعا ارنالعان وڭالتۋ ورتالىعى سالىنادى

134 رەت كورسەتىلدى

قالا اكىمى التاي كولگىنوۆ الەۋمەتتىك قىزمەت كورسەتۋ ورتالىعىنا باردى. اتالعان مەكەمەدە ماماندار مۇمكىندىگى شەكتەۋلى بالالارعا قىزمەت كورسەتەدى. بۇل تۋرالى ەلوردا اكىمدىگىنىڭ رەسمي سايتى حابارلادى. 

ورتالىقتا ەگدە جاستاعى 480 ادامعا جانە 560 مۇمكىندىگى شەكتەۋلى بالالارعا قىزمەت كورسەتىلەدى. ورىندار شەكتەۋلى، بارلىعىنا بىردەي قاجەتتى جابدىقتار جەتىسپەيدى.

ء«بىز وسىندا كەلىپ جۇرگەنىمىزگە قاتتى قۋانامىز. بالالارمەن ماماندار اينالىسادى. مۇندا دەفەكتولوگ، لوگوپەد، ەڭبەك تەراپياسى، ۋقالاۋ ەم-دومىن جاسايتىن مەدبيكەلەر، ەمدىك-فيزيكالىق جاتتىعۋلار جاسايتىن نۇسقاۋشى كابينەتتەرى بار. دارىگەرلەردىڭ شىنايى قارىم-قاتىناسى كورىنىپ تۇرادى. بالالاردى يپپودرومعا دا اپارۋعا بولادى»، - دەدى بالالاردىڭ اتا-انالارى. «الايدا كەمشىن تۇستارى دا جوق ەمەس. اتا-انالار دا، ەرەسەكتەر دە مۇنداي ورتالىقتىڭ بار ەكەنىن، كەلىپ بىلىكتى مامانداردان ناتيجەلى ەم-شارالار الا الاتىنىن كوپ بىلە بەرمەيدى. بارلىعى ءبىلىپ، كەلۋى ءۇشىن وسى ماسەلەنى شەشسە جاقسى بولار ەدى»، - دەدى اتا-انالار.

اتا-انالار بالالار ارنايى جابدىقتار مەن اپپاراتتا مەيىلىنشە كوبىرەك ەم-شارالارىن جۇرگىزسە دەيدى. الايدا اپپاراتتار بارىنە بىردەي جەتپەيدى.

مەملەكەت باسشىسى قاسىم-جومارت توقاەۆ مۇمكىندىگى شەكتەۋلى بالالاردى تاربيەلەپ وتىرعان وتباسىلارعا ەرەكشە كوڭىل ءبولۋدى تاپسىردى. مۇنداي ورتالىقتار مەن مەكەمەلەرگە سۇرانىستىڭ كوپتىگىنە بايلانىستى قالا اكىمدىگى جاڭا ورتالىق اشۋ ماسەلەسىن زەرتتەپ، زەردەلەپ جاتىر.

«بارىنە بىردەي ورىن جەتىسپەيدى. تاعى ءبىر وسىنداي ورتالىق قاجەت. ەڭبەك جانە الەۋمەتتىك قورعاۋ مينيسترلىگىمەن بىرلەسە تاعى ءبىر وڭالتۋ ورتالىعىن اشۋدى ويلاستىرىپ جاتىرمىز. 150 ورىندىق ورتالىققا ارنالعان جەر تەلىمىن بولەمىز. قازىرگى تاڭدا جوبالىق-سمەتالىق قۇجاتتارىن زەرتتەپ جاتىرمىز، بۇيىرتسا، كەلەسى جىلى قۇرىلىستى باستاۋدى جوسپارلاپ وتىرمىز. سىزدەردىڭ ورتالىقتارىڭىزعا قانداي اپپاراتتار جەتىسپەيدى، سىزدەر بىزگە ايتىڭىزدار. ونى الىپ بەرۋدىڭ جولدارىن قاراستىرامىز»،-دەدى ا. كولگىنوۆ.

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار