ماقسات-كوپ بالالى وتباسىلارعا كومەك بەرۋ,ولاردىڭ بالالارىن مەكتەپكە ەرتە دايارلاپ, وقۋعا بارۋىنا جاعداي جاساۋ.
جالپى, قالا بويىنشا كومەككە مۇقتاج 4 660 وقۋشى بار.
- شىلدە ايىنىڭ باسىندا قالاداعى ءىرى ساۋدا ۇيلەرىنىڭ باسشىلارىنا جانە كاسىپكەرلەرگە كوپ بالالى جانە از قامتاماسىز ەتىلگەن وتباسىلارىنىڭ 1-قىركۇيەك جاڭا وقى جىلىندا كومەك بەرۋلەرىن سۇراپ حات جازدىق,-دەيدى ءبىلىم ءبولىمىنىڭ ماماندارى.
الدىمەن وبلىس ورتالىعىنداعى «ارتۋر» ساۋدا ءۇيىنىڭ اكىمشىلىگى «مەكتەپكە جول» شاراسى اياسىندا قالاداعى مەكتەپ وقۋشىلارىنا 1 ميلليون تەڭگەنىڭ تاۋارلارىن تارتۋ ەتتى.
ساۋدا ءۇيىنىڭ وكىلدەرى بالالارعا قاجەتتى كيىم-كەشەكتەر, اياق كيىمدەر مەن سومكەلەر اكەلىپ بەردى. بۇل تاۋارلاردى قالاعا قاراستى اۋىلدارداعى, كەنجەكول مەن جەتەكشى اۋىلىنداعى مەكتەپ وقۋشىلارىنا بەرىلەدى.
ال, قالا ىرگەسىندەگى كەنتتەگى №32 مەكتەپتىڭ تاربيە ءىسى جونىندەگى ورىنباسارى رايگۇل جايداباەۆانىڭ ايتۋىنشا, تۇرمىسى تومەن وتباسىلاردىڭ 43 بالاسىنا كيىم-كەشەك, وقۋ قۇرال-جابدىقتارى, مەكتەپتىڭ كيىمى جانە سپورت فورماسىن الدىق. اتا-انالار اتىنان قالالىق ءبىلىم بولىمىنە جانە ۇيىمداستىرۋشىلارعا العىس ايتادى.
سونىمەن قاتار, شارا بارىسىندا قۇرىلعان شتاب قۇرامىندا اتا-انالار بىرلەستىگى دە بار.
قالا اكىمدىگى باسقارما باسشىلارى, وبلىستىق جانە قالالىق ءماسليحات دەپۋتاتتارى, كاسىپكەرلەر قاۋىمى بەلسەندىلىك تانىتادى دەپ سەنەدى.
بىلتىرعى جىلى مەملەكەتتىك باعدارلاما شەڭبەرىندە 4 مىڭنان استام بالاعا كومەك كورسەتۋ ءۇشىن 36 ميلليون تەڭگە قاراجات جۇمسالعان.
ەلىمىزدە تۇرمىسى تومەن جانە كوپبالالى وتباسىلارىنىڭ بالالارىنا دەمەۋشىلىك كومەك كورسەتۋگە باعىتتالعان ءىس-شارالارعا «ۇلتتىڭ بولاشاعى» قوعامدىق قورى باستاعان ءىس-شارالار دا جاعاسۋدا.
پاۆلودار
