اۋا رايى دا قايعىلى وقيعالاردىڭ ورىن الۋىنا سەپتىگىن تيگىزىپ وتىر. مىسالى, وڭىردە 13 بالا اتا-انانىڭ قاراۋىنسىز, 8 بالا رۇقسات ەتىلمەگەن جەردە, 2 كامەلەتكە تولماعان جاس بالا شومىلۋعا ارنالعان دەمالىس ورتالىقتارىنىڭ باسسەيندەرىندە جانە 2 ادام بالىق اۋلاۋ كەزىندە قايتىس بولعان. سونداي-اق قۇدىقتار مەن سەپتيكتەرگە ءتۇسىپ كەتىپ, قايتىس بولعاندار دا بار. بۇل دەرەكتەر وڭىرلىك كوممۋنيكاتسيالار قىزمەتىندە وتكەن «شومىلۋ ماۋسىمىنداعى سۋداعى قاۋىپسىزدىك شارالارى», «ورمان مەن دالا ورتتەرىنىڭ الدىن الۋ جانە دايىندىق جۇمىستارى» تاقىرىبىنداعى بريفينگتە كەلتىرىلدى. تۇركىستان وبلىسى توتەنشە جاعدايلار دەپارتامەنتى باستىعىنىڭ ورىنباسارى, ازاماتتىق قورعاۋ پولكوۆنيگى سۇلتانعالي سمايلوۆتىڭ مالىمدەۋىنشە, وڭىردە شومىلۋ ماۋسىمىنىڭ الدىندا جانە ونىڭ ءوتۋ كەزەڭىندە سۋ وبەكتىلەرىندە ادامداردىڭ ءولىمى ەڭ وزەكتى ماسەلەنىڭ ءبىرى.
سوڭعى 5 جىلدا ياعني, 2015-2019 جىلدار ارالىعىندا وبلىستا سۋدان قازا بولعان ادامداردىڭ سانى ازايماعان. وسىعان بايلانىستى دەپارتامەنت باستىعىنىڭ ورىنباسارى وبلىس تۇرعىندارىن سۋداعى قاۋىپسىزدىك شارالارىن قاتاڭ ساقتاۋعا شاقىردى.
تۇركىستان وبلىسى
