كاسىپكەرلەردى قولداۋ كۇشەيەدى
جۇما, 7 ماۋسىم 2013 2:07
بۇرىن قالاي ەدى؟ ءبىر كاسىپتى باستاۋ ءۇشىن ونداعان ەسىكتى توزدىرىپ, ارقايسىسىندا سارىلا كۇتىپ, ولار بىردەن ماقۇلداي سالماي سارساڭعا تۇسەتىن. بيزنەس باستاۋدا, نە ونى ءارى قاراي دامىتۋدا بيۋروكراتيالىق كەدەرگىلەردىڭ از بولماعانى اقيقات. وسىنى ەسكەرسە كەرەك, ەلباسى ءبىر جيىندا وبلىستاردا كاسىپكەرلەرگە قولداۋ كورسەتۋ ورتالىقتارىن اشۋ كەرەك دەپ تاپسىردى. بۇل ورتالىق كاسىپكەرلەرگە بارلىق جاعىنان كومەك بەرەتىن بولادى. ەڭ باستىسى, كاسىپكەر ءار جاققا ساندالماي شارۋاسىن ءبىر عيماراتتىڭ ىشىندە ءبىتىرىپ شىعادى.
جۇما, 7 ماۋسىم 2013 2:07
بۇرىن قالاي ەدى؟ ءبىر كاسىپتى باستاۋ ءۇشىن ونداعان ەسىكتى توزدىرىپ, ارقايسىسىندا سارىلا كۇتىپ, ولار بىردەن ماقۇلداي سالماي سارساڭعا تۇسەتىن. بيزنەس باستاۋدا, نە ونى ءارى قاراي دامىتۋدا بيۋروكراتيالىق كەدەرگىلەردىڭ از بولماعانى اقيقات. وسىنى ەسكەرسە كەرەك, ەلباسى ءبىر جيىندا وبلىستاردا كاسىپكەرلەرگە قولداۋ كورسەتۋ ورتالىقتارىن اشۋ كەرەك دەپ تاپسىردى. بۇل ورتالىق كاسىپكەرلەرگە بارلىق جاعىنان كومەك بەرەتىن بولادى. ەڭ باستىسى, كاسىپكەر ءار جاققا ساندالماي شارۋاسىن ءبىر عيماراتتىڭ ىشىندە ءبىتىرىپ شىعادى.
مىنە, وسىنداي يگى ءىس سىر وڭىرىندە دە قولعا الىندى. قىزىلوردا قالاسىندا كاسىپكەرلەرگە قىزمەت كورسەتۋ ورتالىعى اشىلدى. سالتاناتتى راسىمگە وبلىس اكىمى قىرىمبەك كوشەرباەۆ قاتىستى.
بۇل – رەسپۋبليكاداعى وسىنداي بەسىنشى ورتالىق. ماقساتى – ءوز الدىنا كاسىبى بار نەمەسە جاڭادان بيزنەس باستاپ, سونى دوڭگەلەتۋگە ىنتالى ازاماتتاردى «ءبىر تەرەزە» فورماتىندا تەگىن وقىتىپ, قاجەتتى كەڭەستەر بەرۋ. ياعني ولاردى بارلىق جاعىنان قولداۋ ارقىلى قازاقستاندىق بيزنەستىڭ باسەكەگە قابىلەتتىلىگىن ارتتىرۋ. جاڭا دا جايلى عيماراتتا كاسىپكەرلەرگە ءارتۇرلى باعىتتا كونسالتينگتىك جانە اقپاراتتىق قىزمەت تۇرلەرى ۇسىنىلادى. سونداي-اق, سوڭعى ۇلگىدەگى مەنەدجمەنت تەحنولوگياسى, بۋحگالتەرلىك ەسەپتى جۇرگىزۋ, قارجى مەن سالىق ەسەپتىلىگى, كەدەن پروتسەدۋرالارى تۋرالى دا مالىمەت الا الادى. مۇنىڭ ءبارى ەلىمىزدەگى شاعىن جانە ورتا كاسىپكەرلىكتى دامىتۋعا باعىتتالعان. ورتالىقتا كوۆوركينگ-وفيس تە بار. بۇل كاسىپكەرلەردىڭ اشىق كەڭىستىكتە جۇمىس جاساپ, تاۋەلسىز ءارى ەركىن بولۋىنا جاعداي جاسالعان دەگەن ءسوز. تۇسىنىكتى تىلمەن ايتساق, كاسىپكەر قاراجات شىعىنداپ وفيس جالدامايدى. وعان كەتەتىن شىعىندى باسقا ماقساتتارىنا پايدالانادى. ال اياعىنان تۇرىپ العانعا دەيىن جاڭاعى كوۆوركينگ-وفيسكە كەلىپ, ينتەرنەت پەن كومپيۋتەردى قالاۋىنشا پايدالانادى. سونىمەن قاتار, وسى ورتالىقتا وزىمەن نيەتتەس ادامداردى تاۋىپ, بيزنەسىن بىرگە جالعاستىرۋعا دا مۇمكىندىك الادى. ءبىر سوزبەن ايتقاندا, جاڭادان كاسىپ اشىپ جاتقاندارعا وتە قولايلى جۇيە بولماق. كاسىپكەرلەرگە قىزمەت كورسەتۋ ورتالىعىنىڭ اشىلۋ سالتاناتىندا قىرىمبەك ەلەۋ ۇلى:
– قازىرگى كۇنى قازاقستان كولەمىندە «ءبىر تەرەزە» ءپرينتسيپى اياسىندا اۋقىمدى شارالار اتقارىلۋدا. بۇل ورتالىق تا وسىنداي ماقساتپەن اشىلىپ وتىر. ورتالىق وبلىس كاسىپكەرلەرىنىڭ ورتاق الاڭىنا اينالادى دەگەن سەنىمدەمىن. بۇل جەردە, سونداي-اق وبلىستىق كاسىپكەرلىك جانە ونەركاسىپ باسقارماسى, «دامۋ» قورىنىڭ وبلىستىق فيليالى ورنالاساتىن بولادى, – دەدى.
سالتاناتتى شاراعا «دامۋ» قورىنىڭ باسقارما ءتورايىمى ءلاززات يبراگيموۆا قاتىستى. ونىڭ ايتۋىنشا, جاڭادان اشىلىپ وتىرعان ورتالىق كولەمى جاعىنان رەسپۋبليكاداعى ەڭ ۇلكەنى ەكەن. «ورتالىق ايماق كاسىپكەرلەرىنە قولايلى جاعداي جاساۋعا ارنالعان ورىن بولۋى ءتيىس», دەدى ول.
سونىمەن, كاسىپكەرلەرگە جان-جاقتى قولداۋ كورسەتەتىن ورتالىق جۇمىسىن باستادى. ايتپاقشى, وسى جەردە حالىققا قىزمەت كورسەتۋ ورتالىعىنىڭ ءبولىمشەسىنە دەيىن بار. وسىنىڭ وزىنەن-اق قولداۋدىڭ قانشالىقتى دەڭگەيدە ەكەنىن بىلە بەرۋگە بولادى.
ەرجان بايتىلەس,
«ەگەمەن قازاقستان».
قىزىلوردا.
