سيىردى روبوت ساۋادى
جۇما, 7 ماۋسىم 2013 2:05
وزىق تەحنولوگيا كەندى التايدا قولدانىسقا ەنگىزىلدى
«شىعىس-ءسۇت» جاۋاپكەرشىلىگى شەكتەۋلى سەرىكتەستىگىنە وبلىستاعى 8 ءسۇت زاۋىتتارى, بىرنەشە شارۋا قوجالىقتارى قارايدى. بۇل كۇندەرى ىرگەلى ۇجىمدا ءبىر جارىم مىڭ ادام ەڭبەك ەتەدى. ەلىمىزدەگى يندۋستريالىق-يننوۆاتسيالىق دامۋ باعدارلاماسىنا ەنگەن سەرىكتەستىك وتكەن جىلى قۋاتتى ءسۇت كەشەنىن پايدالانۋعا بەرگەن. ونىڭ اشىلۋىنا ەلباسى ن.نازارباەۆ قاتىسىپ, شارۋا قوجالىقتارى يەلەرىنە ءسۇت, ەت ءوندىرۋ, باسقا سالالاردا دا ىزدەنىس پەن ىلكىمدىلىك تانىتۋ جايلى ايتقان. «شىعىس-ءسۇت» جاۋاپكەرشىلىگى شەكتەۋلى سەرىكتەستىگىنىڭ ديرەكتورى, قالالىق ءماسليحاتتىڭ دەپۋتاتى, ۇزاق جىلدار اۋىل شارۋاشىلىعىندا ەڭبەك ەتىپ, تاماشا جەتىستىكتەرگە جەتىپ كەلە جاتقان سەيىلجان سايلاۋباەۆ يندۋستريالاندىرۋ كارتاسىنا ەنگەن جوبالار جايلى ايتىپ, قوجالىق يەلەرىنە بارلىق جاعدايدىڭ جاسالىپ جاتقانىنا ريزاشىلىعىن بىلدىرگەن ەدى.
جۇما, 7 ماۋسىم 2013 2:05
وزىق تەحنولوگيا كەندى التايدا قولدانىسقا ەنگىزىلدى
«شىعىس-ءسۇت» جاۋاپكەرشىلىگى شەكتەۋلى سەرىكتەستىگىنە وبلىستاعى 8 ءسۇت زاۋىتتارى, بىرنەشە شارۋا قوجالىقتارى قارايدى. بۇل كۇندەرى ىرگەلى ۇجىمدا ءبىر جارىم مىڭ ادام ەڭبەك ەتەدى. ەلىمىزدەگى يندۋستريالىق-يننوۆاتسيالىق دامۋ باعدارلاماسىنا ەنگەن سەرىكتەستىك وتكەن جىلى قۋاتتى ءسۇت كەشەنىن پايدالانۋعا بەرگەن. ونىڭ اشىلۋىنا ەلباسى ن.نازارباەۆ قاتىسىپ, شارۋا قوجالىقتارى يەلەرىنە ءسۇت, ەت ءوندىرۋ, باسقا سالالاردا دا ىزدەنىس پەن ىلكىمدىلىك تانىتۋ جايلى ايتقان. «شىعىس-ءسۇت» جاۋاپكەرشىلىگى شەكتەۋلى سەرىكتەستىگىنىڭ ديرەكتورى, قالالىق ءماسليحاتتىڭ دەپۋتاتى, ۇزاق جىلدار اۋىل شارۋاشىلىعىندا ەڭبەك ەتىپ, تاماشا جەتىستىكتەرگە جەتىپ كەلە جاتقان سەيىلجان سايلاۋباەۆ يندۋستريالاندىرۋ كارتاسىنا ەنگەن جوبالار جايلى ايتىپ, قوجالىق يەلەرىنە بارلىق جاعدايدىڭ جاسالىپ جاتقانىنا ريزاشىلىعىن بىلدىرگەن ەدى.
سەرىكتەستىكتىڭ ءسۇت زاۋىتتارى وتىزعا تارتا ونىمدەر شىعارادى. قايماق, ىرىمشىك, سىر, سارى ماي, ايران, باسقا دا تاعامدار وبلىس اۋداندارىنا, كورشى پاۆلودار, سەمەي قالالارىنىڭ ساۋدا دۇكەندەرىنە تارايدى. ساپاسى مەن باعاسى تۇتىنۋشىلاردىڭ قالتاسى كوتەرەرلىكتەي. وتكەن جىلدىڭ جەلتوقسانىندا گلۋبوكوە اۋدانىنىڭ بوبروۆكا اۋىلىندا ەل ەسىندە قالاتىنداي ەلەۋلى وقيعا بولدى. سيىرلاردى روبوتپەن ساۋ ەلدە ءبىرىنشى بولىپ جۇزەگە استى. سيىرلار كەلىسىم بويىنشا چەحيادان جەتكىزىلدى, ارقايسىسىنىڭ باعاسى 2750 ەۋرو. سيممەنتال تۇقىمداس قىزىل الا سيىر ءسۇتتى مول بەرەدى, تاۋلىگىنە 15-20 ليتر ءسۇت ساۋىپ الۋعا بولادى.
جاقىندا بوبروۆكا اۋىلىنداعى سيىرلاردى روبوتپەن ساۋاتىن كەشەندە بولعانىمىزدا, ەڭ الدىمەن تازالىق پەن ۇقىپتىلىقتى بايقادىق. جاڭادان قىزىل كىرپىشتەن ءورىپ سالىنعان كەشەندە اق جەلەڭمەن ءجۇرۋ كەرەك. 100 سيىرعا ازىق-ت ۇلىك كونۆەيەرمەن جەتكىزىلىپ تۇر. ءبىر تاڭعالعانىمىز, الىپ كەشەن ىشىندە ءارلى-بەرلى جۇرگەن ادامداردى بايقامادىق. مۇندا «بوۆروۆكا+1» سەرىكتەستىگىنىڭ ديرەكتورى تالعات قىرىقباەۆ, كەشەن جەتەكشىسى, وپەراتور, مەحانيزاتور, مال دارىگەرى عانا ەڭبەك ەتەدى.
– كەشەن 400 سيىردى ساۋعا ارنالعان, الايدا, ءبىز 100 سيىردى ساتىپ الۋعا ۇلگەردىك. ودان كەيىن شەتەلدەن سيىر ساتىپ الۋعا توسقاۋىل قويىلدى. ءوزىم 350 ميلليون تەڭگە نەسيە الدىم. سيىرلاردى روبوتپەن ساۋ راحات, روبوت ءوزى تاعام بەرىپ, تاۋلىگىنە ءۇش-ءتورت رەت كەشەندە تۇرعان جەردەن ساۋاتىن جەرگە كىرگەن سيىرلاردىڭ ەمشەگىن بىردەن تاۋىپ الادى. جەم بەرگەنى دە قىزىق, قاشان ونى تاۋىسىپ بىتكەنشە كۇتە تۇرادى دا, توقتاعان كەزدە جالعاستىرادى. ءسويتىپ, تاۋلىكتىڭ 24 ساعات بويى تىنىمسىز جۇمىس ىستەيدى.تاۋلىگىنە 1 توننا 100 كەلى ءسۇت ساۋىپ, ونى سەرىكتەستىكتىڭ ءسۇت زاۋىتتارىنا جونەلتەمىز. شۆەتسيانىڭ «DeLabaI» ماركالى روبوت قوندىرعىسى سونداي اقىلدى, قانشا ءسۇت ساۋىلعانىن,تاۋلىگىنە نەشە رەت ساۋىلاتىنىن كومپيۋتەردە كورسەتىپ تۇرادى. 6 ءسۇت ساۋاتىن قوندىرعىنى ساتىپ الۋعا 1 ميلليون 200 مىڭ ەۋرو جۇمسادىق, – دەيدى تالعات قىرىقباەۆ.
وپەراتور ماقسات يمانعازين, مەحانيزاتور باقىت كارىباەۆ, مال دارىگەرى باۋىرجان ماقسۇتحان سيىرلاردى روبوتپەن ساۋدىڭ كەلەشەگى كەمەل ەكەنىن, الداعى ۋاقىتتا قول كۇشىن جەتىلدىرۋدە ىزدەنىستە بولا بەرەتىندەرىن ايتادى. ولاردىڭ جالاقىسى جامان ەمەس, ۋاقتىلى الىپ تۇرادى. ەلىمىزدىڭ يندۋستريالاندىرۋ كارتاسىنا ەنگەن كەشەن ۇجىمى الداعى ۋاقىتتا دا الدان كورىنە بەرمەك.
وڭداسىن ەلۋباي,
«ەگەمەن قازاقستان».
شىعىس قازاقستان وبلىسى.
گلۋبوكوە اۋدانى.
________
سۋرەتتى تۇسىرگەن اۆتور.
