عالىمدار دا ۇلەس قوسپاق
جۇما, 24 مامىر 2013 2:05
وبلىس ورتالىعىندا مۇناي كوكسىن قىزدىرۋ بويىنشا سالىناتىن ءوندىرىس «پاۆلودار» ەركىن ەكونوميكالىق ايماعى اۋماعىندا ورنالاسادى. ايماقتا مۇناي كوكسى, كۇكىرت قىشقىلى, الكيدتى قاراماي جانە باسقا دا حيميا ونىمدەرىنىڭ ءوندىرىسى جوسپارلانۋدا. جالپى, مۇناي كوكسىن وندىرەتىن بۇل جاڭا جوبانى «ۋپنك-پۆ» جشس قولعا الدى. كاسىپورىن ديرەكتورى ناعاشىبەك اۋباكىروۆ جانە «پاۆلودار» اەا باسقارۋشى كومپانياسى» اق باسقارما توراعاسى مارات بايعوجيندەردىڭ ايتۋلارىنشا, زاۋىت جىلىنا 280 مىڭ توننا كوكس وندىرەدى.
جۇما, 24 مامىر 2013 2:05
وبلىس ورتالىعىندا مۇناي كوكسىن قىزدىرۋ بويىنشا سالىناتىن ءوندىرىس «پاۆلودار» ەركىن ەكونوميكالىق ايماعى اۋماعىندا ورنالاسادى. ايماقتا مۇناي كوكسى, كۇكىرت قىشقىلى, الكيدتى قاراماي جانە باسقا دا حيميا ونىمدەرىنىڭ ءوندىرىسى جوسپارلانۋدا. جالپى, مۇناي كوكسىن وندىرەتىن بۇل جاڭا جوبانى «ۋپنك-پۆ» جشس قولعا الدى. كاسىپورىن ديرەكتورى ناعاشىبەك اۋباكىروۆ جانە «پاۆلودار» اەا باسقارۋشى كومپانياسى» اق باسقارما توراعاسى مارات بايعوجيندەردىڭ ايتۋلارىنشا, زاۋىت جىلىنا 280 مىڭ توننا كوكس وندىرەدى. ول وتاندىق شيكىزاتتان اليۋميني ءوندىرۋ بارىسىندا قولدانىلاتىن ەلەكترودتار شىعارۋ ءۇشىن قاجەت. كاسىپورىن 2014 جىلدىڭ ءبىرىنشى توقسانىندا ىسكە قوسىلادى. جوبا ءۇيد مەملەكەتتىك باعدارلاماسى بويىنشا ورىندالۋدا, ەلىمىزدىڭ يندۋستريالاندىرۋ كارتاسىنا ەنگىزىلگەن. بۇگىندە اەا اۋماعىندا 43 قاتىسۋشى كومپانيا تىركەلگەن. ال, جەرگىلىكتى «كاۋستيك», «ۋپنك پۆ», «كومپوزيت» عوب, «كۇكىرت قىشقىلى زاۋىتى» كاسىپورىندارى قۇرىلىس سالۋعا قازىر دە كىرىسىپ كەتۋگە دايىن. مامانداردىڭ ايتۋىنشا, وسى ءتورت جوبانى 2014-2017 جىلدارى ورىنداۋ وڭىرگە 478 جاڭا جۇمىس ورنىن اشۋعا, 21 ملرد. تەڭگە ينۆەستيتسيا تارتۋعا مۇمكىندىك بەرەدى. ىسكە قوسۋ جوسپارلانىپ وتىرعان قالعان جوبالار ينۆەستيتسيالارىنىڭ كولەمى 218 ملرد. تەڭگەگە باعالانادى.
جالپى, «پاۆلودار» اەا-نىڭ اۋماعىندا جوعارى ەڭبەكاقى تولەمىمەن 3300 جاڭا جۇمىس ورنى قۇرىلادى. بيۋدجەتكە جىل سايىنعى ءتۇسىم 1,3 ملرد. تەڭگەگە دەيىن ارتادى, دەيدى مارات بايعوجين. سونىمەن قاتار, اەا اۋماعىندا پوليەفيرلى قاراماي جانە زالالسىزداندىرعىش قۇرالدار شىعاراتىن ءوندىرىس تە سالىنادى ال, «كومپوزيت» عىلىمي-وندىرىستىك بىرلەستىگىنىڭ كاسىپورنىندا جىل سايىن 5 مىڭ توننا پوليەفيرلى قاراماي مەن 3 مىڭ توننا كومپوزيتتى بۇيىمدار وندىرىلەدى. شەتەلدىك كومپانيالارمەن جاڭا تەحنولوگيالار مەن جابدىقتار جەتكىزۋ جونىندە كەلىسسوزدەر جۇرگىزىلۋدە. كاسىپورىن 2015 جىلدىڭ ەكىنشى توقسانىندا ىسكە قوسىلادى دەپ جوسپارلانۋدا. كەلەسى ءوندىرىس ورنى «بو-نا» جشس زالالسىزداندىرۋ قۇرالدارىن ەمدەۋ-پروفيلاكتيكالىق ۇيىمداردا, ونەركاسىپتىك, ازىق-ت ۇلىك جانە مال شارۋاشىلىعى نىساندارىندا وندىرەتىن بولادى. بۇعان دەيىن بۇل كاسىپورىن اقش دەنساۋلىق ساقتاۋ دەپارتامەنتىنىڭ قولداۋىمەن حالىقارالىق عىلىمي-تەحنيكالىق ورتالىعىمەن بىرلەسىپ زالالسىزداندىرۋ قۇرالدارىنىڭ ەكى ءتۇرىن ازىرلەدى. قاۋىپسىزدىككە جانە تيىمدىلىككە زەرتتەۋلەر جۇرگىزىلدى, يننوۆاتسيالىق جانە اۆتورلىق پاتەنتتەر, تاۋارلىق بەلگى الىندى. قوندىرعىنىڭ جوبالىق قۋاتى – جىلىنا 520 توننا, ول قازاقستاندىق كاسىپورىندار ساتىپ الاتىن دەنساۋلىققا قاۋىپتى, قۇرامىندا حلورى بار زالالسىزداندىرۋ قۇرالدارىن الماستىرۋعا مۇمكىندىك بەرەدى.
ال, وبلىس ورتالىعىنداعى سۇلتانماحمۇت تورايعىروۆ اتىنداعى مەملەكەتتىك ۋنيۆەرسيتەتتىڭ عىلىمي-تەحنيكالىق كەڭەسى «پاۆلودار» ارنايى ەكونوميكالىق ايماعىنىڭ يننوۆاتسيالىق جوبالارىن عىلىمي تۇردە قولدايتىن بولادى. پروفەسسورلار الەكساندر كيسلوۆ پەن تولەۋعازى توقتاعانوۆ, دوتسەنت ريمما نەسمەيانوۆانىڭ عىلىمي باعىتتار بويىنشا جازعان جوبالارى مەن زەرتتەۋلەرى قارالدى. عالىمدار تاۋارلاردىڭ وندىرىسىنە شەتەلدىك ينۆەستيتسيالار مەن قولدانبالى تەحنولوگيالاردى تارتۋ ماسەلەلەرىن تالقىلادى.
فاريدا بىقاي,
«ەگەمەن قازاقستان».
پاۆلودار وبلىسى.
