وزىق ويعا – ءورىس كەڭ
سەيسەنبى, 21 مامىر 2013 1:05
قازىر يننوۆاتسيانى دامىتۋعا باسا ماڭىز بەرىلىپ وتىر. يندۋستريالىق قۋاتتاردى ارتتىرۋعا, ءوندىرىستى جاڭعىرتۋعا كەڭ جول اشاتىن بۇل مىندەتتى ىسكە اسىرۋدا قاراعاندى ايماعىنىڭ زياتكەرلىك الەۋەتى جوعارى سانالادى. سوندىقتان كۇشىن بىرىكتىرىپ, ورتاق ماقساتقا جۇمىلدىرۋ ءۇشىن ءوڭىردىڭ يننوۆاتسيالىق كلاستەرىن قالىپتاستىرۋ جونىندەگى عىلىمي-تەحنيكالىق كەڭەس قۇرىلدى. ونىڭ العاشقى ماجىلىسىندە وبلىس اكىمى باۋىرجان ابدىشەۆ پارمەندى يننوۆاتسيالىق جۇيە قۇرىلۋى قاجەتتىگىن اتاپ, جاڭا جوبالاردى جاساۋعا عىلىمي-زەرتتەۋ ينستيتۋتتارى عالىمدارىنىڭ, سالالىق كاسىپورىندار ماماندارىنىڭ, كاسىپكەرلەر قاۋىمداستىعى وكىلدەرىنىڭ ۇتقىر ۇسىنىستارىن بارىنشا پايدالانۋعا ەرەكشە ءمان بەرىلەتىندىگىنە توقتالدى.
سەيسەنبى, 21 مامىر 2013 1:05
قازىر يننوۆاتسيانى دامىتۋعا باسا ماڭىز بەرىلىپ وتىر. يندۋستريالىق قۋاتتاردى ارتتىرۋعا, ءوندىرىستى جاڭعىرتۋعا كەڭ جول اشاتىن بۇل مىندەتتى ىسكە اسىرۋدا قاراعاندى ايماعىنىڭ زياتكەرلىك الەۋەتى جوعارى سانالادى. سوندىقتان كۇشىن بىرىكتىرىپ, ورتاق ماقساتقا جۇمىلدىرۋ ءۇشىن ءوڭىردىڭ يننوۆاتسيالىق كلاستەرىن قالىپتاستىرۋ جونىندەگى عىلىمي-تەحنيكالىق كەڭەس قۇرىلدى. ونىڭ العاشقى ماجىلىسىندە وبلىس اكىمى باۋىرجان ابدىشەۆ پارمەندى يننوۆاتسيالىق جۇيە قۇرىلۋى قاجەتتىگىن اتاپ, جاڭا جوبالاردى جاساۋعا عىلىمي-زەرتتەۋ ينستيتۋتتارى عالىمدارىنىڭ, سالالىق كاسىپورىندار ماماندارىنىڭ, كاسىپكەرلەر قاۋىمداستىعى وكىلدەرىنىڭ ۇتقىر ۇسىنىستارىن بارىنشا پايدالانۋعا ەرەكشە ءمان بەرىلەتىندىگىنە توقتالدى.
اتالعان كەڭەستىڭ قىزمەتى مەن وبلىستىڭ ەكونوميكاسىنىڭ بازالىق سالالارىنداعى يننوۆاتسيالىق كلاستەردى دامىتۋ ماسەلەلەرى جونىندە «سارىارقا» تەحنوپاركى» جشس ديرەكتورى الەكسەي تسوي جاساعان باياندامادا قويىلىپ وتىرعان نەگىزگى تالاپتار ورتاعا سالىندى. قاتىسۋشىلارعا ساۋلەتتىك بيۋرو ديرەكتورى سەمەن بولوتنيك ەكسپو-2017 حالىقارالىق كورمەسىنە قاراعاندىلىق ينجەنەرلەر ۇسىنعان ءۇش جوبا, سولاردىڭ ءبىرى استانا مەن الماتى ارالىعىندا جىلدام قاتىنايتىن «بۇركىت» جولاۋشىلار پويىزى تەمىر جول قۇرىلىسى تانىستىرىلدى. بۇل باعىتتا «بۇركىتتىڭ» جىلدامدىعى ساعاتىنا 400 شاقىرىمنان اسپاق. سونداي-اق, وسى تەمىر جول وزىنە قاجەتتى ەنەرگيانى كۇن جانە جەل گەنەراتورلارى ارقىلى الاتىندىقتان, ەكولوگيالىق تازا جوبا بولىپ تابىلادى. كەڭەس مۇشەلەرى جوبانى جان-جاقتى تالداپ, قولداۋ تانىتتى. ال ەلەكتر ەنەرگياسىنىڭ بالاما كوزدەرىن ىزدەستىرۋگە قاتىستى «تۇرعىن ۇيلەر مەن ونەركاسىپتىك عيماراتتاردىڭ ساڭىلاۋلى ىرگەتاسى» مەن «ەكولوگيالىق تازا گيدروديناميكالىق جىلىتقىشتاردى سەريالىق ءوندىرۋ ءۇشىن تەحنيكالىق قۇجاتتامانى دايىنداۋ» جوبالارى دا پايدالى دەپ تابىلدى.
وسىنداي يننوۆاتسيالىق جوبالاردى دامىتۋ قورىن قۇرۋ ءۇشىن وبلىستىق بيۋدجەتتەن قارجى بولىنەتىن بولدى.
ايقىن نەسىپباي,
«ەگەمەن قازاقستان».
