كۇرىش كلاستەرىن دامىتۋ قولعا الىندى
سەنبى, 18 مامىر 2013 2:30
قىزىلوردا وبلىسىندا «كۇرىش كلاستەرىن دامىتۋ» جوباسى قولعا الىندى. ول ءۇشىن ارنايى كونسورتسيۋم دا قۇرىلماق. دەگەنمەن, كۇرىش كلاستەرىن دامىتۋدىڭ العاشقى جۇمىستارى باستالىپ تا كەتتى. «بايقوڭىر» الەۋمەتتىك كاسىپكەرلىك كورپوراتسياسى جالاعاش اۋدانىنداعى «جالاعاش ەلەۆاتورى» جشس-نە قاراستى ءوندىرىستىك نىساندى ساتىپ الدى.
سەنبى, 18 مامىر 2013 2:30
قىزىلوردا وبلىسىندا «كۇرىش كلاستەرىن دامىتۋ» جوباسى قولعا الىندى. ول ءۇشىن ارنايى كونسورتسيۋم دا قۇرىلماق. دەگەنمەن, كۇرىش كلاستەرىن دامىتۋدىڭ العاشقى جۇمىستارى باستالىپ تا كەتتى. «بايقوڭىر» الەۋمەتتىك كاسىپكەرلىك كورپوراتسياسى جالاعاش اۋدانىنداعى «جالاعاش ەلەۆاتورى» جشس-نە قاراستى ءوندىرىستىك نىساندى ساتىپ الدى.
بۇل ءوندىرىستىڭ قۋاتى 80 مىڭ توننا كۇرىش اقتاۋعا جەتەدى. توعىز قويمانىڭ ارقايسىسىندا 1700 توننا كۇرىشتى ساقتاۋعا مۇمكىندىك بار. جەكە كاسىپكەرلەر اراسىندا قولدان-قولعا ساتىلىپ كەلگەن ەلەۆاتور ۇزاق جىلدار بويى تولىق قۋاتىندا جۇمىس ىستەمەي كەلگەن ەكەن. الىپ كەشەن سوڭعى جىلدارى 7 مىڭ تونناعا جەتەر- جەتپەس كۇرىش اقتاعانى سونىڭ ايعاعى بولسا كەرەك. وسىنى نەگىزگە العان «بايقوڭىر» الەۋمەتتىك كاسىپكەرلىك كورپوراتسياسى جەكە كاسىپكەردەن ساتىپ الىپ, ونىڭ باسقارۋ قۇزىرەتىن «اگروحولدينگ «بايقوڭىر» سەرىكتەستىگىنە بەردى.
اتالعان سەرىكتەستىكتىڭ اتقارۋشى ديرەكتورى الماس سەرەكەەۆ شارۋا قوجالىق جەتەكشىلەرى كۇرىشتى ارزان باعاعا وزگە دەلدالدارعا وتكىزە سالماي, وسى جەردەن ءونىمىن ساپالى وڭدەپ, ءتيىمدى باعاعا ساتۋىنا جول اشىلادى, دەيدى.
ەلەۆاتور باسىندا شارۋا قوجالىعى جەتەكشىلەرىمەن كەزدەسكەن وبلىس اكىمى قىرىمبەك كوشەرباەۆ وسى ەلەۆاتور نەگىزىندە كۇرىش كلاستەرىنىڭ قالىپتاستىرىلاتىنىن جەتكىزدى. جۋىق ارادا شارۋا قوجالىقتارى اراسىنداعى جۇمىس جۇيەلەنىپ, بارلىق تاراپتارعا ءتيىمدى ۇسىنىستار جاسالادى.
ال بولاشاقتا ەلەۆاتوردا كۇرىشتى اقتاپ قانا قويماي, ودان كراحمال ءوندىرۋ ءىسى دە قولعا الىنباق. سونىمەن بىرگە, بۇل وندىرىستە بيداي تارتىپ, نان ونىمدەرىن شىعارۋ دا جوسپارلانىپ وتىر.
ەرجان بايتىلەس,
«ەگەمەن قازاقستان».
قىزىلوردا وبلىسى.
