رۋحانيات • 24 شىلدە، 2019

ات ابزەلدەرىنىڭ شەبەرى

198 رەت كورسەتىلدى

تۇركىستان وڭىرىندە ەر-تۇرماندى جاساۋداعى شەبەرلىگىمەن تا­نىل­عان، عاسىرلار بويى قالىپ­تاسقان قول­ونەردىڭ عا­جايىپ تەحنولوگياسىن دامىتىپ كەلە جاتقان ازاماتتار از ەمەس. سۇ­راستىرا قالساڭىز، تۇل­پار باپتاپ، كوكپارعا قى­زى­عاتىندار ماقتان ەتە ايتاتىن، ياعني ەلگە تا­نى­مال شەبەرلەر بار­شىلىق.

مىسالى، اعا بۋىن اراسىن­دا تۇركىستان قالاسىنىڭ تۇر­عى­نى تاسبولات ءسۇيىن­باەۆ­تى اتايتىندار كوپ. ونىڭ قو­لىنان شىققان ات ابزەلدەرى ەڭ مارتەبەلى دەگەن قوناقتارعا ۇسىنىلاتىنىن، 1992 جىلى ورداباسىدا باس قوسقان قا­زاق­ستان، قىرعىزستان جانە وزبەكستان پرەزيدەنتتەرى ءمىن­گەن اقبوز اتتارداعى ەر-تۇر­ماندار تاسبولاتتىڭ قولىمەن جاسالعانىن ەسكە سالاتىندار دا بار. تولەبي اۋدانىنىڭ تۇرعىنى قۇربانالى ارىس­تانبەكتىڭ ەر-تۇرمانىن ماق­تايتىندار دا جەتەرلىك. ال ماقتاارال، جەتىساي جانە شار­­دارا اۋداندارىنىڭ كوك­پار­­شىلارى مەن شاباندوزدارىنا اتاكەنتتە تۇراتىن شەبەر باقىت اراپقۇلوۆتىڭ ەسىمى جاق­سى تانىس. وعان ەلىمىزدىڭ وزگە وڭىرلەرىنەن كەلىپ تاپسىرىس بەرۋشىلەر از ەمەس ەكەن. شەبەر ات ابزەلدەرىن ۇيىندە جا­سايدى. اتالعان ونەردى 25 جىلدان بەرى كاسىپ ەتىپ كەلەدى. «رە­سپۋبليكالىق «كوكپار» فە­دەراتسياسىنىڭ پرەزيدەنتى، داڭقتى بوكسشى مۇحتارحان ءدىل­دابەكوۆ ومىرگە كەلگەن ءوڭىر­­دە عانا ەمەس، ەلىمىزدە ات سپور­تى، قازاقتىڭ كوكپار ونە­رى دامىپ كەلەدى. بايگەگە قوسا­تىن تۇلپارلاردىڭ ات ابزەل­دەرىنىڭ كوز تويدىرار كور­كەمدىگى دە كوپ جايتتى ءبىل­دىرەدى. ياعني ات يەلەرىنىڭ تۇلپارىنا دەگەن قامقورلىعى مەن ىقىلاسىن كورسەتەدى. سوندىقتان ءار اتتىڭ توقىمى، جەلدىگى، تەرلىگى، تارتپاسى، تۇياق­تىعىنا دەيىن وزىنە جاراسىمدى ديزاينىمەن قونىمدى، شاپ-شاق ەتىپ جاسالادى»،  دەي­دى شەبەر. 

العاشىندا ارقان ورۋدەن باستاپ، كەيىننەن نوقتا، بىلعارىدان بەلدىك، وزگە دە زاتتاردى جاساي باس­تاعان شەبەر ءمىنىپ جۇرگەن جە­ڭىل كولىگىن ساتىپ زاماناۋي تىگىن ماشيناسىن ساتىپ العان. سودان بەرى جاڭاشا ديزاينداردى قولدانىپ، تىنىمسىز ىزدەنىس ۇستىندە جۇرەتىن شەبەردىڭ ايتۋىنشا، ورمەدەن جاسالعان تارالعى، جۇگەن، نوقتاعا سۇ­رانىس كوپ. تازا بىلعارىنى ار­نايى تاپسىرىسپەن رەسەيدەن الادى ەكەن. «ءبىر اتقا شامامەن 300-400 مىڭ تەڭگەگە، ءتىپتى بارلىق جاب­دىعى تۇگەل بولسىن دەسە 500-600 مىڭ تەڭگەگە دەيىن جابدىق كەرەك»، دەيدى باقىت اراپ­قۇلوۆ. شەبەر الداعى ۋاقىتتا كاسىبىن كەڭەيتىپ، قولىنان ءىس كەلەتىن 5-6 ادامدى تۇراقتى جۇمىسپەن قامتۋدى جوسپارلاپ وتىر.

 

تۇركىستان وبلىسى


سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار