وتاندىق ونىمگە باسىمدىق
جۇما, 17 مامىر 2013 1:42
قازىر دۇكەندەرگە بارعان تۇتىنۋشىلار وتاندىق, جەرگىلىكتى ونىمدەردى ساتىپ الا باستادى. ءوزىمىز دە سولاي. كۇندەلىكتى دۇكەنگە بارعاندا الاتىنىمىز جەرگىلىكتى ونىمدەر. ەت, نان, ءسۇت, توقاش, كوكونىس, تاتتىلەر تۇگەل ءوز وبلىسىمىزدان شىعادى. بۇل ەلىمىزدە وتاندىق ونىمدەردىڭ باسەكەلەستىگى ىشكى رىنوكقا ەندى دەگەن ءسوز. قازىر وبلىستا رىنوكتاعى باسەكەلەستىكتى دامىتۋ جونىندە وڭىرلىك ۇيلەستىرۋ كەڭەستەرى قۇرىلدى. وبلىس بويىنشا مونوپولياعا قارسى ينسپەكتسيانىڭ باسشىسى تيمۋر ءامىرحانوۆتىڭ ايتۋىنشا, جالپى جۇرگىزىلگەن زەرتتەۋلەر ەلىمىز كولەمىندە باسەكەلەستىكتى دامىتۋعا باعىتتالعان ءىس-شارالاردىڭ جەتكىلىكسىز ەكەندىگىن كورسەتەدى.
جۇما, 17 مامىر 2013 1:42
قازىر دۇكەندەرگە بارعان تۇتىنۋشىلار وتاندىق, جەرگىلىكتى ونىمدەردى ساتىپ الا باستادى. ءوزىمىز دە سولاي. كۇندەلىكتى دۇكەنگە بارعاندا الاتىنىمىز جەرگىلىكتى ونىمدەر. ەت, نان, ءسۇت, توقاش, كوكونىس, تاتتىلەر تۇگەل ءوز وبلىسىمىزدان شىعادى. بۇل ەلىمىزدە وتاندىق ونىمدەردىڭ باسەكەلەستىگى ىشكى رىنوكقا ەندى دەگەن ءسوز. قازىر وبلىستا رىنوكتاعى باسەكەلەستىكتى دامىتۋ جونىندە وڭىرلىك ۇيلەستىرۋ كەڭەستەرى قۇرىلدى. وبلىس بويىنشا مونوپولياعا قارسى ينسپەكتسيانىڭ باسشىسى تيمۋر ءامىرحانوۆتىڭ ايتۋىنشا, جالپى جۇرگىزىلگەن زەرتتەۋلەر ەلىمىز كولەمىندە باسەكەلەستىكتى دامىتۋعا باعىتتالعان ءىس-شارالاردىڭ جەتكىلىكسىز ەكەندىگىن كورسەتەدى. سوندىقتان دا, باسەكەلەستىكتى قورعاۋ اگەنتتىگى وڭىرلەردە باسەكەلەستىكتى دامىتۋ بويىنشا ۇيلەستىرۋ كەڭەسىن قۇرۋدى ۇسىندى. ال, وبلىستىق كاسىپكەرلىك جانە ونەركاسىپ باسقارماسى باسشىسىنىڭ مىندەتىن اتقارۋشى مىرزاجان ۇسەنوۆتىڭ ايتۋىنشا, سوڭعى كەزدەرى جەرگىلىكتى تۇتىنۋشىلاردى جەرگىلىكتى وندىرىسشىلەر شىعاراتىن ونىمدەرمەن قامتاماسىز ەتۋ جولعا قويىلىپتى. ازىق-ت ۇلىك تاۋارلارى باعاسى ءوسۋىنىڭ الدىن الۋ, ءوزىمىزدىڭ تاۋار وندىرۋشىلەردىڭ ونىمدەرىن رىنوكقا قوسىمشا دەلدالدارسىز جەتكىزۋ شارالارى جاسالۋدا. بۇل شارالاردىڭ ناتيجەسى دە جامان ەمەس, دەيدى ول. مىسالى, بىلتىر وڭىرىمىزگە كەدەن وداعى ەلدەرىنەن اكەلىنەتىن ازىق-ت ۇلىك ونىمدەرىنىڭ كولەمى 2 ەسەگە ازايعان. سالا ماماندارى كاسىپكەرلەرگە بەرىلەتىن رۇقساتناما قۇجاتتارىنىڭ سانىن قىسقارتۋ قاجەتتىگىن ايتادى. ءتىپتى, 169 قۇجاتتىڭ 76-سىن الىپ تاستاۋعا بولادى ەكەن. ياعني باسەكەلەستىكتى دامىتۋعا اكىمشىلىك, ەكونوميكالىق جانە باسقا دا كەدەرگىلەردىڭ ءالى دە بار ەكەنى وسىدان-اق بايقالادى. مىسالى, جانار-جاعارماي رىنوگىندا كاسىپورىن مەن ساتىپ الۋشى اراسىندا باسەكەلەستىككە قارسى جاسىرىن كەلىسىمشارت جاسالعانى دا انىقتالعان كورىنەدى. كەمشىلىكتەر, ءتۇرلى كەدەرگىلەر فارماتسەۆتيكالىق, جولاۋشىلاردى تاسىمالداۋ سالالارىندا دا كەزدەسەدى. باعا ساياساتىنا دەلدالدار كەرى اسەر ەتەتىنى ءسوزسىز. كادىمگى كەنىشتەن شىققان كومىردىڭ قۇنى اۋىلداعى شەشەمىز وتقا جاققانشا دەيىن جەتكەنشە ءۇش-ءتورت ەسەگە ءوسىپ كەتەتىنى بەلگىلى. سوندىقتان, «پاۆلودار» اكك» اق-پەن بىرلەسىپ, كومىر الەۋمەتتىك مەكەمەلەرگە دەلدالسىز جەتكىزىلسە, بيۋدجەتتىڭ قىرۋار قارجىسى ۇنەمدەلەدى.
كەلەسى ماسەلە – ءوز جەرىمىزدە شىعارىلاتىن ونىمدەرىڭ ساپاسى. وبلىستا حالىقارالىق ستاندارتتارعا يە بولعان كاسىپورىندار ساناۋلى عانا. كاسىپكەرلىك جانە ونەركاسىپ باسقارماسىنىڭ مالىمەتتەرىنشە, الداعى ۋاقىتتا ءوندىرىس ورىندارىنىڭ حالىقارالىق ساپا, قىزمەت كورسەتۋ جانە ەكولوگيا بويىنشا سەرتيفيكاتتار الۋلارى قاجەت. حالىقارالىق قاۋىمداستىقتارعا ەنەتىن جەرگىلىكتى كاسىپورىندار قاتارى از. وبلىس ورتالىعىندا ءۇش وندىرىستىك الاڭ اشىلادى. جاڭادان سالىناتىن تۇرعىن ءۇي كەشەندەرىنىڭ ءبىرىنشى قاباتتارى شاعىن جانە ورتا بيزنەس نىساندارىنا بەرىلەدى. ءتىپتى, 25 اۋىلدا سەرۆيستىك قىزمەت كورسەتۋ ورتالىقتارى اشىلادى دەپ جوسپارلانۋدا. وبلىس باسشىسى ەرلان ارىن رىنوكتى ساپاسىز, شەكارادان زاڭسىز ەنگەن ونىمدەردەن تازارتۋ قاجەتتىگىن باقىلاۋعا الۋعا تاپسىرما بەردى. ويتكەنى, بۇل كۇندەرى وڭىردە يننوۆاتسيالىق تەحنولوگيالارمەن جۇمىس جاسايتىن كاسىپورىندار سانى وتىزعا دا جەتپەيدى ەكەن. سول سەبەپتى, وبلىس اكىمىنىڭ ايتۋىنشا, مەملەكەتتىك ورگان وكىلدەرىنىڭ, كاسىپكەرلەردىڭ سالاداعى ەڭ وزىق تەحنولوگيالارمەن جاقىن تانىسۋى ءۇشىن ولاردىڭ حالىقارالىق كورمە, فورۋمدارعا ءجيى قاتىسۋىن قامتاماسىز ەتۋ كەرەك. ياعني رىنوكتاعى جەرگىلىكتى ونىمدەردىڭ باسەكەلەستىگىن دامىتۋ ءۇشىن الداعى ۋاقىتتا حالىقارالىق ستاندارتقا ساي كەلەتىن ونىمدەردىڭ ءتىزىمىن ءتۇزۋ قاجەت. وڭىردە باسەكەلەستىك ورتانى قالىپتاستىرۋ, ۇلتتىق ەكونوميكانى دامىتۋ, باعا ساياساتىن رەتتەۋ بارىسىندا جاڭادان قۇرىلعان كەڭەس باسەكەلەستىكتى دامىتۋعا سەرپىلىس اكەلەدى دەپ سەنەيىك.
فاريدا بىقاي,
«ەگەمەن قازاقستان».
پاۆلودار وبلىسى.
