قازان اۋزى جوعارى
بەيسەنبى, 9 مامىر 2013 1:35
«اگرارلىق نەسيە كورپوراتسياسى» اق كوكتەمگى ەگىن ەگۋ جانە جيىن-تەرىن جۇمىستارىن جۇرگىزۋگە قاجەت 40 ملرد. تەڭگە مولشەرىندەگى رەسپۋبليكالىق بيۋدجەت قارجىسىن تولىقتاي يگەردى
بيىلعى جىلى كورپوراتسياعا اگروونەركاسىپ كەشەنى سۋبەكتىلەرىن قولداۋ بويىنشا شارالاردى اتقارۋعا, سونداي-اق رەسپۋبليكالىق بيۋدجەتتەن كوكتەمگى ەگىن ەگۋ جانە جيىن-تەرىن جۇمىستارىن جۇرگىزۋگە 40 ملرد. تەڭگە بولىنگەن بولاتىن.
بەيسەنبى, 9 مامىر 2013 1:35
«اگرارلىق نەسيە كورپوراتسياسى» اق كوكتەمگى ەگىن ەگۋ جانە جيىن-تەرىن جۇمىستارىن جۇرگىزۋگە قاجەت 40 ملرد. تەڭگە مولشەرىندەگى رەسپۋبليكالىق بيۋدجەت قارجىسىن تولىقتاي يگەردى
بيىلعى جىلى كورپوراتسياعا اگروونەركاسىپ كەشەنى سۋبەكتىلەرىن قولداۋ بويىنشا شارالاردى اتقارۋعا, سونداي-اق رەسپۋبليكالىق بيۋدجەتتەن كوكتەمگى ەگىن ەگۋ جانە جيىن-تەرىن جۇمىستارىن جۇرگىزۋگە 40 ملرد. تەڭگە بولىنگەن بولاتىن.
قازىرگى تاڭدا بيۋدجەت قارجىسى ءجۇز پايىز يگەرىلدى. قوماقتى اقشانىڭ ەسەبىنەن اقمولا, الماتى, پاۆلودار, قاراعاندى, قوستاناي, شىعىس قازاقستان جانە سولتۇستىك قازاقستان وبلىستارىنىڭ اۋىل شارۋاشىلىعى تاۋارلارىن ءوندىرۋشىلەرى ەندى 2 ملن. 200 مىڭ گەكتاردان استام ەگىس اۋماقتارىنا ءدان سەۋىپ, وسىرىلگەن ءونىمدى ۋاقىتىلى جيناي الادى. بۇدان بولەك, اۋىل شارۋاشىلىعى تاۋارلارىن ءوندىرۋشىلەر اتالعان قارجى ارقىلى جانار-جاعارماي ماتەريالدارىن, ءتۇرلى تەحنيكالاردى جوندەۋ ءۇشىن قوسالقى بولشەكتەر مەن ماتەريالداردى, مينەرالدى تىڭايتقىشتاردى, وسىمدىكتەردى قورعاۋ قۇرالدارىن ساتىپ الادى. اۋىل شارۋاشىلىعى ءونىمدەرىن ساقتاندىرۋدا ساقتاندىرۋ جارنالارىن تولەۋ جانە داقىلداردى ەگىپ, جيناۋعا جانە وزگە دە قاجەتتى شارالاردى دەر كەزىندە جۇزەگە اسىرۋعا قول جەتكىزەدى.
ال بۇگىنگى كۇندەرى «اگرارلىق نەسيە كورپوراتسياسى» اق نەسيە سەرىكتەستىكتەرى جۇيەسى ارقىلى كوكتەمگى ەگىن ەگۋ جۇمىستارىن نەسيەلەۋ اياسىندا اۋىل شارۋاشىلىعى تاۋار وندىرۋشىلەرىنەن وتىنىمدەر قابىلداۋدى ودان ءارى جالعاستىرۋدا.
بۇل باعدارلامانىڭ نەگىزىندە ءدال وسى ۋاقىتتا 2 ملرد. 933 ملن. تەڭگە سوماسىنا 409 ءوتىنىم ماقۇلدانىپ ۇلگەردى. سوعان وراي نەسيە سەرىكتەستىكتەرى جۇيەسى ارقىلى جالپى العاندا 2 ملرد. 328 ملن. تەڭگەدەن استام سوماعا 289 اۋىل شارۋاشىلىعى تاۋارىن وندىرۋشىگە نەسيە بەرىلدى. وسى قارجىعا بيىلعى دالا جۇمىستارىندا شارۋالار 475 مىڭ گەكتاردان استام ەگىس اۋماقتارىنا ءدان سەۋىپ, دىتتەگەن مەجەدەن كورىنبەك. ءيا, قازان اۋزى جوعارى دەگەن مىنە وسى.
«اگرارلىق نەسيە كورپوراتسياسى» اكتسيونەرلىك قوعامى – رەسپۋبليكا ۇكىمەتىنىڭ قاۋلىسىمەن 2011 جىلى قۇرىلعان كومپانيا. ونىڭ نەگىزگى ماقساتى – قازاقستان رەسپۋبليكاسى اگروونەركاسىپ كەشەنى سۋبەكتىلەرىن قولجەتىمدى نەسيەلەۋ جۇيەسىن دامىتۋ ارقىلى اگرارلىق سالانى يندۋستريالاندىرۋ مەن ارتاراپتاندىرۋعا اتسالىسۋ. «قازاگرو» ۇلتتىق باسقارۋشى حولدينگىنىڭ قۇرامىنا كىرەتىن كومپانيا باستى مىندەت دەپ وسىنى سانايدى.
مارات اققۇل,
«ەگەمەن قازاقستان».
