شارۋا قولى ۇزاردى
بەيسەنبى, 11 ءساۋىر 2013 1:35
«اگرارلىق نەسيە كورپوراتسياسى» اق اۋىل شارۋاشىلىعى تاۋار وندىرۋشىلەردىڭ 2 ميلليون گەكتاردان اساتىن القاپقا كوكتەمگى ەگىس جۇمىستارىن جۇرگىزۋ ءۇشىن بەرگەن وتىنىشتەرىن دەر كەزىندە ماقۇلدادى.
«كوكتەمنىڭ ءار كۇنىن جىلعا ازىق», دەپ باعالايتىن ديقاندار ءۇشىن قازىر جۇمىستىڭ ناعىز قىزعان شاعى. كۇنگەيدە كوكتەمگى ەگىن ەگۋ جۇمىستارى الدەقاشان قارقىن السا, تەرىسكەيدە تەحنيكالارىن سايلاعان دالا ەڭبەككەرلەرى مەجەلى مەرزىمگە ساقاداي ساي وتىر. بۇل رەتتە اۋىل شارۋاشىلىعى تاۋار وندىرۋشىلەرىنە بيىلعى ەگىن ەگۋ جۇمىستارىن ۋاقىتىلى جۇرگىزۋىنە «اگرارلىق نەسيە كورپوراتسياسى» اق قارجىلاي نەسيە بەرۋدى جالعاستىرۋدا.
بەيسەنبى, 11 ءساۋىر 2013 1:35
«اگرارلىق نەسيە كورپوراتسياسى» اق اۋىل شارۋاشىلىعى تاۋار وندىرۋشىلەردىڭ 2 ميلليون گەكتاردان اساتىن القاپقا كوكتەمگى ەگىس جۇمىستارىن جۇرگىزۋ ءۇشىن بەرگەن وتىنىشتەرىن دەر كەزىندە ماقۇلدادى.
«كوكتەمنىڭ ءار كۇنىن جىلعا ازىق», دەپ باعالايتىن ديقاندار ءۇشىن قازىر جۇمىستىڭ ناعىز قىزعان شاعى. كۇنگەيدە كوكتەمگى ەگىن ەگۋ جۇمىستارى الدەقاشان قارقىن السا, تەرىسكەيدە تەحنيكالارىن سايلاعان دالا ەڭبەككەرلەرى مەجەلى مەرزىمگە ساقاداي ساي وتىر. بۇل رەتتە اۋىل شارۋاشىلىعى تاۋار وندىرۋشىلەرىنە بيىلعى ەگىن ەگۋ جۇمىستارىن ۋاقىتىلى جۇرگىزۋىنە «اگرارلىق نەسيە كورپوراتسياسى» اق قارجىلاي نەسيە بەرۋدى جالعاستىرۋدا. كورپوراتسيا جاقىندا رەسپۋبليكالىق بيۋدجەت قارجىسى ەسەبىنەن اگروونەركاسىپ كەشەنى نىساندارىن قولداۋ ماقساتىندا كوكتەمگى ەگىن ەگۋ جۇمىستارىن جۇيەلى جۇرگىزۋگە نيەت بىلدىرگەن اۋىل شارۋاشىلىعى تاۋار وندىرۋشىلەرىنىڭ جالپى سوماسى 33 ملرد. 833 ملن. تەڭگەدەن استام تۇراتىن ءوتىنىشتەرىن ماقۇلدادى. بۇل قارجى بيىلعى كوكتەمدە 2 ملن. 200 مىڭ گەكتاردان اسىپ جىعىلاتىن القاپقا ەگىن ەگۋگە مۇمكىندىك بەرەدى.
سونىڭ ىشىندە كوكتەمگى ەگىس جۇمىستارىن نەسيەلەۋ ماقساتىندا كورپوراتسيا قازىرگى تاڭدا اقمولا, اقتوبە, قاراعاندى, قوستاناي جانە سولتۇستىك قازاقستان وبلىستارىنىڭ اۋىل شارۋاشىلىعى تاۋار وندىرۋشىلەرىن جالپى سوماسى 27 ملرد.-تان اسا تەڭگەگە قارجىلاندىردى.
بۇل قارجى اۋىل شارۋاشىلىعى تاۋار وندىرۋشىلەرىنىڭ كۇندەلىكتى قاجەتتى شارالاردى وتكىزۋگە مۇمكىندىك بەرەدى. اتاپ ايتقاندا, جانار-جاعارماي, اۋىل شارۋاشىلىعى تەحنيكاسىن جوندەۋگە ارنالعان ماتەريالدار مەن قوسىمشا قۇرالداردى, مينەرالدى تىڭايتقىشتار مەن وسىمدىكتەردى قورعاۋ قۇرالدارىن ساتىپ الىپ, اۋىلشارۋاشىلىق ءونىمىن ساقتاندىرۋ كەزىندە ساقتاندىرۋ جارناسىن تولەۋگە جۇمسالادى.
بيىلعى جىلى اگروونەركاسىپ سۋبەكتىلەرىن نەسيەلەۋ باعدارلاماسى بويىنشا كوكتەمگى ەگىس جانە جيىن-تەرىن جۇمىستارىن نەسيەلەۋ ءۇشىن كورپوراتسيا رەسپۋبليكالىق بيۋدجەت قارجىسى ەسەبىنەن 40 ملرد. تەڭگە ءبولۋدى جوسپارلاپ وتىر.
كوكتەمگى ەگىس جانە جيىن-تەرىن جۇمىستارىن نەسيەلەۋ شەڭبەرىندە رەسپۋبليكالىق بيۋدجەتتەن قارىزعا الىنعان قاراجات ەسەبىنەن وتكەن جىلى كورپوراتسيا ەگىس جانە جيىن-تەرىن جۇمىستارىن جۇرگىزۋ ءۇشىن 1 ملن. 500 مىڭنان ارتىق گەكتار القاپقا جالپى سوماسى 28 ملرد. تەڭگەدەن اسا قاراجات ءبولدى. ءسويتىپ, سونىڭ ناتيجەسىندە شارۋا قولى ۇزارىپ, دىتتەگەن مەجەدەن شىعۋعا قۇلشىنىپ وتىرعان جايى بار.
مارات اققۇل,
«ەگەمەن قازاقستان».
