ايماقتار • 18 شىلدە، 2019

تۇركىستان: التى ايدا 1 558 قۇقىقبۇزۋشىلىق انىقتالعان

192 رەت كورسەتىلدى

مەملەكەتتىك قىزمەت ىستەرى اگەنتتىگىنىڭ تۇركىستان وبلىسى بويىنشا دەپارتامەنتى تاراپىنان جىل باسىنان بەرگى التى ايدا 32 تەكسەرۋ جۇرگىزىلىپ، 1 558 قۇقىقبۇزۋشىلىق انىقتالعان. زاڭسىزدىقتاردى جويۋ ماقساتىندا 98 ۇسىنىس ەنگىزىلىپ، 20 قىزمەتكەرگە تارتىپتىك جازا قولدانىلىپتى. ال 9 لاۋازىمدى تۇلعاعا اكىمشىلىك تاراپىنان ءىس قوزعالعان. وندىرىلگەن ايىپپۇل كولەمى - 231 300 تەڭگە.

- ادەپ جونىندەگى كەڭەس شەشىمىمەن 27 لاۋازىمدى تۇلعانى تارتىپتىك جاۋاپكەرشىلىككە تارتۋ ۇسىنىلىپ، ونىڭ ىشىندە مەملەكەتتىك قىزمەتشىگە ساي ەمەس مىنەز-ق ۇلىق كورسەتىپ، دورەكىلىك تانىتقان 2 لاۋازىمدى تۇلعا جانە سىبايلاس جەمقورلىق فاكتىلەرىن بىلە تۇرا قۇزىرلى مەكەمەلەرگە حابارلاماعان 1 باسشى قىزمەتىنەن بوساتىلدى، - دەدى دەپارتامەنت باسشىسى عالىم تۇرسىنباەۆ وڭىرلىك كوممۋنيكاتسيالار قىزمەتىندە وتكەن بريفينگتە.

مانساپتىق جوعارىلاتۋ ىشكى كونكۋرستار ناتيجەسىندە 242 مەملەكەتتىك قىزمەتشى جوعارى لاۋازىمدارعا تاعايىندالعان. مانساپتىق ءوسۋ كورسەتكىشى 67،2 پايىز بولعان.  سونىمەن قاتار دەپارتامەنت باسشىسى «تۇركىستان – ادالدىق الاڭى» جوبالىق كەڭسەمەن 438 ءىس-شارا اتقارىلعانىن اتاپ ءوتتى. بۇل ءىس-شارالار ءبىلىم بەرۋ ۇيىمدارىنان باستاۋ العان. ناقتىراق ايتساق، جوعارى قاباتتا جانە كەڭ كابينەتتە وتىرعان 316 مەكتەپ ديرەكتورىنىڭ 308-ءى اشىقتىقتى قامتاماسىز ەتۋ ءۇشىن 1 قاباتقا اۋىسقان. بۇل ءۇردىستى جالعاستىرعان شىمكەنتتەگى 7 دەنساۋلىق ساقتاۋ ۇيىمدارىنىڭ باس دارىگەرلەرى دە ءوز كابينەتتەرىن اۋىستىردى. ولار اۋدانى كەڭ كابينەتتەرىن شاعىنىنا اۋىستىرا عيماراتتىڭ ءبىرىنشى قاباتىنا جايعاسقان. «8000-نان استام اۋىل تۇرعىنىنا «اشىق تۇركىستان» جوباسى اياسىندا قۇقىقتىق، زاڭنامالىق كومەكتەر كورسەتىلىپ، 40 اۋىلدىق اكىمدىكتەردە تۇرعىندارعا قولجەتىمدى تەگىن WI-FI، ستاتسيونارلى تەگىن تەلەفون، كومپيۋتەر جانە پرينتەرلەر قويىلدى.  بۇل جوبا اياسىندا قوعام اراسىندا  ادالدىق، پاراساتتىلىق نەگىزدەرىن قالىپتاستىرۋ ماقساتىندا وبلىسىمىزدا سوڭعى 6 اي ىشىندە جوبالىق كەڭسە باستاماسىمەن،  818 «ادالدىق دۇكەنى» اشىلدى»، - دەدى ع.تۇرسىنباەۆ.

ايتا كەتەلىك، تۇركىستان وبلىسىندا بارلىعى 606 مەملەكەتتىك ورگان جۇمىس ىستەيدى. ونىڭ 445-ءى جەرگىلىكتى اتقارۋشى جانە 161-ءى ورتالىق ورگانداردىڭ اۋماقتىق دەپارتامەنتتەرى.

 

تۇركىستان وبلىسى

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار