اۋىل جاس مامانداردى كۇتەدى
جۇما, 5 ءساۋىر 2013 2:21
2009 جىلدىڭ شىلدە ايىندا «جاس وتان» جاستار قاناتى مەن «نۇر وتان» حالىقتىق-دەموكراتيالىق پارتياسىنىڭ باستاماسىمەن «ديپلوممەن – اۋىلعا!» جوباسى باستالعان بولاتىن. بۇل جوبا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ تاپسىرماسى بويىنشا جاس مامانداردى تاڭداعان ماماندىقتارى بويىنشا قىزمەتتەرىن اۋىلدىق جەرلەردەن باستاۋلارىنا مۇمكىندىك تۋعىزۋ ماقساتىندا جۇرگىزىلىپ كەلەدى.
جۇما, 5 ءساۋىر 2013 2:21
2009 جىلدىڭ شىلدە ايىندا «جاس وتان» جاستار قاناتى مەن «نۇر وتان» حالىقتىق-دەموكراتيالىق پارتياسىنىڭ باستاماسىمەن «ديپلوممەن – اۋىلعا!» جوباسى باستالعان بولاتىن. بۇل جوبا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ تاپسىرماسى بويىنشا جاس مامانداردى تاڭداعان ماماندىقتارى بويىنشا قىزمەتتەرىن اۋىلدىق جەرلەردەن باستاۋلارىنا مۇمكىندىك تۋعىزۋ ماقساتىندا جۇرگىزىلىپ كەلەدى.
«جاس وتان» جاستار قاناتى استانا قالالىق فيليالى ەۋرازيا گۋمانيتارلىق ينستيتۋتىنىڭ كوللەدجىندە «ديپلوممەن – اۋىلعا!» اكتسياسىن ۇيىمداستىردى. بۇگىندە اتالعان باعدارلاما شەڭبەرىندە 23 876 جاس مامان اۋىلعا تارتىلدى. ولاردىڭ ىشىندە 17 808-ءى (75 %) مۇعالىم, 4 745-ءى (20 %) دەنساۋلىق ساقتاۋ, 728-ءى مادەنيەت, 211-ءى الەۋمەتتىك جانە 249-ى سپورت, 135-ءى ۆەتەريناريا سالاسىنىڭ ماماندارى. بۇگىنگى تاڭدا, وبلىس اكىمدىكتەرىنىڭ مالىمەتتەرى بويىنشا, 2012-2014 جىلدار ارالىعىندا جوبا اياسىندا اۋىلدىق ەلدى مەكەندەرگە 16 مىڭنان استام ماماندى تارتۋ جوسپارلانىپ وتىر.
بۇل جوبا ءبىراز جەتىستىكتەرگە جەتكىزگەنىمەن, ءالى دە كوپتەگەن اۋىلداردا ءارتۇرلى سالاداعى ماماندار تاپشى. سوندىقتان, «ديپلوممەن – اۋىلعا!» باعدارلاماسىن ورتا, كاسىبي جانە جوو ستۋدەنتتەرى اراسىندا ناسيحاتتاپ, اۋىلدىق جەرلەرگە مامان تارتۋ ۇلكەن مىندەتتەردىڭ ءبىرى بولىپ وتىر.
بۇل جولعى ءىس-شارادا استانا قالاسىنىڭ جاستارىنا جانە ءبىتىرۋشى تۇلەكتەرگە باعدارلامانىڭ ءمانى مەن ماڭىزىن اشىپ كورسەتىپ, اتالعان باعدارلامامەن تولىققاندى تانىستىرۋ جانە جۇمىسقا دەگەن قىزىعۋشىلىعىن وياتۋ, سونىمەن قاتار, جوبانىڭ قاتىسۋشىلارىنا مەملەكەت تاراپىنان قولداۋ مەن كومەك كورسەتىلەتىنى جايلى ءتۇسىندىرۋ ارقىلى اۋىلعا باراتىن جاستاردى كوبىرەك تارتۋ بولدى.
«ەگەمەن-اقپارات».
