قازاقستان مونەتالارى
سەيسەنبى, 2 ءساۋىر 2013 0:23
ونى قازىرگى تاڭدا ۇلتتىق بانكتىڭ ينتەرنەت-دۇكەنىنەن ساتىپ الۋعا بولادى
زاماناۋي ساندىق تەحنولوگيالار ادامدارعا ءوزارا اڭگىمەلەسۋ, ءتۇرلى فورماتتاعى فايلدارمەن الماسۋ, ولاردى كوشىرۋ عانا ەمەس, سونىمەن قاتار, ۇيدەن نەمەسە كەڭسەدەن شىقپاي-اق كەرەك نارسەلەرىن ساتىپ الۋىنا جانە اقى تولەۋىنە مۇمكىندىك بەرەدى. عالامتور ارقىلى ادام ءوز ومىرىنە كۇندەلىكتى قاجەتتىنىڭ بارلىعىن دەرلىك ساتىپ الۋىنا بولادى.
2012 جىلعى قاراشادا ۇلتتىق بانك قازاقستاننىڭ ۇلتتىق ۆاليۋتاسىنىڭ كوللەكتسيالىق مونەتالارىن كەز كەلگەن ادام قولما-قول ەمەس ەسەپ ايىرىسۋ بويىنشا ساتىپ الۋعا بولاتىن ءوزىنىڭ مەنشىكتى ينتەرنەت-دۇكەنىن اشتى.
سەيسەنبى, 2 ءساۋىر 2013 0:23
ونى قازىرگى تاڭدا ۇلتتىق بانكتىڭ ينتەرنەت-دۇكەنىنەن ساتىپ الۋعا بولادى
زاماناۋي ساندىق تەحنولوگيالار ادامدارعا ءوزارا اڭگىمەلەسۋ, ءتۇرلى فورماتتاعى فايلدارمەن الماسۋ, ولاردى كوشىرۋ عانا ەمەس, سونىمەن قاتار, ۇيدەن نەمەسە كەڭسەدەن شىقپاي-اق كەرەك نارسەلەرىن ساتىپ الۋىنا جانە اقى تولەۋىنە مۇمكىندىك بەرەدى. عالامتور ارقىلى ادام ءوز ومىرىنە كۇندەلىكتى قاجەتتىنىڭ بارلىعىن دەرلىك ساتىپ الۋىنا بولادى.
2012 جىلعى قاراشادا ۇلتتىق بانك قازاقستاننىڭ ۇلتتىق ۆاليۋتاسىنىڭ كوللەكتسيالىق مونەتالارىن كەز كەلگەن ادام قولما-قول ەمەس ەسەپ ايىرىسۋ بويىنشا ساتىپ الۋعا بولاتىن ءوزىنىڭ مەنشىكتى ينتەرنەت-دۇكەنىن اشتى. قر ۇب تمد اۋماعىنداعى ەلدەردىڭ ورتالىق بانكتەرى ىشىندە ءوزىنىڭ مەنشىكتى ينتەرنەت-دۇكەنىن اشقان جالعىز بانك ەكەنىن اتاپ وتكىمىز كەلەدى. قازاقستان رەسپۋبليكاسى ۇلتتىق بانكىنىڭ فيليالدارىندا ساتىلاتىن كوللەكتسيالىق مونەتالاردىڭ باعاسى باعالى مەتالعا جۇمسالعان شىعىننان, سوعۋ جانە ىلەسپە شىعىستار قۇنىنان تۇرادى. ۇلتتىق بانكىنىڭ ينتەرنەت-دۇكەنى ارقىلى ساتىپ الىنعان كەزدە ساتىپ الۋشى جەتكىزۋ جانە ساقتاندىرۋ بويىنشا شىعىستاردى قوسىمشا كوتەرەدى. بۇل رەتتە نەگىزىنەن الىپ-ساتارلار – رەتەيلەرلەر, ديستريبيۋتورلار قوساتىن قانداي دا ءبىر ۇستەمە اقىلار بولمايدى. رەتەيلەرلەر مەن ديستريبيۋتورلاردىڭ قىزمەتىنە ورتالىق بانكتەردىڭ كوپشىلىگى مونەتالاردى ساتۋ جاۋاپكەرشىلىگىن وزدەرىنەن الىپ تاستاي وتىرىپ جۇگىنەدى. بۇلار بانكتەر دە, سونداي-اق باعالى مەتالداردان جاسالعان بۇيىمداردى ساتۋمەن اينالىساتىن باسقا ۇيىمدار دا بولۋى مۇمكىن.
مونەتالاردى قر ۇب ينتەرنەت-دۇكەنى ارقىلى ساتىپ الۋ ءۇشىن پايدالانۋشى تاپسىرىس بەرۋدىڭ قاراپايىم ءراسىمىن ورىنداۋى جەتكىلىكتى: ۇناعان مونەتالاردى تاڭداۋى جانە ولاردىڭ سانىن, قاجەتتى دەرەكتەمەلەردى كورسەتۋى جانە اقى تولەۋى ءتيىس. تاپسىرىسقا اقى تولەۋ «قازكوممەرتسبانك» اق-نىڭ ينتەرنەت-رەسۋرسىنا «E-pay» ەلەكتروندىق تولەمدەر جۇيەسى ارقىلى جۇرگىزىلەدى, وعان پايدالانۋشى «اقى تولەنسىن» دەگەن باتىرمانى باسقاننان كەيىن اۆتوماتتى تۇردە قايتا جىبەرىلەدى. تولەم كارتوچكاسىنان اقى تولەنگەن كەزدە كوميسسيا ءۇشىن قانداي دا ءبىر سومالار ەسەپتەن شىعارىلمايدى. سوندىقتان دا ساتىپ الۋشى كارتوچكادان اقى تولەگەن كەزدە قر ۇب ينتەرنەت-دۇكەنىنە تاپسىرىس بويىنشا اۆتوماتتى تۇردە ەسەپتەلگەن سوما عانا ەسەپتەن شىعارىلاتىندىعىنا تولىق سەنىمدى بولا الادى. بانكتىك كارتالاردىڭ بارلىعى بىردەي باستاپقىدان عالامتوردا اقى تولەۋ وپتسياسىنا يە ەمەس ەكەندىگىن اتاپ ءوتۋ قاجەت. كارتا عالامتوردا قارجى وپەراتسيالارىن جۇرگىزۋدى قولدايتىن-قولدامايتىندىعىن ءبىلۋ ءۇشىن ەميتەنت بانكتىڭ وكىلىنەن كەڭەس الۋ قاجەت. ادەتتە, كارتادا وسىنداي وپتسيا بولماسا, وندا بۇل ماسەلە ەميتەنت بانكتە وسىنداي قىزمەتكە قوسۋعا ءوتىنىش رەسىمدەۋ ارقىلى نەمەسە, ءتىپتى, كارتوچكا بەرگەن بانكتىڭ كليەنتتەردى اقپاراتتىق قولداۋ ورتالىعىنا تەلەفون شالۋ ارقىلى شەشىلەدى.
تاپسىرىسقا اقى تولەنگەننەن كەيىن تاپسىرىس «قازپوچتا» اق-نىڭ «EMS» كۋرەرلىك جەتكىزۋ قىزمەتىنە بەرىلەدى. مونەتالار «EMS» كۋرەرلىك جەتكىزۋ قىزمەتىنىڭ كونۆەرتتەرى جانە قوراپتارىنا ورالادى, ولاردىڭ كولەمى تاپسىرىس بەرىلگەن مونەتالاردىڭ سانىنا بايلانىستى بولادى. جەتكىزۋدىڭ قۇنى قر ۇب ينتەرنەت-دۇكەنىندە تاپسىرىستى رەسىمدەۋ كەزىندە پوچتالىق جونەلتىلىمنىڭ سالماعىنا جانە «قازپوچتا» اق-نىڭ تاريفتەرى بويىنشا اۆتوماتتى تۇردە ەسەپتەلەدى.
جەتكىزۋ سوماسىنا ساتىپ الىنعان مونەتالاردىڭ جالپى سوماسىنىڭ 1% مولشەرىندەگى اۆتوماتتى تۇردە ەسەپتەلەتىن ساقتاندىرۋ سوماسى كىرەتىندىگىن اتاپ وتكەن ءجون. ساقتاندىرۋ تاپسىرىس قانداي دا ءبىر سەبەپتەرمەن ءوز ادرەساتىنا جەتپەگەن جاعدايدا ساتىپ الۋشىنى قاۋىپسىزدەندىرۋ ءۇشىن كوزدەلگەن. مونەتالار سالىنعان جونەلتىلىم جوعالسا, مونەتالاردىڭ تولىق قۇنى ساتىپ الۋشىعا قايتارىلاتىن بولادى.
قورىتىندىلاي كەلە, نەگىزىنەن كوپتەگەن پايدالانۋشىلار قر ۇب ينتەرنەت-دۇكەنىنىڭ جۇمىسىنا ريزا ەكەندىگىن كەلىپ تۇسكەن حاتتاردان بىلۋگە بولاتىندىعىن ايتقىمىز كەلەدى. پايدالانۋشىلار بارلىعىنىڭ ۇنايتىندىعىن عانا ەمەس, سونىمەن قاتار, وسى قىزمەت ءتۇرىن قالايشا ودان دا جاقسارتۋعا بولاتىندىعىن جازاتىندىعىنا دا ريزامىز. كەلىپ تۇسكەن ۇسىنىستار نەگىزىندە جاقىن ارادا قر ۇب ينتەرنەت-دۇكەنىنىڭ جۇمىسى جەتىلدىرىلەتىن بولادى.
مونەتالاردى ساتىپ الۋدىڭ بارلىق تالاپتارىمەن «قازاقستان رەسپۋبليكاسى ۇلتتىق ۆاليۋتاسىنىڭ ينۆەستيتسيالىق جانە كوللەكتسيالىق مونەتالارىن ساتۋ تۋرالى اقپارات» قۇجاتى ورنالاستىرىلعان «ۇلتتىق ۆاليۋتا» بولىمىندەگى قر ۇب ينتەرنەت-رەسۋرسىندا بارىنشا جان-جاقتى تانىسۋعا بولادى.
جاسۇلان تايپاقوۆ,
قازاقستان رەسپۋبليكاسى ۇلتتىق بانكى قولما-قول اقشامەن جۇمىس دەپارتامەنتىنىڭ باس ەكونوميسى.
