شارۋالار ۇشاقتار ساتىپ الماقشى
جۇما, 29 ناۋرىز 2013 1:29
وبلىس ورتالىعىندا الداعى ناۋقان شارالارىنا ارنالعان جيىن بولىپ ءوتتى. جالپى, بيىل وبلىس بويىنشا ەگىستىك كولەمى 1 ميلليون گەكتاردان اسسا, سونىڭ 800 مىڭداي گەكتارى ەگىن القاپتارى بولماقشى. ال, بىرنەشە جىلدان بەرى استىق وسىرۋشىلەردەن ەگىلەتىن داقىلداردى ءارتاراپتاندىرۋ تالاپ ەتىلىپ كەلەدى. شارۋا قوجالىقتارى كوبىنە بيداي ەگەدى. سودان سوڭ كۇزدە ونى وتكىزە المايدى. ويتكەنى, بيداي كوپ.
جۇما, 29 ناۋرىز 2013 1:29
وبلىس ورتالىعىندا الداعى ناۋقان شارالارىنا ارنالعان جيىن بولىپ ءوتتى. جالپى, بيىل وبلىس بويىنشا ەگىستىك كولەمى 1 ميلليون گەكتاردان اسسا, سونىڭ 800 مىڭداي گەكتارى ەگىن القاپتارى بولماقشى. ال, بىرنەشە جىلدان بەرى استىق وسىرۋشىلەردەن ەگىلەتىن داقىلداردى ءارتاراپتاندىرۋ تالاپ ەتىلىپ كەلەدى. شارۋا قوجالىقتارى كوبىنە بيداي ەگەدى. سودان سوڭ كۇزدە ونى وتكىزە المايدى. ويتكەنى, بيداي كوپ. ەگەتىن داقىلداردى ءارتۇرلى ەتىپ ەگىڭدەر دەگەن تالاپ وسىدان. وبلىستىق اۋىل شارۋاشىلىعى باسقارماسىنىڭ باستىعى باۋىرجان شاراپيدەنوۆتىڭ ايتۋىنشا, بيىل اۋىلشارۋاشىلىق داقىلدارىنا بيۋدجەتتەن تولەنەتىن سۋبسيديانىڭ مولشەرى ماسەلەن, ءار گەكتارى ءۇشىن بيدايعا – 450, كۇنباعىسقا – 2000, باقشا ونىمدەرىنە 6000 تەڭگەدەن بولماق. ساپاسى بولماسا, تۇقىم مول. پاۆلودار اۋدانىنداعى «اۋىل شارۋاشىلىعىن عىلىمي-زەرتتەۋ ينستيتۋتى» سەرىكتەستىگىنىڭ ديرەكتورى باقىت ەرمۇراتوۆتىڭ ايتۋىنشا, كوكتەمدە ەرىگەن قار سۋىنان ەگىس تاناپتارىندا كەمىندە 110-120 مم. ىلعال قالادى. وكىنىشتىسى, ءبىزدىڭ ءوڭىردىڭ شارۋالارى ءالى كۇنگە بيدايدىڭ رەسەيلىك ەسكى سورتتارىن وسىرەدى. ولاردىڭ ونىمدىلىك كورسەتكىشتەرى وتاندىق «پاۆلودار-93», «سەكە», «ەرتىس-97» سەكىلدى سورتتارىنا قاراعاندا الداقايدا تومەن ءارى قۇرعاقشىلىققا ءتوزىمسىز. ال, ءبىز شىعارعان بيداي تۇقىمدارى بۇعان دەيىن شەتەلدەردە ءوسىرىلىپ, قۇرعاقشىلىققا ەڭ ءتوزىمدى سورت دەپ تانىلدى. سوندىقتان, جەرگىلىكتى استىق وسىرۋشىلەر وسى ەرەكشەلىككە نازار اۋدارىپ, وتاندىق سورتتاردى پايدالانۋعا كوڭىل قويسا, دەيدى. وڭىرگە ارزانداتىلعان باعامەن 15 مىڭ توننا جانار-جاعارماي ءبولىندى.
اقپان ايىندا وبلىس اكىمىنىڭ ورىنباسارى دۇيسەنباي تۇرعانوۆ باستاعان دەلەگاتسيا مۇشەلەرى بەلورۋسسياداعى ەلىمىزدىڭ ەلشىسى ەرعالي بولەگەنوۆتىڭ قاتىسۋىمەن ەنەرگەتيكا, ءوندىرىس, اۋىل شارۋاشىلىعى جانە ازىق-ت ۇلىك مينيسترلىكتەرىنىڭ, مينسكىدەگى وبلىستىق اتقارۋ كوميتەتىنىڭ باسشىلارىمەن كەزدەسۋ وتكىزدى. كەزدەسۋ بارىسىندا پاۆلودار وبلىسى جانە بەلارۋس رەسپۋبليكاسى اراسىندا اۋىل شارۋاشىلىعى, كولىك قۇراستىرۋ, ءبىلىم جانە عىلىم سالاسىندا ىنتىماقتاستىق ورناتۋ ماسەلەسى تالقىلاندى. ساپار اياسىندا 7 ميلليون تەڭگەدەن استام قارجىعا اۋىل شارۋاشىلىعى, كولىك قۇراستىرۋ, كوممۋنالدىق تەحنيكانى جيناۋ سالاسىندا 18 كوممەرتسيالىق ماقساتتاعى بىرلەسكەن قۇجاتقا قول قويىلدى. سونىمەن قاتار, «قازاگرو» اق ءوزىنىڭ ەنشىلەس كومپانيالارى ارقىلى ءوڭىردىڭ اۋىل شارۋاشىلىعى سالاسىنا 5,2 ملرد. تەڭگە نەسيە باعىتتاپ وتىر. از قارجى ەمەس ارينە, بۇل شارۋالاردىڭ قولىنا تيسە, شاراۋشىلىقتاردىڭ العا باسارى انىق. ەندى اگروونەركاسىپشىلەر ليزينگكە تەحنيكا الۋ ءۇشىن كەز كەلگەن كومپانيانى تاڭداي الادى. بۇعان دەيىن مەملەكەت تاراپىنان بولىنەتىن دەمەۋ قارجىنى پايدالانىپ ليزينگكە تەحنيكا ساتىپ الۋ تەك «قازاگروقارجى» اق ارقىلى جۇرگىزىلگەنى بەلگىلى. بۇل 50 پايىزىن مەملەكەت تولەيدى دەگەن ءسوز. شارۋالاردىڭ ءتىپتى, ليزينگكە ەگىن شارۋاشىلىعىنا ارنالعان وتاندىق «فەرمەر», «فەرمەر-2» ۇشاقتارىن دا ساتىپ الۋعا قولدارى جەتەدى. ءارى «قازاگروقارجى» كومپانياسى جەلدەن ەنەرگيا وندىرەتىن زاماناۋي قوندىرعىلاردى دا نەسيەگە جەتكىزىپ بەرۋگە دايىن ەكەن. ايتپاقشى, ۇشاقتاردى قاراعاندىنىڭ «قازاۆياسپەكتر» جشس قۇراستىرىپتى. ولار «فەرمەر-2» ۇشاعى –300 ليتر, ال «فەرمەر-500» ۇشاعى 500 ليتر تىڭايتقىش الىپ ۇشادى ەكەن. ۇشاقتىڭ قۇنى 145 مىڭ دوللار تۇرادى. وسى كۇنگە دەيىن ەلiمiزدىڭ اۋىل شارۋاشىلىعىندا بۇرىنعى ان-2 ۇشاعىن نەمەسە امەريكالىق ۇشاقتار پايدالانىپ كەلدى.
فاريدا بىقاي,
«ەگەمەن قازاقستان».
پاۆلودار وبلىسى.
