جيىندى ازىرلەۋ جانە ونى وتكىزۋ جونىندەگى شارالار جوسپارىنىڭ ورىندالۋ بارىسى تۋرالى ۇيىمداستىرۋ كوميتەتى جۇمىس توبىنىڭ جەتەكشىسى, سەنات اپپاراتىنىڭ باسشىسى مۇرات نۇرتىلەۋوۆ باياندادى. جيىن باعدارلاماسىندا ءۇش: “وڭىرلىك قاۋىپسىزدىك (اۋعانستان, تەرروريزم جانە ەسىرتكى تاسىمالىمەن كۇرەس, قارۋسىزدانۋ)”, “ەۋرازيا: جاڭا رىنوكتار جانە قاتەرلەردىڭ ارتا ءتۇسۋى (ەكونوميكالىق دامۋ, ساۋدا, رەسۋرستاردى باسقارۋ, ەڭبەك كوشى-قونى, قورشاعان ورتانى قورعاۋ سالاسىنداعى ماسەلەلەر)” جانە “ەقىۇ-نىڭ ادامي ولشەمدەرى ء(دىني تولەرانتتىلىق, ساياسي دامۋ, ادامدار ساۋداسىمەن كۇرەس, گەندەرلىك تەڭدىك)” سەسسيالارىن وتكىزۋ قاراستىرىلعان.
ترانسازيالىق پارلامەنتتىك جيىنعا الەمدىك قوعامداستىقتاعى ەلدەردىڭ ۇلتتىق پارلامەنتتەرى مەن حالىقارالىق ۇيىمداردان 350-گە جۋىق دەلەگات كەلەدى دەپ كۇتىلىپ وتىر. ۇيىمداستىرۋ كوميتەتىنىڭ توراعاسى قاسىم-جومارت توقاەۆ ەلىمىزدىڭ ەقىۇ-عا توراعالىق ەتۋى اياسىنداعى ترانسازيالىق پارلامەنتتىك جيىننىڭ قازاقستاندا ءوتۋىنىڭ ساياسي زور ماڭىزىنا وتىرىسقا قاتىسۋشىلار نازارىن اۋداردى. “بۇل جيىن پارلامەنتارالىق ۇنقاتىسۋ مەن ىنتىماقتاستىقتى ودان ءارى كەڭەيتۋگە, ەقىۇ-نىڭ باستى مىندەتتەرىن شەشۋدە پارلامەنتشىلەردىڭ ءىس-قيمىلىن بەلسەندىلەندىرۋ مەن ءرولىن ارتتىرۋعا باعىتتالادى”, – دەدى ق.توقاەۆ, دەپ حابارلادى پارلامەنت سەناتىنىڭ ءباسپاسوز قىزمەتى.
